រាជធានីភ្នំពេញ ៖ ជនសង្ស័យ ដែលនិពន្ធរឿងស្រីឈ្មោះ ម៉ូលីកា ត្រូវប៉ូលិសចរាចរណ៍ (ស្តុបក្តាន់២) ផាកពិន័យ ត្រូវបានតំណាងអយ្យការសម្រេចចោទប្រកាន់ហើយ ចំនួន០២បទល្មើស…
រាជធានីភ្នំពេញ ៖ ជនសង្ស័យ ដែលនិពន្ធរឿងស្រីឈ្មោះ ម៉ូលីកា ត្រូវប៉ូលិសចរាចរណ៍ (ស្តុបក្តាន់២) ផាកពិន័យ ត្រូវបានតំណាងអយ្យការសម្រេចចោទប្រកាន់ហើយ ចំនួន០២បទល្មើស រួចបញ្ជូនសំណុំរឿងទៅចៅក្រមស៊ើបសួរ ។
អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងនៅថ្ងៃទី១៦ កុម្ភៈនេះថា ជនត្រូវចោទឈ្មោះ យឹម សុផាន់ណា ភេទប្រុស ត្រូវបានចោទប្រកាន់ពីបទ បរិហារបង្កាច់កេរ្តិ៍ និងបទក្លែងបន្លំ តាមមាត្រា៣១១, មាត្រា៣១២, មាត្រា៦២៦ និងមាត្រា៦២៧ នៃក្រមព្រហ្មទណ្ឌ ។
សូមបញ្ជាក់ថា ជនសង្ស័យ ត្រូវបាននគរបាលរាជធានីភ្នំពេញ បញ្ចូនខ្លួនទៅកាន់សាលាដំបូងរាជធានីភ្នំពេញ កាលពីរសៀលថ្ងៃទី១៤ ខែកុម្ភៈ ឆ្នាំ២០២៤ ពាក់ព័ន្ធចូលរួមរៀបចំផែនការប្រឌិតរឿងក្លែងក្លាយចោទប្រកាន់មកលើមន្ត្រីនគរបាលចរាចរណ៍ នៅគោលដៅស្តុបក្ដាន់២ ធ្វើឲ្យប៉ះពាល់កិត្តិយស និងសេចក្ដីថ្លៃថ្នូររបស់មន្ត្រីនគរបាលជាតិ ។
ករណីនេះដែរ លោកវរសេនីយ៍ឯក សំ វិច្ឆិកា អ្នកនាំពាក្យនគរបាលរាជធានីភ្នំពេញ បានអោយដឹងថា ជនសង្ស័យរូបនេះ ស្ថិតក្នុងចំណោមបក្ខពួកជាច្រើននាក់ទៀត ដែលកំពុងរត់គេចខ្លួន ខណៈសមត្ថកិច្ច កំពុងបន្តការស្រាវជ្រាវក្នុងការតាមចាប់ខ្លួនផងដែរ ៕
អត្ថបទពាក់ព័ន្ធ ទី១៖ «លោក ជួន ណារិន្ទ ស្នើឲ្យស្ត្រីម្នាក់ចូលបំភ្លឺ ដើម្បីរកយុត្តិធម៌ជូន ករណីប៉ូលិសចរាចរណ៍(ស្តុបក្តាន់២) ផាកពិន័យ និងបា.ញ់លុយឲ្យជនស៊ីវិល» ។
អត្ថបទពាក់ព័ន្ធ ទី២៖ «លោកស្នងការ ជួន ណារិន្ទ ថាស្ត្រីឈ្មោះម៉ូលីកា មិនមែនជាតួអង្គក្នុងរឿងនេះទេ ស្នើឲ្យអ្នកនិពន្ធចេញមកសារភាពជាបន្ទាន់!» ។
អត្ថបទពាក់ព័ន្ធ ទី៣៖ «លោកស្នងការ ជួន ណារិន្ទ បញ្ជាក់ច្បាស់ថា ករណីស្ត្រីឈ្មោះម៉ូលីកាអះអាងខ្លួនថាជាជនរងគ្រោះនោះ ជារឿងមិនពិតទេ» ។
អត្ថបទពាក់ព័ន្ធ ទី៤៖ «លោក ជួន ណារិន្ទ បង្ហាញមុខមាត់ពិត បុគ្គលដែលនិពន្ធរឿងនារីឈ្មោះ ម៉ូលីកា ត្រូវប៉ូលិសចរាចរណ៍ (ស្តុបក្តាន់២) ផាកពិន័យ»។
អត្ថបទពាក់ព័ន្ធ ទី៥៖ «សមត្ថកិច្ចបញ្ជូនបុរសម្នាក់ទៅតុលាការ ដែលនិពន្ធរឿងនារីឈ្មោះ ម៉ូលីកា ត្រូវប៉ូលិសចរាចរណ៍(ស្តុបក្តាន់២) ផាកពិន័យ»។
ចែករំលែកព័តមាននេះ