ADផ្ទាំងផ្សព្វផ្សាយពាណិជ្ជកម្ម

Picture

មិនរួចខ្លួនទេ ! ករណីឆ.ក់ទូរស័ព្ទពីបុរសម្នាក់កំពុងជិះកង់ នៅខណ្ឌបឹងកេងកង ត្រូវសមត្ថកិច្ចបង្ក្រាបបានហើយ

1 ខែ មុន
  • ភ្នំពេញ

រាជធានី​ភ្នំពេញ ៖ ករណី​ឆ​.​ក់​ទូរស័ព្ទ​ពី​បុរស​ម្នាក់​កំពុង​ជិះ​កង់ នៅ​ខណ្ឌ​បឹង​កេងកង ត្រូវ​កម្លាំង​នាយកដ្ឋាន​នគរបាល​ព្រហ្មទណ្ឌ​បង្ក្រាប​បាន ។​ នេះ​តាម នាយកដ្ឋាន​នគរបាល​ព្រហ្មទណ្ឌ នៃ​អគ្គស្នងការដ្ឋាន​នគរបាល​ជាតិ ក្រសួងមហាផ្ទៃ​បាន​បង្ហាញ​មុន​នេះ…

រាជធានី​ភ្នំពេញ ៖ ករណី​ឆ​.​ក់​ទូរស័ព្ទ​ពី​បុរស​ម្នាក់​កំពុង​ជិះ​កង់ នៅ​ខណ្ឌ​បឹង​កេងកង ត្រូវ​កម្លាំង​នាយកដ្ឋាន​នគរបាល​ព្រហ្មទណ្ឌ​បង្ក្រាប​បាន ។​ នេះ​តាម នាយកដ្ឋាន​នគរបាល​ព្រហ្មទណ្ឌ នៃ​អគ្គស្នងការដ្ឋាន​នគរបាល​ជាតិ ក្រសួងមហាផ្ទៃ​បាន​បង្ហាញ​មុន​នេះ ។

ប្រតិបត្តិការ​នេះ​ធ្វើ​ឡើង ក្រោម​ការ​ណែនាំ​ផ្ទាល់​ពី​ឯកឧត្តម នាយ​ឧត្តមសេនីយ៍ ស ថេ​ត អគ្គស្នងការ​នគរបាល​ជាតិ អគ្គស្នងការ​រង​ទទួល​ផែន និង​តាម​ការ​ចង្អុលបង្ហាញ​បញ្ជា​ដឹកនាំ​ដោយ​ឯកឧត្តម ឧត្តមសេនីយ៍ឯក ង៉េ​ង ជួ ប្រធាន​នាយកដ្ឋាន​នគរបាល​ព្រហ្មទណ្ឌ ។

ក្រោយ​ទទួល​បាន​បទបញ្ជា​ដ៏​ម៉ឺងម៉ាត់ លោក​ឧត្តមសេនីយ៍ត្រី ប៊ុត វ​ណ្ណា​រដ្ឋ អនុប្រធាន​នាយកដ្ឋាន​ទទួល​ផែន បាន​សហការ​ស្រាវជ្រាវ និង​បើក​ការ​ស៊ើបអង្កេត​កំណត់​មុខសញ្ញា​តាម​រយៈ​កាមេរ៉ា​សុវត្ថិភាព ។

ជាក់ស្តែង​នៅ​ថ្ងៃ​ទី​២០ ខែកុម្ភៈ ឆ្នាំ​២០២៤ វេលា​ម៉ោង​១៥​និង​១០​នាទី​ត្រង់​ចំណុច​ផ្លូវ​លេខ​៣៧១(​សឡា​) ក្នុង​សង្កាត់​អូរ​បែក​ក្អម ខណ្ឌ​សែន​សុខ បាន​ធ្វើការ​ឃាត់ខ្លួន​ជនសង្ស័យ​បាន​ចំនួន​ម្នាក់​នឹង​បន្ត​ឃាត់ខ្លួន​ជនសង្ស័យ​បាន​ចំនួន​០១​នាក់​ទៀត វេលា​ម៉ោង​២០​និង​១៥​នាទី នៅ​ចំណុច​ផ្លូវ​លេខ​៣៤៤ ក្នុង​សង្កាត់​បឹង​សាឡា​ង ខណ្ឌទួលគោក​។ ជនសង្ស័យ​ទាំង​ពីរ​នាក់​ខាងលើ​នេះ​មានឈ្មោះ ៖
១. ឈ្មោះ សុខ យុទ្ធ​ឈាន ភេទ​ប្រុស អាយុ​១៩​ឆ្នាំ ជនជាតិ​ខ្មែរ​។២. ឈ្មោះ សំ រ​ដ្ឋា ហៅ​ក្តាម ភេទ​ប្រុស អាយុ​១៧​ឆ្នាំ ជនជាតិ​ខ្មែរ​។

ពួក​គេ​បាន​ធ្លាប់​ធ្វើ​សកម្មភាព នៅ​ថ្ងៃ​ទី​១០ ខែកុម្ភៈ ឆ្នាំ​២០២៤ វេលា​ម៉ោង​០៦​និង​៣៣​នាទី បាន​ធ្វើ​សកម្មភាព​ឆ​.​ក់​ទូរស័ព្ទ​ដៃ​ពី​បុរស​រង​គ្រោះ​កំពុង​ជិះ​កង់​ម្នាក់ឯង​បាន​សម្រេច​នៅ​ចំណុច​ផ្លូវ​លេខ​២១៧​កែង​ផ្លូវ​លេខ​៤៣០ ក្នុង​សង្កាត់​ទំនប់​ទឹក ខណ្ឌ​បឹង​កេងកង រាជធានី​ភ្នំពេញ​។

ចំពោះ​សម្ភារៈ​ដកហូត​រួម​មាន​៖ ១. ម៉ូតូ​ម៉ាក ហុងដា​ឌ្រី​ម ពណ៌​ខ្មៅ គ្មាន​ស្លាក​លេខ​(​របស់​ជនសង្ស័យ​)​។ ២. ម៉ូតូ​ម៉ាក ស៊ុ​យ​ស៊ូ​គី​និ​ច ពណ៌​ស ពាក់​ស្លាក​លេខ 1KL-4524(​របស់​ជនសង្ស័យ​)​។ បច្ចុប្បន្ន​ជនសង្ស័យ​នឹង​វត្ថុ​តាង​ខាងលើ ការិយាល័យ​កំពុង​កសាង​សំណុំរឿង បញ្ជូន​ទៅ​អយ្យការ​អម​សាលាដំបូង​រាជធានី​ភ្នំពេញ ៕

អត្ថបទសរសេរ ដោយ

កែសម្រួលដោយ