គណបក្សប្រជាជនកម្ពុជាទទួលបានជ័យជំនះភ្លូកទឹកភ្លូកដីនៅក្នុងការបោះឆ្នោតព្រឹទ្ធសភា នៅថ្ងៃអាទិត្យ ទី២៥ ខែកុម្ភៈនេះ ។ នេះបើតាមប្រភពមួយក្នុងគណបក្សប្រជាជនកម្ពុជាបាននិយាយ អំពីលទ្ធផលក្រៅផ្លូវការ ។
ប្រភពនោះនិយាយថា គណបក្សប្រជាជនកម្ពុជាទទួលបានជាង៨០ភាគរយនៃសំឡេងឆ្នោត ហើយ ទទួលបានយ៉ាងតិច៥០ អាសនៈនៅក្នុងការបោះឆ្នោតដណ្តើម៥៨ អាសនៈ ។
ព្រឹទ្ធសភាមាន៦២អាសនៈ ។ ចំណែក៤អាសនៈទៀត គឺ ២អាសនៈនឹងតែងតាំង ដោយព្រះមហាក្សត្រ និង២អាសនៈទៀតត្រូវជ្រើសរើសដោយរដ្ឋសភា ។
លោក ប្រាជ្ញ ច័ន្ទប្រធានគណៈកម្មាធិការជាតិរៀបចំការបោះឆ្នោតបានអោយដឹងថា អ្នកទៅបោះឆ្នោតមានចំនួន១១៧៣០ នាក់ ឬស្មើនឹងជាង៩៩ភាគរយ ។
គណបក្សឆន្ទៈខ្មែរទទួលបានសំឡេងច្រើនលំដាប់ទីពីរបន្ទាប់ពីគណបក្សប្រជាជនកម្ពុជា ។
ចំណែកគណបក្សកម្លាំងជាតិទទួលបានសំឡេងលំដាប់ទីបី ហើយគណបក្សហ្វ៊ុនស៊ីនប៉ិចទទួលបានសំឡេងតិចជាងគេ ៕
ចែករំលែកព័តមាននេះ