ADផ្ទាំងផ្សព្វផ្សាយពាណិជ្ជកម្ម

Picture

តុលាការកំពុង​ចាត់ការ​សំណុំរឿង​ម្ចាស់​ក្រុមហ៊ុន ប្រ៊ីលាន ស៊ី​ធី គឺឧកញ៉ា​ឡេ​ង ចាន់​ណា ​ឆបោក​ប្រាក់​​ពលរដ្ឋរាប់រយ​លានដុល្លារ

1 ខែ មុន
  • សៀមរាប

ខេត្តសៀមរាប​ ៖ អ្នកនាំពាក្យ​សាលាដំបូង​ខេត្តសៀមរាប បានឱ្យ​ដឹង​​កាលពី​រសៀល​ថ្ងៃ​ទី ២៤ ខែកុម្ភៈ

ខេត្តសៀមរាប​ ៖ អ្នកនាំពាក្យ​សាលាដំបូង​ខេត្តសៀមរាប បានឱ្យ​ដឹង​​កាលពី​រសៀល​ថ្ងៃ​ទី ២៤ ខែកុម្ភៈ ឆ្នាំ​២០២៤ នេះ​ថា តុលាការ​កំពុង​មាន​ចំណាត់ការ​យ៉ាង​យកចិត្ត​ទុកដាក់​ទៅ​លើ​សំណុំរឿង​ព្រហ្មទណ្ឌ​ចំនួន​៤ និង​សំណុំរឿង​រដ្ឋប្បវេណី​ចំនួន​៤ ដែល​ប្រជា​ពលរដ្ឋ​ប្តឹង​ឈ្មោះ ឡេ​ង ចាន់​ណា ជា​ម្ចាស់​ក្រុមហ៊ុន ប្រ៊ី​លាន ស៊ី​ធី វើ​ល​ដ៍ ឯ​.​ក​។

យោង​តាម​សេចក្ដី​ថ្លែង​ការ​របស់​អ្នក​នាំ ពាក្យ​នៃ​សាលាដំបូង​ខេត្តសៀមរាប បាន​បញ្ជាក់​ទៀត​ថា កាលពី​ថ្ងៃ​ទី​២៣ ខែកុម្ភៈ ឆ្នាំ​២០២៤ មាន​ប្រជាពលរដ្ឋ​ដែល មក​ធ្វើការ​តវ៉ា ស្រែក​ទាមទារ​.​សុំ​ឱ្យ​តុលាការ រក​យុត្តិធម៌​ឱ្យ​នោះ បាន​អះអាង​ថា ពួក គាត់​ជា ជន​រង​គ្រោះ នៃ​អំពើ​ឆបោក​ដោយ​ឈ្មោះ ឡេ​ង ចាន់​ណា ជា​ម្ចាស់​ក្រុមហ៊ុន ប្រ៊ី​លាន ស៊ី​ធី វើ​ល​ដ៍ ឯ​.​ក សុំ ចេញ​ដីកា​បង្គាប់​ឱ្យ​ចាប់ខ្លួន​ឈ្មោះ ឡេ​ង ចាន់​ណា ដោយសារ​ថា ពួក​គាត់​បាន​ដាក់​ពាក្យបណ្ដឹង​ចូល​មក​សាលាដំបូង អម​អយ្យការ​សាលាដំបូង​ខេត្តសៀមរាប​រួច​ហើយ ប៉ុន្តែ សាលាដំបូង អម អយ្យការ សាលាដំបូង​ខេត្តសៀមរាប​ពុំ​បាន​រក​ដំណោះស្រាយ ជូន​ពួក​គាត់នៅឡើយ​ទេ​។

អ្នកនាំពាក្យ​នៃ​សាលាដំបូង​ខេត្ត​សៀមរាប សូម​បញ្ជាក់​ជូន​សាធារណជន និង​អ្នក​សារព័ត៌មាន​ទាំងអស់មេត្តា​ជ្រាប​ថា ប្រជាពលរដ្ឋ​បាន​ប្ដឹង​ឈ្មោះ ឡេ​ង ចាន់​ណា និង បក្ខពួក​មក អយ្យការ​អម​សាលា ដំបូង​ខេត្តសៀមរាប​ចំនួន​០៤(​បួន​) សំណុំ រឿង រួម​មាន សំណុំរឿង​ព្រហ្មទណ្ឌ​លេខ ២៣១ ចុះ​ថ្ងៃ​ទី​១៦ ខែកុម្ភៈ ឆ្នាំ​២០២៤, សំណុំរឿង​ព្រហ្មទណ្ឌ​លេខ ២៣៨ ចុះ​ថ្ងៃ​ទី​១៩ ខែកុម្ភៈ ឆ្នាំ​២០២៤, សំណុំរឿង​ព្រហ្មទណ្ឌ លេខ ២៦៥ ចុះ​ថ្ងៃ​ទី​២៣ ខែ កុម្ភៈ ឆ្នាំ​២០២៤, និង សំណុំរឿង​ព្រហ្ម ទណ្ឌ​លេខ ២៦៦ ចុះ​ថ្ងៃ​ទី​២៣ ខែកុម្ភៈ ឆ្នាំ​២០២៤​។

នៅ​ពេល​សំណុំរឿង​ព្រហ្មទណ្ឌ​ទាំងនេះ​ត្រូវ​បាន​បញ្ជូន​មក​ចៅក្រម​ស៊ើបសួរ និង​ចៅក្រម​ជំនុំជម្រះ នោះ​សាលាដំបូង​ខេត្តសៀមរាប​នឹង​ចាត់ការ​ភ្លាម ដោយ​ផ្អែក​តា​មក​ភស្តុ​តាង​ក្នុង​សំណុំរឿង និង​តាម​នីតិវិធី​ច្បាប់​។

ដោយឡែក ចំពោះ​សំណុំរឿង​រដ្ឋប្បវេណី​ពាក់ព័ន្ធ​នឹង​ក្រុមហ៊ុន ប្រ៊ី​លាន ស៊ី​ធី វើ​ល​ដ៍ ឯ​.​ក របស់អ្នកស្រី ឡេ​ង ចាន់​ណា និង​បក្ខពួក សាលាដំបូង​ខេត្តសៀមរាប​បាន​ទទួល​ចាត់ការ​សំណុំរឿង​អង្គសេចក្ដី ចំនួន​០៤(​បួន​)​សំណុំរឿង រួម​មាន សំណុំ​រឿង​លេខ ៥០៦ ចុះ​ថ្ងៃ​ទី​០៦ ខែវិច្ឆិកា ឆ្នាំ ២០២៣, សំណុំ​រឿង​លេខ ៥០៧ ចុះ​ថ្ងៃ​ទី៦ ខែវិច្ឆិកា ឆ្នាំ​២០២៣,​ សំណុំរឿង​លេខ ៥០៨ ចុះ​ថ្ងៃ​ទី​៦ ខែវិច្ឆិកា ឆ្នាំ ២០២៣, និង​សំណុំរឿង​លេខ៧២ ចុះ​ថ្ងៃ​ទី​៧ ខែកុម្ភៈ ឆ្នាំ​២០២៤​។

ចំពោះ​សំណុំរឿង​រក្សា​ការពារ​មាន ចំនួន១ (​មួយ​) គឺ​សំណុំរឿង​លេខ ១៧ ចុះ​ថ្ងៃ​ទី​០៩ ខែកុម្ភៈ ឆ្នាំ​២០២៤ ដែល​សាលាដំបូង ខេត្ត​សៀម រាប​បាន​ចេញ​ដីកា​សម្រេច​រឹបអូស​ជា​បណ្ដោះអាសន្ន និង​បាន​អនុវត្ត​ការ​រឹបអូស​ជា​បណ្ដោះអាសន្ន​ជូន​ម្ចាស់បំណុល​រួច ហើយ​។ ចំពោះ​សំណុំរឿង​រដ្ឋប្បវេណី​ដែល​កំពុង​តែ​ចាត់ការ​ទាំងអស់​នោះ សាលា ដំបូង​ខេត្តសៀមរាប​កំពុង​តែ​បន្ត​ចំណាត់ការ​យ៉ាង​យកចិត្តទុកដាក់​បំផុត ប្រកបដោយ​ការ​ទទួលខុសត្រូវ​ខ្ពស់​។ សេចក្ដី​ដូច​បាន​ជម្រាប​ជូន​ខាងលើ សូម​សាធារណជន និង​អ្នក​សារព័ត៌មាន​ទាំងអស់​មេត្តា​ជ្រាប​ជា​ព័ត៌មាន​។

បើ​យោង​តាម​ពលរដ្ឋ​រង​គ្រោះ​បានឱ្យ​ដឹង​ថា បន្ទាប់​ពី​មានការ​ឃោសនា​អំពី​ក្រុមហ៊ុន ប្រ៊ី​លាន ស៊ី​ធី អំពី​ការ​ដាក់​ប្រាក់ ចងការ​ជាមួយ​ក្រុមហ៊ុន នឹងទទួល​បានការ​ប្រាក់​ខ្ពស់​នោះ ​ប្រជាពលរដ្ឋ​បាន​នាំ​គ្នា​យក​ប្រាក់​ដែល​ពួក​គាត់​បាន​ខ្ចី​ពី​ធនាគារផ្សេង​មក​ចូលរួម​ដាក់​ប្រាក់​ជាមួយ​ក្រុមហ៊ុន​របស់​​លោក​ស្រី​ឧកញ៉ា ឡេ​ង ចាន់​ណា នេះ​។ ប្រជាពលរដ្ឋ​បន្ត​ថា ទំហំ​ទឹកប្រាក់​ដែល​ពលរដ្ឋ​ទូ​ទាំង​ប្រទេស រួម​ទាំង​ពលករ​នៅ​ប្រទេស​កូរ៉េ​ផង នោះ​បាន​យក​ប្រាក់​មក​ចងការ​ឱ្យ ឧកញ៉ា​ឡេ​ង ចាន់​ណា នេះ​មិន​ក្រោម​៣០០​លាន​ដុល្លារ​អាម៉េរិក​ទេ ដែល​ប្រាក់​ទាំងនោះ​ពួក​គាត់​សុទ្ធតែ​បាន​ខ្ចីបុល​ពី​ធនាគារសុទ្ធ​សាធ​៕

អត្ថបទសរសេរ ដោយ

កែសម្រួលដោយ