ពាណិជ្ជករ ប្ដីកូរ៉េ ប្រពន្ធខ្មែរ ត្រូវបញ្ជូនទៅតុលាការករណីរំលោ.ភលើទំនុកចិត្ត ក្នុងទំហំទឹកប្រាក់ប្រមាណ១លានដុល្លារ
- ភ្នំពេញ
រាជធានីភ្នំពេញ ៖ ដោយអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួសាលាដំបូង
រាជធានីភ្នំពេញ ៖ ដោយអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួសាលាដំបូងរាជធានីភ្នំពេញ និងមានការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការ នគរបាលរាជធានីភ្នំពេញ ដឹកនាំផ្ទាល់ដោយលោកវរៈសេនីយ៍ឯក ប៊ុន សត្យា ស្នងការរងទទួលផែនព្រហ្មទណ្ឌ កាលពីថ្ងៃទី១៩ ខែកុម្ភៈ ឆ្នាំ២០២៤ កម្លាំងសមត្ថកិច្ចការិយាល័យនគរ បាលព្រហ្មទណ្ឌកម្រិតធ្ងន់រាជធានីភ្នំពេញ បានសហការជាមួយនគរបាលខេត្តព្រះសីហនុ ធ្វើការស្រាវជ្រាវ និងឃាត់ខ្លួនពាណិជ្ជករ២នាក់ ប្ដីជាជនជាតិកូរ៉េ និងប្រពន្ធជនជាតិខ្មែរ នៅចំណុចបន្ទប់ជួលភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ ដោយជាប់ពាក់ព័ន្ធពីបទ.រំលោភលើទំនុកចិត្ត ដែលមានទំហំទឹកប្រាក់ប្រមាណ១លានដុល្លារអាមេរិក ។
បុរសជាប្ដីឈ្មោះ CHO YUN HO អាយុ៤៧ឆ្នាំ ជនជាតិកូរ៉េ និងប្រពន្ធឈ្មោះ ឆេង ណារី អាយុ៤៥ឆ្នាំ ជនជាតិខ្មែរ មុខរបរជាអ្នករកស៊ី មានទីលំនៅភូមិត្រពាំងធំ ឃុំព្រៃផ្តៅ ស្រុកព្រៃកប្បាស ខេត្តតាកែវ ។
តាមដីកាបង្គាប់ឱ្យចាប់ខ្លួន លេខ១០៨៦និង១០៨៧.ដ.ច.នចុះថ្ងៃទី៦ខែ តុលាឆ្នាំ ២០២៣ ចេញដោយលោក តាំង ស៊ុនឡាយ (កាលនៅជាប្រធានសាលាដំបូងរាជធានីភ្នំពេញ និងជាចៅក្រមស៊ើបសួរ) ដែលប្ដីប្រពន្ធទាំង២នាក់នោះជាប់ពាក់ព័ន្ធពីបទ.រំ លោភលើទំនុកចិត្ត ប្រព្រឹត្តនៅរាជធានីភ្នំពេញ កាលពីថ្ងៃទី១៦ ខែមិថុនា ឆ្នាំ២០២១ ។
ក្រោយចាប់ខ្លួនប្ដីប្រពន្ធទាំងពីរនាក់ នៅថ្ងៃទី២១ ខែកុម្ភៈ ឆ្នាំ២០២៤ សមត្ថកិច្ចនគរបាលព្រហ្មទណ្ឌកម្រិតធ្ងន់ បានបញ្ជូនជនសង្ស័យទៅកាន់សាលាដំបូងរាជធានីភ្នំពេញ ដែលសំណុំរឿងនោះបានស្ថិតនៅលោក លឹម សុគន្ធារ៉ា ចៅក្រមស៊ើបសួរចាត់ការបន្ត តាមនីតិវិធី ។
ករណីដាច់ដោយឡែកមួយទៀត កាលពីថ្ងៃទី២០ ខែកុម្ភៈ ឆ្នាំ២ ០២៤ ស្ថាប័នអយ្យការអមសាលាដំបូងរាជធានីភ្នំពេញ បានចេញសេចក្ដីប្រកាសព័ត៌មាន ស្ដីពីជនជាតិកូរ៉េជួញដូរគ្រឿងញៀ.នជិត ៣គីឡូក្រាម ត្រូវបានចោទប្រកាន់ ។
អ្នកនាំពាក្យនៃអយ្យការអមសាលាដំបូងរាជធានីភ្នំពេញ មានកិត្តិយសសូមជម្រាបជូន សាធារណជនមេត្តាជ្រាបថា កាលពីថ្ងៃទី១៦ ខែកុម្ភៈ ឆ្នាំ២០២៤ វេលាម៉ោង១៩ និង២០ នាទី កម្លាំងសមត្ថកិច្ចនាយកដ្ឋានចារកម្ម បានសហការជាមួយមន្ទីរប្រឆាំងគ្រឿងញៀ.ន នៅស្នងការដ្ឋាននគរបាលរាជធានីភ្នំពេញ ដើម្បីបង្ក្រាបករណីគ្រឿងញៀ.ន ដោយបានឆែកឆេរបន្ទប់ចំនួន៤ ក្នុងអគារខុនដូរមួយកន្លែងស្ថិតនៅក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ។
ជាលទ្ធផល សមត្ថកិច្ចបានរកឃើញថ្នាំញៀ.ន និងដកហូតពីបន្ទប់ទាំង៤នេះ មានទម្ងន់សរុប ២.៩៣៤,១៤ ក្រាម ព្រមទាំងបានឃាត់ខ្លួនជនជាតិកូរ៉េ២ នាក់ រួចកសាងសំណុំរឿងបញ្ជូមកអយ្យការអមសាលាដំបូងរាជធានីភ្នំពេញ ដើម្បីចាត់ការស្របតាមនីតិវិធីច្បាប់ ។
ចំពោះករណីខាងលើនេះ តំណាងអយ្យការបានសម្រេចចោទប្រកាន់ជនសង្ស័យទាំង២នាក់ ដែលជាជនជាតិកូរ៉េ និងបក្ខពួក ពីបទ.រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀ.ន ជាបទល្មើសព្រហ្មទណ្ឌ និងត្រូវផ្តន្ទាទោសតាមបញ្ញត្តិមាត្រា ៤០នៃច្បាប់ស្ដីពីការត្រួតពនិត្យគ្រឿងញៀ.ន ។ អាស្រ័យដូចបានជម្រាបជូនខាងលើនេះ សូមសាធារណជនមេត្តាជ្រាបជាព័ត៌មានតាមការគួរ ៕
ចែករំលែកព័តមាននេះ