តំណក់ភ្លៀងដំបូងនៅកម្ពុជា អាចធ្លាក់មកនៅចុងខែមេសានេះ បន្ទាប់ពីទទួលរងកម្តៅដ៏ក្តៅបំផុត។ ប៉ុន្តែទោះបីជាយ៉ាងណាក៏ដោយ សូមប្រុងប្រយ័ត្នពីព្រោះតំណក់ភ្លៀងដំបូងនេះ វាធ្លាក់មក លាយឡំ និងបាតុភូតគ្រោះថ្នាក់ច្រើនគួរសមដែរសម្រាប់សុខភាព ។ តាមការព្យាករណ៍របស់ក្រសួងធនធានទឹក…
តំណក់ភ្លៀងដំបូងនៅកម្ពុជា អាចធ្លាក់មកនៅចុងខែមេសានេះ បន្ទាប់ពីទទួលរងកម្តៅដ៏ក្តៅបំផុត។ ប៉ុន្តែទោះបីជាយ៉ាងណាក៏ដោយ សូមប្រុងប្រយ័ត្នពីព្រោះតំណក់ភ្លៀងដំបូងនេះ វាធ្លាក់មក លាយឡំ និងបាតុភូតគ្រោះថ្នាក់ច្រើនគួរសមដែរសម្រាប់សុខភាព ។
តាមការព្យាករណ៍របស់ក្រសួងធនធានទឹក និងឧតុនិយមពីថ្ងៃទី២៥ ដល់ថ្ងៃទី២៧ ខែមេសា បានឲ្យដឹងថា ភាគរយនៃតំណក់ភ្លៀងដំបូងនៅកម្ពុជាគឺមានភាគរយតិចទេ ហើយទាល់តែ ដល់ខែឧសភា បានបរិមាណទឹកភ្លៀងអាចកើនឡើងដល់៤០ ភាគរយនៃផ្ទៃប្រទេស ។
ប្រភពដដែលបានឲ្យដឹងថា នៅតំបន់វាលទំនាបសីតុណ្ហភាពចាប់ពី២៥°C ទៅ៣៧°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទីអាច មានភ្លៀង ធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី៣% ។ នៅតំបន់ខ្ពង់រាប សីតុណ្ហភាព អាចមានពី២៦°C ទៅដល់ ៣៨°C។ ខ្យល់បក់មកពីទិសបស្ចិមនិងទិសនិរតី មានល្បឿន មធ្យម៣,៥ម៉ែត្រ/វិនាទី អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់ លើផ្ទៃដី១៣%។ សម្រាប់តំបន់មាត់សមុទ្រ សីតុណ្ហភាពមានចាប់ពី ២៥°C ដល់៣៦°C។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទីអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី១០%។
សម្រាប់បងប្អូននៅក្នុងតំបន់ដែលមិនមានភ្លៀងសូមបន្តប្រុងប្រយ័ត្នសុខភាពតាមវិធានការពារ កំដៅ ប៉ុន្តែសម្រាប់បងប្អូនដែលនៅក្នុងតំបន់ដែលភ្លៀងសូមប្រុងប្រយ័ត្នចំពោះសុខភាព ។ តាមការស្រាវជ្រាវនៃកម្មវិធីលុយរបស់សារព័ត៌មានកោះសន្តិភាពបានឲ្យដឹងថា តំណក់ភ្លៀង ដំបូងនៃឆ្នាំអាចមានផលប៉ះពាល់ទាំងវិជ្ជមាន និងអវិជ្ជមានលើសុខភាព អាស្រ័យលើកត្តា ផ្សេងៗដូចជាស្ថានភាពសុខភាពរបស់បុគ្គលម្នាក់ៗ កត្តាបរិស្ថាន និងទម្លាប់ផ្ទាល់ខ្លួន។ នេះជាលទ្ធផលដែលគួរតែពិចារណា ពីព្រោះវាមានទាំងវិជ្ជមាននិងអវិជ្ជមាន ។
១.ផលប៉ះពាល់ជាវិជ្ជមាន៖
-ការកែលម្អគុណភាពខ្យល់៖ ភ្លៀងជួយសម្អាតខ្យល់ដោយកម្ចាត់ជាតិពុល និងសារធាតុ អាឡែហ្ស៊ី ដែលនាំឱ្យខ្យល់ស្រស់ និងស្អាតជាងមុនហើយអាចសម្រួលដល់ការដកដង្ហើម។
ចែករំលែកព័តមាននេះ