រាជធានីភ្នំពេញ ៖ សូមចូលរួមទាំងអស់គ្នាលុបបំបាត់ការប្រើប្រាស់គ្រឿងញៀ.ននៅក្នុងសង្គមជាតិ ដើម្បីទាំងអស់គ្នាដែលជាទិសដៅចង់បានរបស់រដ្ឋាភិបាល ។
ពាក់ព័ន្ធនឹងគ្រឿងញៀ.ននេះ លោកទូច សុឃៈ (សុខៈ) អ្នកនាំពាក្យរងក្រសួងមហាផ្ទៃបានឲ្យដឹងតាមប្រព័ន្ធតេឡេក្រាមថា យ៉ាងហោចណាស់ មានជនសង្ស័យពាក់ព័ន្ធនឹងបទល្មើសគ្រឿងញៀ.នចំនួន៣៥៣នាក់ ត្រូវបានសមត្ថកិច្ចនគរបាលជាតិឃាត់ខ្លួនក្នុងសប្ដាហ៍កន្លងទៅនេះ គិតចាប់ពីថ្ងៃទី៤ ដល់ថ្ងៃទី១០ ខែមីនា ឆ្នាំ២០២៤។
អ្នកនាំពាក្យបានលើកឡើងថា ចំនួនជនសង្ស័យបានកើនឡើង៣៤នាក់ ប៉ុន្តែករណីគ្រឿងញៀ.នសរុបមានការធ្លាក់ចុះ បើធៀបនឹងសប្ដាហ៍មុន ។ បើធៀបនឹងសប្ដាហ៍មុន ដែលមានចំនួន១៦១ករណី ករណីគ្រឿងញៀ.ននៅសប្ដាហ៍ចុងក្រោយនេះ មានចំនួន១៣៦ករណី ក្នុងនោះរាជធានីភ្នំពេញ មាន៣០ករណី ស្មើនឹងជនសង្ស័យ៥០នាក់ ។
សម្រាប់ករណីទ្រង់ទ្រាយធំ លោក ទូច សុឃៈ (សុខៈ) បានឱ្យដឹងថាមានមាន៣ករណីក្នុងនោះរាជធានីភ្នំពេញមាន១ករណី រឹបអូសគ្រឿងញៀ.នជាង២គីឡូក្រាម និងខេត្តស្វាយរៀងមាន២ករណី រឹបអូសគ្រឿងញៀ.នជាង២គីឡូក្រាម អាវុធ៣ដើម រយន្តមួយគ្រឿង និងម៉ូតូ៨គ្រឿង ។
អ្នកនាំពាក្យរងបានលើកឡើងទៀតថា គ្រឿងញៀ.ន គឺជាប្រភពបង្កមហន្តរាយជាច្រើនក្នុងសង្គម ពីព្រោះមិនថា នៅប្រទេសកម្ពុជា ឬប្រទេសផ្សេងទៀតនោះទេ អ្នកពាក់ព័ន្ធនឹងបទល្មើសនេះងាយនឹងទៅប្រព្រឹត្តបទល្មើសផ្សេងទៀត ដូចជា ការលួច ឆ.ក់ ប្ល.ន់ ហិ.ង្សា ឃា.តកម្ម និងឧក្រិ.ដ្ឋកម្មអន្តរជាតិផ្សេងៗទៀត ។
ហេតុដូច្នេះហើយ ទើបបានជារាជរដ្ឋាភិបាលកម្ពុជា និងសហគមន៍អន្តរជាតិ ចាត់ទុកបញ្ហានេះជាកិច្ចការអាទិភាពដែលត្រូវដោះស្រាយជាបន្ទាន់ ទាំងកម្រិតផ្ទៃក្នុងប្រទេស និងកម្រិតកិច្ចសហប្រតិបត្តិការអន្តរជាតិ ។ ក្នុងក្របខ័ណ្ឌផ្ទៃក្នុងប្រទេសកម្ពុជា មានអាជ្ញាធរជាតិប្រយុទ្ធប្រឆាំងគ្រឿងញៀ.ន ដែលបាន និងកំពុងដឹកនាំយុទ្ធនាការប្រយុទ្ធប្រឆាំងគ្រឿងញៀ.នយ៉ាងសកម្ម ។
ជាមួយគ្នានោះ កម្លាំងនគរបាលជាតិនៃក្រសួងមហាផ្ទៃ ចាប់ពីថ្នាក់អគ្គស្នងការដ្ឋានរហូតដល់ប៉ុស្តិ៍នគរបាលរដ្ឋបាល ឃុំ សង្កាត់ ទូទាំងប្រទេសក៏បាន និងកំពុងយកចិត្តទុកដាក់ផ្សព្វផ្សាយអប់រំ និងបង្ក្រាបបទល្មើសគ្រឿងញៀ.នយ៉ាងផុលផុស ស្របតាមគោលនយោបាយភូមិ-ឃុំ-សង្កាត់មានសុវត្ថិភាពផងដែរ ។
ចាប់ពីដើមអាណត្តិទី៧ នៃរដ្ឋសភា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះកម្ពុជា ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដៅយកបញ្ហាគ្រឿងញៀ.នជាកិច្ចការអាទិភាពមួយក្នុងចំណោម៦ការងារអាទិភាព ក្នុងនោះការប្រយុទ្ធប្រឆាំងគ្រឿងញៀ.នក៏បាននឹងកំពុងអនុវត្តក្នុងក្របខ័ណ្ឌមន្ត្រីផ្ទៃក្នុងក្រសួង រហូតមានការបណ្ដេញមន្ត្រីមួយចំនួនផងដែរ បន្ទាប់ពីរកឃើញពាក់ព័ន្ធនឹងគ្រឿងញៀ.ន។
យុទ្ធនាការនេះ កំពុងត្រូវបានអនុវត្តយ៉ាងសកម្ម ខណៈសម្ដេចធិបតី បានចេញបទបញ្ជាលេខ០០១ ឱ្យគ្រប់ស្ថាប័នរដ្ឋ ធ្វើតេស្តរកសាធាតុញៀ.នលើមន្ត្រីរាជការទាំងអស់ និងបញ្ជាក់ច្បាស់ថា មន្ត្រីដែលប្រើប្រាស់គ្រឿងញៀ.ន ឬរកឃើញថា ពាក់ព័ន្ធនឹងបទល្មើសនេះនឹងត្រូវបណ្ដេញចេញពីក្របខ័ណ្ឌ ៕
ចែករំលែកព័តមាននេះ