អ្នកមេម៉ាយ ថន ដារ៉ា ភ្ជាប់ពាក្យជាមួយអតីតព្រះចៅអធិការវត្ត១រូបធ្លាប់មានងារជាសម្តេចសង្ឃ
- ភ្នំពេញ
រាជធានីភ្នំពេញ ៖ នៅថ្ងៃទី១៣ ខែមីនា ឆ្នាំ២០២៤ អ្នកនាង ថន ដារ៉ា បងស្រីបង្កើតរបស់ពិធីការិនីល្បីឈ្មោះដ៏មានប្រជាប្រិយភាព ថន…
រាជធានីភ្នំពេញ ៖ នៅថ្ងៃទី១៣ ខែមីនា ឆ្នាំ២០២៤ អ្នកនាង ថន ដារ៉ា បងស្រីបង្កើតរបស់ពិធីការិនីល្បីឈ្មោះដ៏មានប្រជាប្រិយភាព ថន លក្ខិណា បានភ្ជាប់ពាក្យជាមួយគូដណ្តឹង ឈ្មោះ ឃី សុវណ្ណរតនា បន្ទាប់ពីលែងលះដោយស្ងប់ស្ងាត់ជាមួយអតីតស្វាមីជាមន្ត្រីជាន់ខ្ពស់ជនជាតិថៃ ដែលរៀបការកាលពីថ្ងៃឆ្នាំ២០១៦ ដោយអ្នកនាងបានរស់នៅស្ពាយឈ្មោះមេម៉ាយតាំងពីឆ្នាំ២០១៩មក
ម្ល៉េះ ។
ចំពោះពិធីភ្ជាប់ពាក្យនេះ បានធ្វើឱ្យមហាជនភ្ញាក់ផ្អើលខ្លាំង ព្រោះភាគច្រើនមិនធ្លាប់បានដឹង និងឮពីដំណឹងលែងលះរបស់អ្នកនាង ថន ដារ៉ា នោះឡើយ ។ ប៉ុន្តែអ្វីដែលមហាជនគួរតែភ្ញាក់ផ្អើលនោះ គឺប្រវត្តិមិនធម្មតារបស់គូដណ្តឹងអ្នកនាងថន ដារ៉ា តែម្តង ។
តើលោកអ្នកចំណាំបានទេថា គាត់ជាអ្នកណា?
អនាគតស្វាមីរបស់អ្នកនាងថន ដារ៉ា គឺជាបុគ្គលមួយរូបដែលមានកេរ្តិ៍ឈ្មោះល្បីល្បាញទាំងក្នុងប្រទេសកម្ពុជា និងទូទាំងសាកលលោកនោះ គឺលោកបណ្ឌិត ឃី សុវណ្ណរតនា បច្ចុប្បន្នជាឯកឧត្តម រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ។
មុនពេលក្លាយខ្លួនជារដ្ឋលេខាធិការក្រសួងការបរទេស លោកបណ្ឌិតធ្លាប់មានងារជាសម្ដេចព្រះមហាអរិយវង្ស និងជាព្រះចៅអធិការវត្តមង្គលវ័ន ហៅវត្តស្វាយដង្គំ តែលោកបណ្ឌិតបានលាចាកសិក្ខាបទកាលពីខែសីហា ឆ្នាំ២០២៣ ។
លោកបណ្ឌិត ធ្លាប់ជាព្រះសង្ឃខ្មែរមួយព្រះអង្គ ដែលត្រូវបានគេចាត់ទុកជាអ្នកប្រាជ្ញខ្មែរមួយរូប ដែលមានចំណេះដឹងយ៉ាងទូលំទូលាយទាំងផ្នែកពុទ្ធចក្រ និងអាណាចក្រ ដោយបានបួសរៀនជាង៣០វង្សាទាំងនៅកម្ពុជា និងតាមបណ្តាប្រទេសនានាជាច្រើន ដែលធ្វើឱ្យលោកបណ្ឌិតមានសមត្ថភាពចេះនិយាយនិងអាចប្រើប្រាស់ភាសាបរទេស រហូតដល់១០ភាសា រួមមាន៖ អង់គ្លេស បារាំង ឥណ្ឌា ស្រីលង្កា ភូមា ថៃ ឡាវ វៀតណាម ចិន រួមទាំងភាសាបាលី និងសំស្ក្រឹត ។
លោកបណ្ឌិត ធ្លាប់មានតំណែងជាអគ្គលេខាធិការរងថេរសភាពុទ្ធសាសនានៃកម្ពុជា លោកបណ្ឌិត បានបញ្ចប់ការសិក្សាថ្នាក់បរិញ្ញាបត្រ អនុបណ្ឌិត និងបណ្ឌិតនៅប្រទេសស្រីលង្កា និងប្រទេសឥណ្ឌា។
ជុំវិញទំនាក់ទំនងជាមួយអ្នកនាង ថន ដារ៉ា វិញ គឺចាប់តាំងពីចុងឆ្នាំ២០២៣មក អ្នកនៅក្នុងចង្កោមសិល្បៈ ក៏ដូចជាមន្ត្រីក្នុងជួរដ្ឋាភិបាល តែងតែឃើញគូរស្នេហ៍អ្នកទាំងពីរបណ្តើគ្នាជាគូយ៉ាងត្រសងមិនថាកម្មវិធីតូចធំ ឬដំណើរកម្សាន្តក្នុងនិងក្រៅប្រទេសនោះទេ ប៉ុន្តែគ្រាន់តែ អ្នកទាំងពីរមិនទាន់បើកចំហរជាសាធារណៈតាមបណ្តាញសង្គម ៕ ដោយ៖ អោម ចែតច័ន្ទណារ៉ា
ចែករំលែកព័តមាននេះ