អ្នកឧកញ៉ា គិត ម៉េង គាំទ្រយ៉ាងពេញទំហឹងចំពោះភរិយាក្នុងការចូលរួមឈរឈ្មោះ
- ភ្នំពេញ
រាជធានីភ្នំពេញ ៖ អ្នកឧកញ៉ា គិត ម៉េង បានសម្តែងការគាំទ្រយ៉ាងពេញចំពោះភរិយា គឺលោកជំទាវ ស្រីតូច ចំណាន ឬម៉ៅ…
រាជធានីភ្នំពេញ ៖ អ្នកឧកញ៉ា គិត ម៉េង បានសម្តែងការគាំទ្រយ៉ាងពេញចំពោះភរិយា គឺលោកជំទាវ ស្រីតូច ចំណាន ឬម៉ៅ…
រាជធានីភ្នំពេញ ៖ អ្នកឧកញ៉ា គិត ម៉េង បានសម្តែងការគាំទ្រយ៉ាងពេញចំពោះភរិយា គឺលោកជំទាវ ស្រីតូច ចំណាន ឬម៉ៅ ចំណាន សម្រាប់ការឈរឈ្មោះធ្វើជាប្រធានសមាគមសិល្បករខ្មែរ សម្រាប់អាណត្តិថ្មីនេះ ខណៈដែលការបោះឆ្នោតជ្រើសរើសបេក្ខភាពសម្រាប់ដឹកនាំសមាគមមួយនឹងធ្វើឡើងនាពេលខាងមុខនេះ ។
នៅក្នុងឱកាសខួបកំណើតរបស់លោកជំទាវ ស្រី តូច ចំណាន កាលពីថ្ងៃទី២១ ខែកុម្ភៈ នេះ អ្នកឧកញ៉ាគិត ម៉េង បានបង្ហោះសារតាមបណ្តាញសង្គមថា ក្នុងឱកាសដ៏ប្រពៃថ្លៃថ្លានៃខួបកំណើតភរិយារបស់ខ្ញុំ ខ្ញុំសូមសម្តែងនូវសេចក្តីរីករាយយ៉ាងក្រៃលែង និងប្រកាន់ជំហរគាំទ្រយ៉ាងពេញទំហឹងចំពោះការឈរឈ្មោះរបស់ភរិយាខ្ញុំ ម៉ៅ ចំណាន ជាបេក្ខភាពប្រធានសមាគមសិល្បករខ្មែរ ក្រោមការគាំទ្រដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន ។
ជាមួយគ្នានេះ យើងខ្ញុំត្រៀមខ្លួនរួចជាស្រេចក្នុងការផ្តល់នូវកិច្ចខិតខំប្រឹងប្រែង ធនធាន និងការគាំទ្ររួមគ្នារបស់យើង ឆ្ពោះទៅការជំរុញសមាគមសិល្បករខ្មែរឱ្យឈានទៅកាន់កម្រិតខ្ពស់ថែមទៀត។ នេះគឺជាការប្តេជ្ញាចិត្តយ៉ាងម៉ឺងម៉ាត់ចំពោះការគាំទ្រ និងការលះបង់ដោយឥតងាករេរបស់យើង ។
បន្ថែមពីលើការគាំទ្រភរិយានៅក្នុងការឈរឈ្មោះជាប្រធានសមាគមសិល្បៈនាពេលនេះដែរ អ្នកឧកញ៉ា គិត ម៉េង បានបង្ហាញទឹកចិត្តនូវការកោតសសើរចំពោះលោកជំទាវ ស្រីតូច ចំណាន ផងដែរថា នៅពេលយើងគិតលើដំណើររឿងរបស់យើង ក្តីស្នេហ៍របស់អូន គឺជាពន្លឺដែលប្រែក្លាយសុបិនរបស់យើងឱ្យក្លាយជាការពិត ។
លោកឧកញ៉ាបញ្ជាក់ថា តាំងពីផ្តើមក្តីសុបិន្តរួមគ្នា រហូតមកដល់ពេលនេះ ការគាំទ្រឥតងាករេរបស់អូនគឺជាថ្នាំវេទមន្ត ។ អូនមិនមែនគ្រាន់តែជាភរិយារបស់បងប៉ុណ្ណោះទេ តួនាទីរបស់អូនលើសពីភរិយា គឺអូនជានាយិកាប្រតិបត្តិនៃផ្ទះរបស់យើង។ ភាពលម្អិត និងហ្មត់ចត់របស់អូនប្រែក្លាយផ្ទះរបស់យើងទៅជាជម្រកនៃភាពកក់ក្តៅ និងភាពរុងរឿង ។ របៀបដ៏ប៉ិនប្រសប់ដែលអូនធ្វើឱ្យមានតុល្យភាពរវាងគុណតម្លៃរបស់អូន និងគុណតម្លៃគ្រួសារ គឺជាទេពកោសល្យដ៏ប្រពៃ ។
ក្នុងនាមជាម្តាយ អូនបានប្រែក្លាយកូនៗរបស់យើងទៅជាក្មេងដ៏ល្អគួរឱ្យសរសើរ។ វិធីដែលអូនបីបាច់កូនៗ តាមរយៈការផ្តល់បទពិសោធផ្ទាល់ និងមេរៀនជីវិតដល់កូនៗ គឺគួរឱ្យស្ញប់ស្ញែងជាទីបំផុត ។
តើលក្ខណៈពិសេសរបស់យើងមានអ្វីខ្លះដែលអាចឱ្យយើងសម្រេចកិច្ចការនេះបាន0x017d7លក្ខណៈទាំងនេះគឺចេញមកពីកិច្ចការតូចៗ ដូចជាការពិភាក្សាគ្នា ការជឿទុកចិត្តគ្នា និងក្តីសុបិន្ត រួមដែលយើងមាន។ ការគាំទ្រ ការយោគយល់ និងការអបអរសាទរលើជ័យជម្នះរបស់យើង គឺជាកំណប់ទ្រព្យដ៏ពិតប្រាកដ។
មានទស្សនៈមួយលើកឡើងថា «នៅពីក្រោយបុរសជោគជ័យគ្រប់រូប គឺតែងតែមានស្ត្រីដែលជឿជាក់លើគាត់» ។ អូនមិនត្រឹមតែជឿជាក់លើបងប៉ុណ្ណោះទេ អូនថែមទាំងបានកសាងអ្វីៗទាំងអស់ជាមួយបងផងដែរ។ អារម្មណ៍រីករាយរបស់បង និងការអរគុណរបស់បងចំពោះអូន គឺមិនអស់ពីទំហំចិត្តរបស់បងនោះទេ ខណៈដែលបងមានរូបអូននៅក្នុងដំណើរជីវិតរួមគ្នា ។ រីករាយថ្ងៃកំណើតដល់អូនដែលមិនមែនគ្រាន់តែជាផ្នែកមួយនៃជីវិតរបស់បងប៉ុណ្ណោះទេ ប៉ុន្តែជាបេះដូង
របស់បងទាំងមូល។ រីករាយថ្ងៃកំណើតដល់អូនដែលធ្វើឱ្យជីវិតរបស់យើងដូចជាដំណើរផ្សងព្រេងដ៏អស្ចារ្យ។ រីករាយថ្ងៃខួបកំណើតដល់អូនចំណាន ភរិយារបស់បង!
ជាការកត់សម្គាល់ បន្ទាប់ពីបង្ហាញបេក្ខភាពលោកជំទាវ ស្រីតូច ចំណាន ឈរឈ្មោះជាប្រធានសមាគមសិល្បះករខ្មែរសម្រាប់អាណត្តិថ្មីនេះគេឃើញមហាជន ជាពិសេស បណ្តាអ្នកសិល្បៈជាបន្តបន្ទាប់បានបញ្ចេញសារគាំទ្រចំពោះលោកជំទាវនៅក្នុងការដឹកនាំសមាគមមួយនេះ ។
ចែករំលែកព័តមាននេះ