ខេត្តសៀមរាប ៖ កម្លាំងកងរាជអាវុធហត្ថខេត្តសហការជាមួយកងរាជអាវុធហត្ថ មូលដ្ឋានក្រុងសៀមរាប បានចុះឆែកឆេរត្រួតពិនិត្យអាវុធជាតិផ្ទុះ ខណៈពេលនោះ បានរកឃើញគ្រឿងញៀ.ន និងក្មេងទំនើងចំនួន៥នាក់ រួចនាំយកមកសួរ នៅទីបញ្ជាការកងរាជអាវុធហត្ថខេត្តសៀមរាប…
ខេត្តសៀមរាប ៖ កម្លាំងកងរាជអាវុធហត្ថខេត្តសហការជាមួយកងរាជអាវុធហត្ថ មូលដ្ឋានក្រុងសៀមរាប បានចុះឆែកឆេរត្រួតពិនិត្យអាវុធជាតិផ្ទុះ ខណៈពេលនោះ បានរកឃើញគ្រឿងញៀ.ន និងក្មេងទំនើងចំនួន៥នាក់ រួចនាំយកមកសួរ នៅទីបញ្ជាការកងរាជអាវុធហត្ថខេត្តសៀមរាប និងធ្វើតេស្តរកសារធាតុញៀ.ន លទ្ធផលវិជ្ជមានទាំង៥នាក់ ហើយរៀបចំកសាងសំណុំរឿងបញ្ជូនទៅតុលាការ ។
ហេតុការណ៍ចុះប្រត្តិបត្តការឆែកឆេរអាវុធជាតិផ្ទុះធ្វើឡើងនៅវេលាម៉ោង២២និង០០នាទីយប់ ថ្ងៃសៅរ៍ ថ្ងៃ០២ ខែ មីនា ឆ្នាំ២០២៤ ស្ថិតនៅត្រង់ចំណុចភូមិវត្តបូព៌ សង្កាត់សាលាកំរើក ក្រុងសៀមរាប ខេត្ដសៀមរាប ។
បើតាមប្រភពពីកម្លាំងកងរាជអាវុធហត្ថមូលដ្ឋានបានប្រាប់នូវល្ងាចថ្ងៃទី៣ ខែមិនា ឆ្នាំ២០២៤ នេះថា កម្លាំងកងរាជអាវុធហត្ថខេត្តសហការជាមួយកងរាជអាវុធហត្ថមូលដ្ឋាន ក្រុងសៀមរាបបានចុះឆែកឆេរត្រួតពិនិត្យអាវុធជាតិផ្ទុះ ខណៈពេលនោះបានរកឃើញគ្រឿងញៀ.ន និងក្មេងទំនើងចំនួន៥នាក់ រួចនាំយកមកសួរនៅទីបញ្ជាការកងរាជអាវុធហត្ថខេត្តសៀមរាប និងធ្វើតេស្តរកសារធាតុញៀ.នលទ្ធផលវិជ្ជមានទាំង៥នាក់ ហើយរៀបចំកសាងសំណុំរឿងបញ្ជូនទៅតុលាការ ។
ប្រភពបានបន្តថា ការឃាត់ខ្លួនជនសង្ស័យចំនួន០៥នាក់ (ប្រុស) នោះមានះ ១.ឈ្មោះ ហេង ហៃ ភេទប្រុស អាយុ១៩ឆ្នាំ មុខរបរ ជាងដែក ទីលំនៅបច្ចុប្បន្នភូមិវាល សង្កាត់គោកចក ក្រុងសៀមរាប ខេត្ដសៀមរាប(ធ្វើតេស្តរកឃើញមានសារធាតុញៀនក្នុងខ្លួន) ។ ២.ឈ្មោះ ប្រាក់ សុធារ៉ា ភេទប្រុស អាយុ២១ឆ្នាំ មុខរបរអ្នកលក់ទឹក ទីលំនៅបច្ចុប្បន្ន ភូមិរការ សង្កាត់ក្របីរៀល ក្រុង ខេត្ដសៀមរាប (រកឃើញមានគ្រឿងញៀ.នក្នុងខ្លួន០១កញ្ចប់) ។ ៣.ឈ្មោះ កន សំនិត ភេទប្រុស អាយុ២២ឆ្នាំ មុខរបរជាងដែកទីលំនៅបច្ចុប្បន្ន ភូមិត្រពាំងសេះ សង្កាត់គោកចក ក្រុងខេត្ដសៀមរាប (ធ្វើតេស្តរកឃើញមានសារធាតុញៀ.នក្នុងខ្លួន) ។ ៤.ឈ្មោះ ពេជ្រ រាជ ភេទប្រុស អាយុ២៩ឆ្នាំ មុខរបរជាងដែកទីលំនៅបច្ចុប្បន្ន ភូមិត្រពាំងសេះ សង្កាត់គោកចក ក្រុងខេត្ដសៀមរាប (ធ្វើតេស្តរកឃើញមានសារធាតុញៀ.នក្នុងខ្លួន) ។
៥.ឈ្មោះ សេរី វិច្ឆ័យ ភេទប្រុស អាយុ២៥ មុខរបរបុគ្គលិកធនាគា រស់នៅភូមិអញ្ចាញ សង្កាត់នគរធំ ក្រុងខេត្តសៀមរាប (មានសម្ភារប្រើប្រាស់គ្រឿងញៀ.ននៅក្នុងកែបម៉ូតូ) ។ ក្រោយឃាត់ខ្លួនជនសង្ស័យទាំង៥នាក់ ក្នុងនោះដកហូតវត្ថុតាងរួមមាន ៖ -ម្ស៉ៅក្រាមពណ៌សថ្លា(ម៉ាទឹកកក)ចំនួន០២កញ្ចប់ ។ -ម៉ូតូចំនួន០៣គ្រឿង ។
ចំពោះទូរស័ព្ទដៃចំនួន០៣គ្រឿង ។
បច្ចុប្បន្ន ជនសង្ស័យទាំង៥នាក់ និងវត្ថុតាងត្រូវបានកម្លាំងនគរបាលការិយាល័យជំនាញរៀបចំកសាងសំណុំរឿងបញ្ជូនទៅកាន់តុលាការខេត្ត នៅ ថ្ងៃទី៤ ខែមិនា ឆ្នាំ២០២៤ ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ