ទំនា.ស់ក្នុងគ្រួសារ! បុរសម្នាក់លើកដៃប្រល័.យជីវិតទាំងបងបង្កើត និងបងថ្លៃ
- រតនគិរី
ខេត្តរតនគិរី ៖ មានករណីឃា.តកម្មបង្កឡើងដោយបុរសម្នាក់បានប្រើពូថៅកា.ប់បងស្រីបង្កើត
ខេត្តរតនគិរី ៖ មានករណីឃា.តកម្មបង្កឡើងដោយបុរសម្នាក់បានប្រើពូថៅកា.ប់បងស្រីបង្កើត
ខេត្តរតនគិរី ៖ តាមសេចក្ដីរាយការណ៍ឱ្យដឹងថា កាលពីវេលាម៉ោង៩និង៣០នាទីយប់ថ្ងៃទី២៨ ខែកុម្ភៈ ឆ្នាំ២០២៤ មានករណីឃា.តកម្មមួយ បានកើតឡើងស្ថិតនៅភូមិតឺន ឃុំតឺន ស្រុកកូមមុំ ខេត្ត រតនគិរី បណ្ដាលឱ្យប្ដីប្រពន្ធ២នាក់ស្លាប់ក្នុងថ្លុ.កឈា.ម បង្កដោយជនសង្ស័យជាប្អូនប្រុសបង្កើត តែឈាមស្រែកស្បែកហៅ ជនប្រើពូថៅកា.ប់សម្លា.ប់បង និងថ្លៃហើយព្យាយាមរត់គេចខ្លួននោះ មិនអាចគេចផុតពីកណ្ដាប់ដៃសមត្ថកិច្ច និងសំណាញ់ច្បាប់បានឡើយ ។
ជនរងគ្រោះក្នុងអំពើឃា.តកម្មនោះ ម្នាក់ឈ្មោះ ហាន ហន ភេទប្រុស អាយុ៦១ឆ្នាំ ជាប្ដី និងម្នាក់ឈ្មោះ ណែម សុខជា ភេទស្រី អាយុ៥៧ឆ្នាំ ប្រពន្ធ មុខរបរជាកសិករ រស់នៅភូមិតឺន ឃុំតឺន ស្រុកកូនមុំ ខេត្តរតនគិរី ។
សេចក្ដីរាយការណ៍ឱ្យដឹងទៀតថា នៅវេលាម៉ោងខាងលើ ជនសង្ស័យបានធ្វើសកម្មភាពដោយប្រើពូថៅ កា.ប់សម្លា.ប់បងស្រីបង្កើត និងបងថ្លៃ ព្រោះតែគំនុំក្នុងគ្រួសារ ហើយបានព្យាយាមរត់គេចខ្លួន ។
ក្រោយពីទទួលបានព័ត៌មានខាងលើនោះភ្លាម ក្រោមការដឹកនាំបញ្ជាពីលោកឧត្តមសេនី យ៍ទោស្នងការនគរបាលខេត្តរតនគិរី និងលោកឧត្តមសេនីយ៍ត្រី ស្នងការរង ទទួលផែនព្រហ្មទណ្ឌ កម្លាំងសមត្ថកិច្ចជំនាញបានចុះទៅដល់កន្លែងកើតហេតុ សហការជាមួយនគរបាលស្រុកកូនមុំ និងនគរបាលប៉ុស្តិ៍មូលដ្ឋាន ពិនិត្យនិងធ្វើកោសលវិច្ច័យលើសាកសព និងដោយមានការបំភ្លឺពីសាក្សីជុំវិញកន្លែងកើតហេតុ ទើបសមត្ថកិច្ចជំនាញឈានដល់ការកំណត់បានមុខសញ្ញា ដែលជាជនដៃដល់ត្រូវជាប្អូនប្រុសបង្កើតរបស់ស្ត្រីរងគ្រោះឈ្មោះ យិន សុធារិទ្ធ (ហៅ ពៅ) ភេទប្រុស អាយុ៤២ ឆ្នាំ មុខរបរ កសិករ មានស្រុកកំណើតភូមិចាន់និមិត្រ ឃុំតាប៉ាវ ស្រុកត្បូងឃ្មុំ ខេត្តត្បូងឃ្មុំ តែមករស់នៅជាមួយបងស្រីដែលជាជនរងគ្រោះ ។
បន្ទាប់ពីកម្លាំងជំនាញកំណត់បានមុខសញ្ញាជនដៃដល់ហើយ ក៏បើកការស្រាវជ្រាវរហូតដល់វេលាម៉ោង១និង៣០នាទីយប់ឈាបចូលថ្ងៃទី២៩ ខែកុម្ភៈ ឆ្នាំ២០២៤ ទើបចាប់ខ្លួនជនសង្ស័យបាន នៅចំណុចអូរកញ្ជាន់ ឃុំតឺន ស្រុកកូនមុំ ខេត្តរតនគិរី ដែលជននេះកំពុងធ្វើដំណើរដោយម៉ូតូ១គ្រឿង ។
ពេលឃាត់ខ្លួនហើយ សមត្ថកិច្ចបាននាំជនសង្ស័យយកទៅសាកសួរ ដើម្បីកសាងសំណុំរឿង បញ្ជូនទៅសាលាដំបូងខេត្ត តាមនីតិវិធី ៕
ចែករំលែកព័តមាននេះ