ADផ្ទាំងផ្សព្វផ្សាយពាណិជ្ជកម្ម

Picture

កម្មករ កម្មការិនី អ្នក​បើក​កង់​បី តាក់ស៊ី និងប្រជាជន​មក​ពី​សហគមន៍ ប្រមាណ ​៥០០ ​នាក់​ទទួល​ការ​កាត់សក់​ដោយ​ឥត​គិតថ្លៃ​ពី​សមាគមមិត្ត​យើង

1 ខែ មុន
  • ភ្នំពេញ

រាជធានីភ្នំពេញ ៖ ប្រជាពលរដ្ឋ​ប្រមាណ​ ៥០០​ នាក់​ ដែល​ជា​កម្មករ កម្មការិនី អ្នក​បើក​កង់​បី តាក់ស៊ី និង​ប្រជាជន​ក្នុង​សហគមន៍…

រាជធានីភ្នំពេញ ៖ ប្រជាពលរដ្ឋ​ប្រមាណ​ ៥០០​ នាក់​ ដែល​ជា​កម្មករ កម្មការិនី អ្នក​បើក​កង់​បី តាក់ស៊ី និង​ប្រជាជន​ក្នុង​សហគមន៍ បាន​ទទួល​សេវាកម្ម​កាត់សក់​ដោយ​មិន​គិតថ្លៃ​ពី​សមាគម​មិត្ត​យើង​នៅ​ថ្ងៃ​ព្រហស្បតិ៍ ទី​ ២៩ ខែកុម្ភៈ ឆ្នាំ ​២០២៤ ​នេះ​ ដែល​ធ្វើ​ឡើង​នៅ​ក្នុង​សង្កាត់​ផ្សារ​ដើម​ថ្កូវ ខណ្ឌចំការមន ក្នុង​រាជធានី​ភ្នំពេញ​ ។

កញ្ញា ផា​ន់ សុនី​តា ប្រធាន​គណៈកម្មការ ប្រតិបត្តិ​សមាគម បាន​លើក​ឡើង​ថា ការ​កាត់សក់​ជូន​កម្មករ កម្មការិនី និង​ប្រជាពលរដ្ឋ​នេះ គឺជា​សកម្មភាព​មនុស្សធម៌ របស់​សមាគម​ ដែល​តែងតែ​ធ្វើ​ឡើងជា​ប្រចាំ​ដោយ​មិន​ប្រកាន់​អ្វី​ឡើយ​ ។

បើ​តាម​កញ្ញា​ដដែល កម្មវិធី​សក់ និង​សម្រស់ ដើម្បី​មិត្ត​យើង គឺជា​កម្មវិធី​ដ៏​សំខាន់​មួយ​របស់ សមាគម​មិត្ត​យើង ដែល​រៀបចំ​ឡើង ​ក្នុង​គោលបំណង លើកកម្ពស់​ការ​យល់​ដឹង អំពី​ជំនាញ​ហាង​សក់ និង​សម្រស់​សម្រាប់​អ្នក ដែល​កំពុង​ស្វែងរក​ការ​បណ្ដុះបណ្ដាល​ក្នុង​វិស័យ​នេះ ដើម្បី​ជា​មធ្យោបាយ លើកកម្ពស់​ជីវភាព​រស់នៅ​ ។

ប្រធាន​គណៈកម្មការ ប្រតិបត្តិ សមាគម​រូប​នេះ បាន​បញ្ជាក់​ពី​ផែនការ​មនុស្សធម៌​របស់​ខ្លួន​នៅ​ឆ្នាំ​២០២៤​ នេះ ថា សមាគម​គ្រោង​នឹង​រៀបចំ​ការកាត់សក់​មនុស្សធម៌​នេះ ឱ្យ​បាន ​១២​ លើក នៅ​ឆ្នាំ​២០២៤​ នេះ ដោយ​រំពឹង​ថា នឹង​អាច​ជួយ​ដល់​ពលរដ្ឋ​ប្រមាណ​ ១​ ម៉ឺន​នាក់ ឱ្យ​ទទួល​បានការ​កាត់សក់ ដោយ​ឥត​គិតថ្លៃ​ ។ បេសកកម្ម​របស់ មិត្ត​យើង គឺ​ដើម្បី​ពង្រឹង​មិត្តភាព សាមគ្គីភាព បង្កើត​បណ្តាញ​គាំទ្រ ចែករំលែក​ព័ត៌មាន និង​បទ​ពិសោធន៍​ជាមួយ​គ្នា​ក្នុង​ចំណោម​អ្នកជំនាញ ដែល​ធ្វើការ​ក្រៅ​ប្រព័ន្ធ អ្នកជំនាញ​បច្ចេកទេស អ្នក​ផ្តល់​សេវា និង​អាជីវកម្ម​ទាំង​ជាតិ និង​អន្តរជាតិ ​។

ទន្ទឹម​នឹង​នេះ សមាគម​មិត​ត្ត​យើង បាន​អំពាវនាវ​ឱ្យ​ប្រជាពលរដ្ឋ​នៅ​ខណ្ឌ​ពោធិ៍​សែន​ជ័យ​ចូលរួម​ក្នុង​កម្មវិធី​កាត់សក់​ដោយ​សេរី និង​ឥត​គិតថ្លៃ​ដែល​គ្រោង​នឹង​រៀបចំ​នៅ​ថ្ងៃ​ទី ២៦ ខែមីនា ឆ្នាំ​២០២៤​ នេះ​ ៕ អត្ថបទសហការ