ច្បាស់ណាស់! EA Sports ព្យាករណ៍ថា ព័រទុយហ្គាល់នឹងឈ្នះជើងឯក World Cup 2026
អន្តរជាតិ ៖ EA Sports ក្រុមហ៊ុនបង្កើត និងអភិវឌ្ឍវីដេអូហ្គេមកីឡាគ្រប់ប្រភេទដ៏ល្បី បំផុតលើ
អន្តរជាតិ ៖ EA Sports ក្រុមហ៊ុនបង្កើត និងអភិវឌ្ឍវីដេអូហ្គេមកីឡាគ្រប់ប្រភេទដ៏ល្បី បំផុតលើ
អន្តរជាតិ ៖ EA Sports ក្រុមហ៊ុនបង្កើត និងអភិវឌ្ឍវីដេអូហ្គេមកីឡាគ្រប់ប្រភេទដ៏ល្បី បំផុតលើពិភពលោក បានធ្វើការព្យាករណ៍ដ៏ភ្ញាក់ផ្អើលមួយ ដោយពួកគេបានអះអាងថា ក្រុមបាល់ទាត់ជម្រើសជាតិព័រទុយហ្គាល់ នឹងឈ្នះជើងឯកពានរង្វាន់បាល់ទាត់ពិភពលោក FIFA World Cup ឆ្នាំ ២០២៦។ នេះបើយោងតាមការចេញផ្សាយរបស់គេហទំព័រ Foot Sports កាលពីពេលថ្មីៗនេះ។
ការព្យាករណ៍បានបង្កការភ្ញាក់ផ្អើលយ៉ាងខ្លាំង ដែលនាំមកជាមួយនឹងមតិស្រប ក៏ដូចជាប្រឆាំងជាមួយនឹងការព្យាករណ៍របស់ EA Sports។ ប៉ុន្តែទោះយ៉ាងណាក៏ដោយ ក្រុមហ៊ុនត្រូវបានគេមើលឃើញថា ឈរលើមូលដ្ឋានគ្រឹះដ៏រឹងមាំមួយកាលពីអតីត ដោយសារតែម្ចាស់ជើងឯកពានរង្វាន់ FIFA World Cup ៤សម័យកាលចុងក្រោយ ក្រុមហ៊ុនដែលមានមូលដ្ឋាននៅទីក្រុង Redwood រដ្ឋកាលីហ្វ័រញ៉ា សហរដ្ឋអាម៉េរិកមួយនេះព្យាករណ៍សុទ្ធតែត្រូវទាំងអស់ ដោយនៅឆ្នាំ ២០១០ ដែលប្រទេសអាហ្វ្រីកខាងត្បូងធ្វើជាម្ចាស់ផ្ទះនោះ ប្រទេសអេស្ប៉ាញគឺជាម្ចាស់ជើងឯក។
បន្ទាប់មកនៅឆ្នាំ ២០១៤ ដែលប្រទេសប្រេស៊ីលធ្វើជាម្ចាស់ផ្ទះ ប្រទេសអាល្លឺម៉ង់គឺជាម្ចាស់ជើងឯក ហើយក្រោយមកទៀតនៅឆ្នាំ ២០១៨ ដែលប្រទេសរុស្ស៊ីធ្វើជាម្ចាស់ផ្ទះ ប្រទេសបារាំងគឺជាម្ចាស់ជើងឯក ខណៈដែលនៅឆ្នាំ ២០២២ ដែលប្រទេសកាតាធ្វើជាម្ចាស់ផ្ទះ ប្រទេសអាហ្សង់ទីនគឺជាម្ចាស់ជើងឯក។
ដោយឡែក FIFA World Cup ឆ្នាំ ២០២៦ ដែលនឹងចាប់ផ្តើមនៅថ្ងៃទី១១ ខែមិថុនា រហូតដល់ថ្ងៃទី១៩ ខែកក្កដា ឆ្នាំ ២០២៦ គឺជាព្រឹត្តិការណ៍ដ៏ពិសេស និងអស្ចារ្យបំផុតនៅក្នុងប្រវត្តិសាស្ត្រពានរង្វាន់បាល់ទាត់ដ៏ធំបំផុតមួយនេះ ដែលមាន៣ប្រទេសធ្វើជាសហម្ចាស់ផ្ទះគឺ កាណាដា ម៉ិកស៊ិក និងសហរដ្ឋអាម៉េរិក ជាមួយការផ្លាស់ប្ដូរទម្រង់ថ្មី ដោយមានរហូតដល់៤៨ក្រុមប្រកួតប្រជែងគ្នា ខណៈដែលរយៈពេល៩៤ឆ្នាំកន្លងមក មានតែការប្រកួតក្នុងឆ្នាំ ២០០២ ប៉ុណ្ណោះ ដែលប្រទេសជប៉ុន និងកូរ៉េខាងត្បូង ធ្វើជាម្ចាស់ផ្ទះរួមគ្នា។
ព្យាករណ៍ក្រុមហ៊ុន EA Sports ក៏បានទាញអារម្មណ៍របស់អ្នកគាំទ្រក្រុមជម្រើសជាតិព័រទុយហ្គាល់ ជាពិសេសអ្នកគាំទ្រខ្សែប្រយុទ្ធឆ្នើម Cristiano Ronaldo រីករាយជាមួយនឹងក្ដីសង្ឃឹមថា ក្រុមបញ្ជាខែល ព័រទុយហ្គាល់ និង Cristiano Ronaldo អាចស្គាល់រសជាតិជើងឯកពានរង្វាន់ World Cup ជាលើកដំបូង ខណៈដែលព្រឹត្តិការណ៍ឆ្នាំ ២០២៦ ទំនងជាការប្រកួត World Cup ចុងក្រោយសម្រាប់អាជីពរបស់ប្រធានក្រុម Cristiano Ronaldo ដែលបច្ចុប្បន្នឈានដល់អាយុ៣៩ឆ្នាំ៕ (ប្រភព ៖ Foot Sports)
ចែករំលែកព័តមាននេះ