ឧកញ៉ាឡេង ចាន់ណា និងបក្សពួក កំពុងស្ថិតក្នុងទ្រុងស្នងការដ្ឋានខេត្ត រង់ចាំចំណាត់ការ
- សៀមរាប
ខេត្តសៀមរាប ៖ គិតត្រឹមព្រឹកថ្ងៃទី១៣ មីនា ២០២៤ នេះ អ្នកស្រីឧកញ៉ាឡេង ចាន់ណា អគ្គនាយកក្រុមហ៊ុនប៊្រីលាន ស៊ីធីមើលដ៍ឯ.ក…
ខេត្តសៀមរាប ៖ គិតត្រឹមព្រឹកថ្ងៃទី១៣ មីនា ២០២៤ នេះ អ្នកស្រីឧកញ៉ាឡេង ចាន់ណា អគ្គនាយកក្រុមហ៊ុនប៊្រីលាន ស៊ីធីមើលដ៍ឯ.ក…
ខេត្តសៀមរាប ៖ គិតត្រឹមព្រឹកថ្ងៃទី១៣ មីនា ២០២៤ នេះ អ្នកស្រីឧកញ៉ាឡេង ចាន់ណា អគ្គនា
យកក្រុមហ៊ុនប៊្រីលាន ស៊ីធីមើលដ៍ឯ.ក និងបក្សពួក ត្រូវចាប់ខ្លួនតាមដីកាបញ្ជាឲ្យចូលខ្លួនរបស់តំណាងអយ្យការអមសាលាដំបូងខេត្តសៀមរាប និងកំពុងស្ថិតក្នុងទ្រុងនៅបរិវេណស្នងការដ្ឋាន
នគរបាលខេត្ត ខណៈតំណាងអយ្យការនឹងជូនព័ត៌មាន ដើម្បីឱ្យសាធារណជនជ្រាបពីចំណាត់ការជាបន្តបន្ទាប់នូវសំណុំរឿងនេះ ។
សូមរំលឹកថា ឧកញ៉ាឡេង ចាន់ណា ប្រធានក្រុមហ៊ុនប្រ៊ីលាន ស៊ីធីមើលដ៍ ឯ.ក ដែលឆបោកលុយប្រជាពលរដ្ឋរឿងដីធ្លី-ផ្ទះ និងការវិនិយោគក្នុងទំហំទឹកប្រាក់រាប់រយលានដុល្លារនោះ ត្រូវបានកម្លាំងនគរបាលខេត្តសៀមរាបចាប់ខ្លួន។ នេះបើយោងតាមសេចក្តីប្រកាសរបស់អយ្យការអមសាលាដំបូងខេត្តសៀមរាបកាលពីរសៀលថ្ងៃទី១២ ខែមីនា ឆ្នាំ២០២៤ ស្ថិតនៅបរិវេណស្នងការដ្ឋាននគរបាលខេត្តសៀមរាប ក្នុងសង្កាត់ទឹកវិល ក្រុងសៀមរាប ខេត្តសៀមរាប ។
ឧកញ៉ាឡេង ចាន់ណា និងបក្សពួករបស់ខ្លួនត្រូវបានប្រជាពលរដ្ឋចោទថា បានបោកលុយរាប់រយលានដុល្លារក្នុងរូបភាពទិញដី ផ្ទះ និងការវិនិយោគបានការប្រាក់ខ្ពស់ ។ តែទីបំផុត អ្នកខ្លះបានការស៊ី តែប៉ុន្មានខែក៏លែងបានរហូត មានតែទឹកភ្នែក និងប្រឈមមុខជាមួយធនាគារ ។ ប្រជាពលរដ្ឋជាច្រើននាក់ បានចាញ់បោកអ្នកស្រីឧកញ៉ាឡេង ចាន់ណា ដោយខ្លះខ្ចីលុយពីធនាគារ ដើម្បីមកនិវិយោគជាមួយរហូតមកដល់ពេលនេះ ត្រូវសងធនាគារវិញយ៉ាងលំបាក ។ ប្រជាពលរដ្ឋរងគ្រោះបានធ្វើការតវ៉ាជាច្រើនខែមកហើយចំពោះអំពើឆបោកដ៏ធំមួយនេះ ប៉ុន្តែកន្លងទៅ បើទោះបីមានការសម្របសម្រួលពីអាជ្ញាធរ និងមន្ត្រីពាក់ព័ន្ធ ក៏មិនទទួលបានលទ្ធផលផ្លែផ្កានោះទេ ។
ហើយនៅទំបំផុត កម្លាំងនគរបាលខេត្តសៀមរាបបានអនុវត្តដីការបស់តំណាងអយ្យការ ក៏សម្រេចធ្វើការឃាត់ខ្លួនឧកញ៉ារូបនេះតែម្តង ។ អ្នកនាំពាក្យអយ្យការអមសាលាដំបូងខេត្តសៀមរាប មានកិត្តិយសសូមជម្រាបជូនបណ្តាញសារព័ត៌មាន និងសាធារណៈជនឱ្យបានជ្រាបថា សមត្ថកិច្ចនគរបាលនៃស្នងការដ្ឋាននរគបាលខេត្តសៀមរាបបានឃាត់ខ្លួនឈ្មោះ ឡេង ចាន់ណា អគ្គនាយកក្រុមហ៊ុនទ្រីលានស៊ីធីមើលដ៍ឯ.ក និងបក្សពួកតាមដីកាបញ្ជាឲ្យចូលខ្លួនរបស់តំណាងអយ្យការអមសាលាដំបូងខេត្តសៀមរាប ដោយផ្អែកតាមពាក្យបណ្តឹងរបស់ប្រជាពលរដ្ឋដែលបានដាក់ពាក្យបណ្ដឹងមកអយ្យការអមសាលាដំបូងខេត្តសៀមរាប ពាក់ព័ន្ធនឹងបទល្មើសឆបោករំលោភលើទំនុកចិត្ត និងចេញមូលប្បទានបត្រគ្មានសាច់ប្រាក់ ហើយជនសង្ស័យ និងបក្សពួក នឹងត្រូវបញ្ជូនមកអយ្យការអមសាលាដំបូងខេត្តសៀមរាប ដើម្បីចាត់ការតាមនីតិវិធី ។
មានព័ត៌មានបន្ថែម កោះសន្តិភាពនឹងផ្សាយជូនបន្ត ។
ចែករំលែកព័តមាននេះ