បន្ទាយមានជ័យ ៖ ឃាត់ខ្លួនជនសង្ស័យម្នាក់ក្លែងបន្លំឯកសាររថយន្តសេរីឆ្នាំ២០២៣ យកទៅបញ្ចាំត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៤ ខែមីនា ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ៖ ជនសង្ស័យមានឈ្មោះ មួយ បូរិន ភេទប្រុស អាយុ២៤ឆ្នាំ(មានមុខរបបទិញ លក់ម៉ូតូ) នៅក្រុងសិរីសោភ័ណ ។
លោកបានបញ្ជាក់ថា ៖ ក្រោយទទួលពាក្យបណ្តឹងឈ្មោះ ចាន់ គឹមជា ភេទប្រុស អាយុ៣៨ឆ្នាំ (ម្ចាស់ហាងបញ្ចាំយីហោ(SNB) រស់នៅភូមិមិត្តភាព សង្កាត់ ក្រុងប៉ោយប៉ែត បានប្តឹងឈ្មោះ មួយ បូរិន ដែលបានយករថយន្ត១គ្រឿង ម៉ាក់FORD TERRITORY ពណ៌ខ្មៅផលិតឆ្នាំ២០២៣ ដែលពាក់ផ្លាកលេខ កម្ពុជា HENG 1667 មកដាក់បញ្ចាំចំនួន២ម៉ឺនដុល្លារប្រាប់ថា រថយន្តផ្ទាល់ខ្លួនទិញពីខេត្តឧត្តរមានជ័យមានភ្ជាប់ទាំងប័ណ្ណសម្គាល់រថយន្តម្ចាស់ដើម និងលិខិតទិញ លក់ ក្រោយមកសុំយកលុយ២.០០០ដុល្លារទៀត ក្រោយត្រួតពិនិត្យឯកសាររថយន្តមិនប្រក្រតី គឺក្លែងក្លាយទើបនាំខ្លួនទៅទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត កាលពីថ្ងៃទី១២ ខែមីនា ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយម្ចាស់ហាងបញ្ចាំយីហោ(SNB) នៅក្រុងប៉ោយប៉ែតបាននាំខ្លួនជនសង្ស័យឈ្មោះ មួយ បូរិន ដែលក្លែងបន្លំឯកសាររថយន្តយកមកបញ្ចាំបានឃាត់ខ្លួនសួរនាំទើបបានសារភាពថា ខ្លួនមានមុខរបបលក់ទិញ លក់ម៉ូតូក្រុងសិរីសោភ័ណ ដែលឡើងចុះទៅក្រុងប៉ោយប៉ែតលេងល្បែ.ងកាស៊ីណូ ។ ហើយបានស្គាល់មនុស្សចំនួន៣នាក់ ជិះរថយន្ត២គ្រឿង១គ្រឿងម៉ាក់ហ្វូត ដែលបញ្ចាំ និង១គ្រឿងម៉ាក់នីសាន់ បានប្រើអោយយករថយន្ត១គ្រឿងម៉ាក់ហ្វូតដោយរៀបចំឯកសារក្លែងក្លាយទៅបញ្ចាំត្រូវបានបែកការ ត្រូវម្ចាស់ហាងឃាត់ខ្លួនប្រគល់ជូនកម្លាងកងរាជអាវុធហត្ថក្រុងប៉ោយប៉ែតចាត់ការតាមច្បាប់ ៕
ចែករំលែកព័តមាននេះ