ផ្ទះធ្វើបាយក្តាំង និងបា.ញ់ត្រាង ត្រូវភ្លើងឆេះអស់ទាំងស្រុង
- បន្ទាយមានជ័យ
ខេត្តបន្ទាយមានជ័យ ៖ អគ្គីភ័យបានឆាបឆេះផ្ទះធ្វើបាយក្តាំងនិងបា.ញ់ត្រាង បណ្តាលខូចខាតអស់
ខេត្តបន្ទាយមានជ័យ ៖ អគ្គីភ័យបានឆាបឆេះផ្ទះធ្វើបាយក្តាំងនិងបា.ញ់ត្រាង បណ្តាលខូចខាតអស់
ខេត្តបន្ទាយមានជ័យ ៖ អគ្គីភ័យបានឆាបឆេះផ្ទះធ្វើបាយក្តាំងនិងបាញ់ត្រាង បណ្តាលខូចខាតអស់ទាំងស្រុង ខណៈមិនទាន់ដឹងមូលហេតុនៅឡើយ ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាយប់រំលងអធ្រាត្រឈានចូលថ្ងៃទី១៧ ខែកុម្ភៈ ឆ្នាំ២០២៤ នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។
តាមប្រភពពីម្ចាស់ផ្ទះរងគ្រោះបានប្រាប់ឱ្យដឹងថា ផ្ទះរបស់គាត់ធ្វើបាយក្តាំងនិងបាញ់ត្រាង នៅមុនពេលកើតហេតុ គាត់បានសម្រាកមិនបានធ្វើ ហើយដេកលង់លក់ ស្រាប់តែអគ្គីភ័យបានឆាបឆេះឡើងស្ទើរតែរត់ចេញមិនទាន់ ហើយស្រែកអោយអ្នកជិតខាងជួយពន្លត់ ដោយនាំគ្នាយកទឹកជះពន្លត់ និងរង់ចាំរថយន្តពន្លត់អគ្គីភ័យមក់ដល់ តែចូលមិនរួច ក៏ទាញទុយោពីចម្ងាយបាញ់ផ្នែកខាងក្រោយ និងខាងមុខមានម៉ូតូកង់បី១គ្រឿងដាក់ធុងសាងទឹកពីរថយន្តដឹកមកជះពន្លត់ការពាររាលដាលផ្ទះអ្នកជិតខាង តែអកុសលផ្ទះរបស់គាត់ត្រូវបានភ្លើងឆេះអស់គ្មានសល់។
មន្ត្រីនគរបាលបង្ការនិងពន្លត់អគ្គីភ័យខេត្តបន្ទាយមានជ័យបានឱ្យថា នៅពេលដែលអគ្គីភ័យបានឆាបឆេះផ្ទះខាងលើ រថយន្តពន្លត់ងគ្គីភ័យ២ទៅ៣គ្រឿងបានចេញអន្តរាគមន៍ទាន់ពេល តែចូលមិនដល់ ដោយសារមានផ្ទះ១ខ្នងធ្វើជាប់ផ្លូវ ទើបរថយន្តទឹកចូលមិនដល់ កម្លាំងជំនាញក៏បានទាញទុយោអូសចូលតាមក្រោយបាញ់ពន្លត់មិនបណ្តាលរាលដាលឆេះដល់ផ្ទះប្រជាពលរដ្ឋនៅជិតខាង តែអគ្គីភ័យបានឆាបឆេះផ្ទៈ១ខ្នងដែលធ្វើបាយក្តាំងនិងបាញ់ត្រាងអស់ទាំងស្រុង។
មន្ត្រីនគរបាលបានបញ្ជាក់ថា ជុំវិញអគ្គីភ័យឆាបឆេះផ្ទះ១ខ្នងខាងលើមិនទាន់បានដឹងពីមូលហេតុច្បាស់នៅឡើយទេ ។ អគ្គិភ័យបានឆេះអស់ផ្ទៈឈើ ប្រក់ស័ង្កសី១ល្វែង និងសម្ភារៈអស់ទាំងស្រុង និងមិនទាន់ដឹងទំហំខូចខាតគិតជាទឹកប្រាក់មិនប៉ុន្មាននៅឡើយទេ និងប្រើប្រាស់រថយន្តពន្លត់អគ្គិភ័យអស់៣គ្រឿង និងមានកម្លាំងនគរបាល កងរាជអាវុធហត្ថ យោធាបានជួយអន្តរាគមន៍ផងដែរ ៕
ចែករំលែកព័តមាននេះ