សោកស្តាយ! ករណីអគ្គិភ័យឆេះកុដិលោកក្នុងវត្តដូនណូយ ស្រុកស្វាយចេក
- បន្ទាយមានជ័យ
ខេត្តបន្ទាយមានជ័យ ៖ មានករណីអគ្គិភ័យឆេះកុដិលោក នៅវេលាម៉ោង១៤និង៣០នាទី ថ្ងៃទី២៥ ខែកុម្ភៈ ឆ្នាំ២០២៤ ដែលមានទំហំ០៨ម៉ែត្រ X ០៨ម៉ែត្រ…
ខេត្តបន្ទាយមានជ័យ ៖ មានករណីអគ្គិភ័យឆេះកុដិលោក នៅវេលាម៉ោង១៤និង៣០នាទី ថ្ងៃទី២៥ ខែកុម្ភៈ ឆ្នាំ២០២៤ ដែលមានទំហំ០៨ម៉ែត្រ X ០៨ម៉ែត្រ ធ្វើអំពីឈើប្រក់ស័ង្កសី ស្ថិតក្នុងវត្តដូនណូយ ភូមិដូនណូយ ឃុំទ្រាស ស្រុកស្វាយចេក ខេត្តបន្ទាយមានជ័យ(ព្រះសង្ឃស្នាក់នៅក្ន្ងុងកុដិចំនួន០៤អង្គ) ។
លោកវរេសនីយ៍ឯក ជា ស្លូញ អធិការនគរបាលស្រកស្វាយចេកបានឲ្យដឹងថា ៖ ក្រោយបានទទួលព័ត៌មានពីប្រជាការពារភូមិ កម្លាំងប៉ុស្តិ៍ទ្រាស និងកម្លាំងជំនាញអគ្គិភ័យ នៅអធិការដ្ឋានស្រុកស្វាយចេកបានយករថយន្តអគ្គិភ័យមួយគ្រឿង កម្លាំងសរុប១៣នាក់ ដឹកនាំដោយលោក ស៊ុន គឿត អធិការង ជួយពន្លត់អោយរលត់ទាំងស្រុង នៅវេលាម៉ោង១៥និង០០នាទី ប្រើទឹកអស់០១ឡាន ។
ចំពោះលោកវរសេនីយ៍ឯក ជា ស្លូញបានបញ្ជាក់ថា ៖ សម្ភារៈខូចខាត អស់ប្រាក់១០ម៉ឺនរៀល សម្ភារដំណេក និងសម្ភារៈប្រើប្រាស់របស់ព្រះសង្ឃ ។ ដោយកុដិលោកខូចខាត៥០ភាគរយ ។ ករណីឆេះនេះដែរ មិនបណ្តាលអោយមានគ្រោះថ្នាក់ដល់អាយុជីវិតព្រះសង្ឃទេ ។
ទាក់ទងនឹងករណីនេះដែរ មូលហេតុបណ្តាលមកពីផ្ទុះសេខ្សែភ្លើង ៕
ចែករំលែកព័តមាននេះ