ខេត្តកំពង់ស្ពឺ ៖ សុំទានគឺជាមុខរបរដ៏ពេញនិយមមួយសម្រាប់ពលរដ្ឋខ្មែរដែលមានជីវភាពក្រីក្រមួយចំនួនតូច ថ្វីដ្បិតតែមុខរបរនេះមើលទៅមិនសូវសម តែជាមុខរបរមួយដែលសុចរិត មិនបៀតបៀនអ្នកដទៃ គឺរស់ទៅតាមសម្មាជីវោរបស់បុគ្គលរៀងៗខ្លួន។ លោកយាយម៉ាញ មានអាយុ៧៨ឆ្នាំ រស់នៅឃុំព្រៃវិហារ…
ខេត្តកំពង់ស្ពឺ ៖ សុំទានគឺជាមុខរបរដ៏ពេញនិយមមួយសម្រាប់ពលរដ្ឋខ្មែរដែលមានជីវភាពក្រីក្រមួយចំនួនតូច ថ្វីដ្បិតតែមុខរបរនេះមើលទៅមិនសូវសម តែជាមុខរបរមួយដែលសុចរិត មិនបៀតបៀនអ្នកដទៃ គឺរស់ទៅតាមសម្មាជីវោរបស់បុគ្គលរៀងៗខ្លួន។
លោកយាយម៉ាញ មានអាយុ៧៨ឆ្នាំ រស់នៅឃុំព្រៃវិហារ ស្រុកគងពិសី ជាអ្នកសុំទានម្នាក់នៅកណ្តាលក្រុងច្បារមន ខេត្តកំពង់ស្ពឺ (ផ្សារកំពង់ស្ពឺ)បានឱ្យកោះសន្តិភាពដឹងថា គាត់អាចសុំទានបានលុយចន្លោះពី៤ទៅ៥ម៉ឺនរៀលក្នុងមួយថ្ងៃ ដោយមិនចាំបាច់ពឹងពាក់លើកូនចិញ្ចឹមឡើយ។
លោកយាយបន្តថា ជួនកាលថ្ងៃខ្លះគាត់អាចសុំបានលើសពី៥ម៉ឺរៀលទៅទៀតក្នុងមួយថ្ងៃៗ។
ធ្លាប់ជាកសិករ ធ្វើចំការម្នាក់នៅខេត្តកំពង់ស្ពឺ លោកយាយបានអះអាងថា របរសុំទានអាចជួយឲ្យគាត់ផ្គត់ផ្គងជីវភាពលោកយាយបាន ។
មិនត្រឹមតែប៉ុណ្ណោះ របរមួយនេះក៏កំពុងផ្តល់ចំណូលដល់រូបគាត់ ដែលមិនមានកូនចៅចិញ្ចឹមបានរស់ដូចគេឯងបានយ៉ាងស្រួលទេ ។ ចំពោះការមកសុំរាល់ថ្ងៃគឺយប់កន្លែងណាសម្រាកកន្លែងហ្នឹងមិនទៀងទាត់នោះទេ ប៉ុន្តែ 2 ទៅ 3 ថ្ងៃ គាត់តែងតែត្រឡប់ទៅផ្ទះវិញដើម្បីសម្រាកយកកម្លាំងខ្លះ។
ជួបជាមួយអ្នកយកព័ត៌មានយើង លោកយាយម៉ាញបាននិយាយឲ្យដឹងទៀតថា ក្រោយពីសម្រាកអ្នកមីងក៏បានធ្វើដំណើរមកផ្សារនាគព័ន្ឋកំពង់ស្ពឺ ដើម្បីបន្តអាជីពជាអ្នកសុំទានរបស់គាត់នេះ ថ្វីដ្បិតតែគាត់ប្រកបរបរសុំទានក៏ពិតមែន ក៏ប៉ុន្តែគាត់ក៏អរគុណដល់អ្នកចិត្តសប្បុរសទាំងអស់ដែលតែងតែដាក់ទានឲ្យរូបគាត់បានចិញ្ចឹមជីវិតរស់ដូចមនុស្សចាស់ដទៃទៀតដែលមានកូនចិញ្ចឹមផងដែរ ។
ចែករំលែកព័តមាននេះ