សកម្មភាពប្លែកៗ និងថ្មីៗរបស់លោក ខឹម វាសនា ដែលតាំងខ្លួនឯងជាព្រហ្មរក្សាលោក
- សៀមរាប
ខេត្តសៀមរាប ៖ នៅល្ងាច ថ្ងៃទី១០ ខែមិនា ឆ្នាំ២០២៤ ប្រជាពលរដ្ឋដែលគាំទ្រលោក ខឹម វាសនា ប្រមុខគណបក្សសម្ព័ន្ធ…
ខេត្តសៀមរាប ៖ នៅល្ងាច ថ្ងៃទី១០ ខែមិនា ឆ្នាំ២០២៤ ប្រជាពលរដ្ឋដែលគាំទ្រលោក ខឹម វាសនា ប្រមុខគណបក្សសម្ព័ន្ធ…
ខេត្តសៀមរាប ៖ នៅល្ងាច ថ្ងៃទី១០ ខែមិនា ឆ្នាំ២០២៤ ប្រជាពលរដ្ឋដែលគាំទ្រលោក ខឹម វាសនា ប្រមុខគណបក្សសម្ព័ន្ធ ដើម្បីប្រជាធិបតេយ្យ រស់នៅក្នុងចម្កាម្រេច១២ហិកតា ប្រមាណជាង១០០នាក់ អត់ការធ្វើ ចេញក្រៅស៊ីឈ្នួលធ្វើស្រែចម្ការដល់វេលាម៉ោងប្រមាណជា៥និង៣០នាទីល្ងាច ប្រមូលផ្ដុំគ្នាទៅស្តាប់ធម៌ នៅស្រុកប្រាសាទបាគង ដែលនិយាយពន្យល់អំពីដំណើរធម្មជាតិ និងបំភ្លឺសារជាថ្មីនូវមេរៀនត្រាស់ដឹងរបស់ព្រះសម្មាសម្ពុទ្ធសម្តែងដោយលោកខឹម វាសនា ។
បើតាមប្រភពពីសមត្ថកិច្ចបានប្រាប់ឱ្យដឹងនៅរសៀលថ្ងៃទី១១ ខែមិនា ឆ្នាំ២០២៤ នេះថា លោក ខឹម វាសនា ដែលតាំងខ្លួនឯងជាព្រហ្មរក្សាលោក និងសហការីសរុបចំនួន១៤នាក់ ភេទប្រុស ដោយរថយន្តចំនួន០៣គ្រឿង បានធ្វើដំណើរចេញពីចម្ការម្រេច១២ហិកតា ស្ថិតនៅភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប ជិះរថយន្តមកធ្វើសកម្មភាពប្រមូលផ្តុំ ជួបជុំសមាជិកសកម្មជន និងអ្នកគាំទ្រ ស្ថិតនៅភូមិរលួសខាងលិច ឃុំរលួស ស្រុកប្រាសាទបាគង ខេត្តសៀមរាប ។
សូមបញ្ជាក់ថា តាមគម្រោងដែលគេនិយាយប្រាប់ទៅមាន សមាជិកចូលរួមសរុបចំនួន ៣៨០នាក់ ស្រី១៨០នាក់ ក្មេងប្រុសស្រីប្រមាណ៥០នាក់ ជួបជុំគ្នានៅវេលាម៉ោង៦ល្ងាច ថ្ងៃទី១០ ខែមិនា ឆ្នាំ២០២៤ និងធ្វើដំណើរត្រឡប់ទៅវិញ នៅវេលាម៉ោង១៩និង៥៥នាទី ថ្ងៃខែឆ្នាំដដែល ដោយប្រើប្រាស់មធ្យោបាយ រថយន្តចំនួន៤៣គ្រឿង ម៉ូតូចំនួន៤៥គ្រឿង ផាស់អាប់ចំនួន១៦គ្រឿង រឺម៉កម៉ូតូចំនួន១២គ្រឿងផងដែរ ។
ប្រភពបន្ថែមថា លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ នៅតែបន្តនិយាយពន្យល់អំពីដំណើរធម្មជាតិ និងបំភ្លឺសារជាថ្មីនូវមេរៀនត្រាស់ដឹងរបស់ព្រះសម្មាសម្ពុទ្ធ ។ លោក ខឹម វាសនា ថា មនុស្សត្រូវចេះគិតហេតុផល គឺវិញ្ញាណបានភ្ញាក់ពីយល់សប្តិដឹងថាលោកិយនេះ មិនពិតទេ លោកិយជាហ្គេមសម្រាប់ដោះស្រាយកងទុក្ខប៉ុណ្ណោះ ហើយស្តាប់ធម៌យល់បានផ្លូវអារម្មណ៍ត្រូវមនោសុចរិតឈ្នះហ្គេម ។ រីឯមនុស្សមិនចេះគិតហេតុផល គឺវិញ្ញាណមិនភ្ញាក់ពីយល់សប្តិឡើយដឹងថា លោកិយនេះពិត ទោះព្រហ្មរក្សាលោកខំពន្យល់ធម៌យ៉ាងណាក៏ពួកវាមិនយល់ដែរ នៅសោយកម្មរហូតអស់ពីសម្បកមួយទៅសម្បកមួយ ព្រោះវិញ្ញាណវង្វេងនឹងផស្សតាមទ្វារទាំង៥ ។
លោក ខឹម វាសនា បានប្រកាសស្រែកជេរត្រង់ៗយ៉ាងអាក្រក់ស្តាប់ថា ដូចអាសាំង ឡេង និងមីកាផារី កូនចៅLDP ដែរ តែមិនចេះគិតហេតុផល ទោះខំពន្យល់យ៉ាងណាក៏មិនព្រមភ្ញាក់ពីយល់សប្តិរបស់វា ព្រោះពួកវាជាវិញ្ញាណវង្វេងនឹងផស្សតាមទ្វារទាំង៥ មិនត្រឹមប៉ុណ្ណឹងពួកវាមកប្រដៅ ខឹម វាសនា ដែលជាឪរបស់ពួកវាព្រហ្មរក្សាលោកទៀត បើមិនព្រមភ្ញាក់ទេ ចុះនរកហើយ ខឹម វាសនា ចុះមករែកយកតែអ្នកមានសីល និងមានឧប្បនិស្ស័យប៉ុណ្ណោះ ។
សូមបញ្ជាក់បន្ថែមថា របាយការណ៍របស់សមត្ថកិច្ច អំពីសភាពការណ៍មនុស្សដែលមកស្នាក់នៅតាមផ្ទះប្រជាជននៅក្នុងឃុំត្បែង ឃុំរុនតាឯង និងឃុំផ្សេងៗដែលនៅជុំវិញដី១២ហិតា ក្នុងស្រុកបន្ទាយស្រី មាន ៖ ១.បានចុះបញ្ជីស្នាក់នៅ តាមផ្ទះក្រៅដី១២ហិកតា និង២៥ហិកតា ៖ បូកសរុប៦ឃុំ ២២ខ្នងផ្ទះ មនុស្ស១៧២នាក់ ស្រី៨០នាក់ ក្មេង៣៤នាក់ ស្រី១៣នាក់ ក្នុងឃុំទាំង៦ ។
អំពីសភាពការណ៍សមាជិក សកម្មជន អ្នកគាំទ្រគណបក្សសម្ព័ន្ធដើម្បីប្រជាធិបតេយ្យ ( LDP) ដែលបានមកស្នាក់នៅបណ្ដោះអាសន្នក្រៅដីចម្ការម្រេច១២ហិកតា ក្នុងមូលដ្ឋាន ស្រុកប្រាសាទបាគង ខេត្តសៀមរាប មានចំនួន០៣ឃុំ : ឃុំរលួស ឃុំបល្ល័ង ឃុំបាគង និង ០៦ភូមិ ស្មើ១៥ខ្នងផ្ទះ ក្នុងដីឡូត៍០១កន្លែង ។ ស្នាក់នៅសរុបចំនួន៥៣គ្រួសារ មនុស្ស ១៣១នាក់ ស្រី៥៥នាក់ ។ អាយុ១៤ឆ្នាំចុះចំនួន២៦នាក់ ស្រី១២នាក់ អាយុ១៥ឆ្នាំឡើងចំនួន០៥នាក់ ស្រី០១នាក់ អាយុ១៨ឆ្នាំឡើង ចំនួន១០០នាក់ ស្រី៤២នាក់ ។
ចំពោះរថយន្តតូច២៤គ្រឿង រថយន្តធំម៉ាកកូរ៉េ០៤គ្រឿង ម៉ូតូ៣៧គ្រឿង ផាស់ស្អាប់០២គ្រឿង ដែលស្ថិតនៅចំណុចដីឡូត៍ របស់ម្ចាស់ឈ្មោះ ឈុន វ៉ន ភេទប្រុស អាយុ៤៨ឆ្នាំ និង ប្រពន្ធឈ្មោះ ហម ឡៃឡុង អាយុ៤៦ឆ្នាំ ស្ថិតនៅភូមិរលួស ឃុំរលួស ស្រុកប្រាសាទបាគង ខេត្តសៀមរាប ដែលសមាជិកគណបក្សសម្ព័ន្ធដើម្បីប្រជាធិបតេយ្យដឹកនាំដោយលោក ខឹម វាសនា ប្រធានគណបក្សបានធ្វើសកម្មភាពប្រមូលសមាជិក និងអ្នកគាំទ្រ ដើម្បីចូលរួមស្តាប់ការផ្សព្វផ្សាយព្រះធម៌ ខ្លឹមសារ ពន្យល់អំពីដំណើរធម្មជាតិបំភ្លឺសារជាថ្មីនូវមេរៀនត្រាស់ដឹងរបស់ព្រះសម្មាសម្ពុទ្ធនៃយើង ។
គួរបញ្ជាក់ផងដែរថា បច្ចុប្បន្នប្រជាពលរដ្ឋ និងសមាជិកសកម្មជនរបស់គណបក្សសម្ព័ន្ធដើម្បីប្រជាធិបតេយ្យ ដែលដឹកនាំដោយ លោក ខឹម វាសនា នៅចម្ការម្រេច១២ ហិកតា ដែលមានទីតាំងស្ថិតនៅភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប សព្វថ្ងៃនៅសល់ប្រមាណជាង១៥០នាក់ ហើយទីតាំងនោះត្រូវបានចេញចូលធម្មតា ដោយមានសមត្ថកិច្ចនៅតាមយាមកាមធម្មតា ជុំវិញបរិវេណដីចម្ការម្រេច១២ហិកតារបស់លោក ខឹម វាសនា ៕
ចែករំលែកព័តមាននេះ