ADផ្ទាំងផ្សព្វផ្សាយពាណិជ្ជកម្ម

Picture

ឥទ្ធិពល​ភ្លើង​ធូប​លេប​ត្របាក់​ផ្ទះ​​​​​​ ពេល​ម្ចាស់​​មិន​​នៅ

1 ខែ មុន

ខេត្តបាត់ដំបង ​៖ អគ្គិភ័យដែលគេសន្និដ្ឋានអាចបង្កឡើងដោយសារភ្លើងធូបដែលដុតទុកចោលបានលេបត្របាក់អស់ផ្ទះមួយខ្នង កាលពីវេលាម៉ោង១២កណ្ដាលអធ្រាត្រ នាថ្ងៃទី២៥ កុម្ភៈ នៅចំណុចភូមិរំជៃ ឃុំស្នឹងស្រុកបាណន់ ខណៈដែលម្ចាស់ផ្ទះដុតធូបនៅលើហឹងចោល រួចមិនបានស្នាក់នៅ…

0:00
0:00

ខេត្តបាត់ដំបង ​៖ អគ្គិភ័យដែលគេសន្និដ្ឋានអាចបង្កឡើងដោយសារភ្លើងធូបដែលដុតទុកចោលបានលេបត្របាក់អស់ផ្ទះមួយខ្នង កាលពីវេលាម៉ោង១២កណ្ដាលអធ្រាត្រ នាថ្ងៃទី២៥ កុម្ភៈ នៅចំណុចភូមិរំជៃ ឃុំស្នឹងស្រុកបាណន់ ខណៈដែលម្ចាស់ផ្ទះដុតធូបនៅលើហឹងចោល រួចមិនបានស្នាក់នៅ ។

សេចក្ដីរាយការណ៍ពីសមត្ថកិច្ចបានឱ្យដឹងថា លំនៅឋាននោះ ធ្វើពីឈើប្រក់ស័ង្កសីមានទំហំ៤
ម៉ែត្រ​x៧ម៉ែត្រ​ ដែលមានម្ចាស់ឈ្មោះ ផល សូត្រ ភេទប្រុស អាយុ៤៥ឆ្នាំ ។ លំនៅឋាននេះ ត្រូវបាន​អគ្គិ​ភ័យឆាបឆេះអស់ស្ទើរទាំងស្រុងដែលម្ចាស់មិនបានដឹង ។ ប៉ុន្តែបានអ្នកភូមិ និងសមត្ថកិច្ចមូលដ្ឋានជាអ្នកជួយអន្តរាគមន៍ពន្លត់ តែមិនអាចទប់ស្កាត់ ឬជួយរំដោះទ្រព្យសម្បត្តិបានឡើយ ។

បើតាមសមត្ថកិច្ចដែលបានសាកសួរជនរងគ្រោះបានស្រង់សំដីថា មុនពេលចាកចេញពីផ្ទះជន​រងគ្រោះបានដុតធូបលើហឹង រួចចាក់សោបិទទ្វារនាំគ្នាទៅដេកនៅផ្ទះបងប្អូននៅភូមិតាង៉ែន ឃុំតាគ្រាម ស្រុកបាណន់ ។

ប្រភពដដែលបានបញ្ជាក់ថា ក្រោយពីចេញផុតរហូតដល់ពាក់កណ្ដាលអធ្រាត្រ ក៏ស្រាប់តែមានអគ្គិភ័យឆេះផ្ទះគាត់យ៉ាងសន្ធោសន្ធៅតែម្ដង ផ្អើលអស់អ្នកភូមិនិងសមត្ថកិច្ច ។ អ្នកភូមិបានទាក់​ទងប្រាប់ដល់ម្ចាស់ផ្ទះអំពីអគ្គិភ័យនេះ តែម្ចាស់ផ្ទះមិនអាចមកទាន់ដង្ហើមអគ្គិភ័យឡើយ បានត្រឹមស្រក់ទឹកភ្នែកសោកស្ដាយទ្រព្យសម្បត្តិទាំងអស់ដែលនៅក្នុងផ្ទះមិនអាចរំដោះបាន ។ បើ​​តាមជនរងគ្រោះដែលបានរៀបរាប់ប្រាប់សមត្ថកិច្ចថា អគ្គិភ័យនោះអាចបណ្ដាលមកពីភ្លើងធូបដែលគាត់ដុតទុកចោលនៅលើហឹងក្បាលគ្រែ ។

ទ្រព្យសម្បត្តិត្រូវបានក្លាយជាចំណីព្រះអគ្គិទាំងអស់ក្នុងនោះមានផ្ទះមួយខ្នងគ្រឿងម៉ូទ័រចំនួន០៦​គ្រឿង គ្រែឈើចំនួន០១ តុឈើចំនួន០៣ រួមនិងសម្ភារជាច្រើនទៀត ដែលគិតជាទឹកប្រាក់អស់ប្រមាណ៥,០០០ដុល្លារអាមេរិក ។ ក្រោយកើតហេតុ សមត្ថកិច្ច និងមន្ត្រីមូលដ្ឋាន​បានចុះពិនិត្យ និងធ្វើរបាយការណ៍ជូនថ្នាក់ដឹកនាំ ដើម្បីស្នើសុំការជួយសង្គ្រោះបឋមពីសាខាកាកបាទក្រហមខេត្តហើយ ៕

អត្ថបទសរសេរ ដោយ