ខេត្តសៀមរាប ៖ លោកលិ ស៊ីទាន ចៅក្រមជំនុំជម្រះនៃសាលាដំបូងខេត្តសៀមរាប បានសម្រេចឱ្យមន្ត្រីជលផលបញ្ជូនខ្លួនជនសង្ស័យម្នាក់ ដែលលួចបើកសិប្បកម្មផលិតឧបករណ៍នេសាទខុសច្បាប់យកទៅដាក់ពន្ធនាគារជាបណ្តោះអាសន្ន ។ គួររំលឹកថា ក្នុងប្រតិបត្តិការបង្ក្រាបករណីបទល្មើសជលផលនេះ…
ខេត្តសៀមរាប ៖ លោកលិ ស៊ីទាន ចៅក្រមជំនុំជម្រះនៃសាលាដំបូងខេត្តសៀមរាប បានសម្រេចឱ្យមន្ត្រីជលផលបញ្ជូនខ្លួនជនសង្ស័យម្នាក់ ដែលលួចបើកសិប្បកម្មផលិតឧបករណ៍នេសាទខុសច្បាប់យកទៅដាក់ពន្ធនាគារជាបណ្តោះអាសន្ន ។
គួររំលឹកថា ក្នុងប្រតិបត្តិការបង្ក្រាបករណីបទល្មើសជលផលនេះ ធ្វើឡើងនៅថ្ងៃទី២៨ ខែកុម្ភៈ ឆ្នាំ២០២៤ ស្ថិតនៅទីតាំងរោងសិប្បកម្មកែច្នៃ ផលិត ទិញ លក់ ដឹកជញ្ជូន និងរក្សាទុកឧបករណ៍ឆក់ត្រីខុសច្បាប់ ស្ថិតនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប ។
បើតាមប្រភពពីមន្ត្រីជំនាញបានប្រាប់នៅវេលាម៉ោង៩ និង៣០នាទីព្រឹកថ្ងៃទី០១ ខែមីនា ឆ្នាំ២០២៤ នេះថា មន្ត្រីជំនាញជលផលបានបញ្ជាក់ថា ក្រោយពីការឆែកឆេរត្រួតពិនិត្យរួច ក្រុមការងារបានឃាត់ខ្លួនជនសង្ស័យម្នាក់មានឈ្មោះម៉ុត វ៉ា ភេទប្រុស អាយុ៥១ឆ្នាំ មានទីលំនៅភូមិគោកមន ឃុំដំដែក ស្រុកសូទ្រ និគម ខេត្តសៀមរាប ដែលជាម្ចាស់ទីតាំងខាងលើ ។ក្រោយធ្វើការឃាត់ខ្លួនសួរនិងសួរចម្លើយរួច ក្រុមការងារបានសម្រេចកសាងសំណុំរឿងបញ្ជូនទៅសាលាដំបូងខេត្តសៀមរាប ដើម្បីអនុវត្តទៅតាមនិតិវិធីច្បាប់ស្តីពីជលផល ។
ជាលទ្ធផលដែលក្រុមការងារបានរកឃើញវត្ថុតាងពាក់ព័ន្ធក្នុងការផលិតនឹងទិញលក់ឧបករណ៍ឆក់ត្រីមានដូចជា៖ ត្រង់ស៊ីសស្ទឺចំនួន៥៩គ្រាប់ ។ ក្រោយពីបានសាកសួរពាក់ព័ន្ធនឹងករណីផលិតឧបករណ៍នេសាទខុសច្បាប់ រួចមក កម្លាំងយើងបានធ្វើការដកហូត រួមមាន៖ ដុំអេកូបំលែងភ្លើងចំនួន០៣គ្រាប់ ។ កង់ដង់ចំនួន៤៦គ្រឿង ។ ដុំភ្លើងចំនួន០៥គ្រឿង។ គ្រឿងបង្គុំចំនួន០៥គ្រឿង ។ ខ្សែលួសសម្រាប់រុំដុំភ្លើងចំនួន ០៥ ។ ប្រអប់ផ្គុំ(ដុំស្នូក)ចំនួន០១ដុំ និងទូរស័ព្ទដៃម៉ាក OPPO ចំនួន០២គ្រឿង ។
សូមបញ្ជាក់ថា ជនសង្ស័យបានផលិតលក់ចែកចាយទៅតាមបណ្តាខេត្ត មានខេត្តកំពង់ធំ ពោធិ៍សាត់ បាត់ដំបង ក្រចេះ ព្រៃវែង ត្បូងឃ្មុំ សរុប៦ខេត្ត ។ បច្ចុប្បន្ន ជនសង្ស័យត្រូវបានលោកលិ ស៊ីទាន ចៅក្រមជំនុំជម្រះនៃសាលាដំបូងខេត្តសៀមរាប បានសម្រេចឱ្យមន្ត្រីជលផលកំពង់ឃ្លាំង នៃស្រុកសូទ្រនិគម យកទៅឃុំខ្លួនជាបណ្តោះអាសន្ននៅពន្ធនាគារខេត្តសៀមរាប ស្ថិតនៅក្នុងភូមិសាស្ត្រ សង្កាត់ជ្រាវ ក្រុងសៀមរាប ។
ចែករំលែកព័តមាននេះ