ខេត្តព្រះសីហនុ ៖ ទីតំាងព្រែកមួយកន្លែងដែលនៅតំបន់ច្រាំងក្រហមស្ថិតក្នុងភូមិតាឡះ សង្កាត់បិតត្រាំង ស្រុកព្រៃនប់ ខេត្តព្រះសីហនុ បានត្រូវឈ្មួញឃុបឃិតជាមួយមន្ត្រីជំនាញលួចដាក់ម៉ាស៊ីនបូមខ្សាច់ធ្វើអាជីវកម្មយ៉ាងអនាធិបតេយ្យដោយពុំខ្វល់ពីច្បាប់់អ្វីទាំងអស់។ យោងតាមប្រភពពីអ្នកដឹងរ៉ាវខ្លះៗពាក់ព័ន្ធទៅ
ខេត្តព្រះសីហនុ ៖ ទីតំាងព្រែកមួយកន្លែងដែលនៅតំបន់ច្រាំងក្រហមស្ថិតក្នុងភូមិតាឡះ សង្កាត់បិតត្រាំង ស្រុកព្រៃនប់ ខេត្តព្រះសីហនុ បានត្រូវឈ្មួញឃុបឃិតជាមួយមន្ត្រីជំនាញលួចដាក់ម៉ាស៊ីនបូមខ្សាច់ធ្វើអាជីវកម្មយ៉ាងអនាធិបតេយ្យដោយពុំខ្វល់ពីច្បាប់់អ្វីទាំងអស់។
យោងតាមប្រភពពីអ្នកដឹងរ៉ាវខ្លះៗពាក់ព័ន្ធទៅនឹងក្រុមឈ្មួញបូមខ្សាច់អនាធិបតេយ្យនេះបានឱ្យដឹងថា ម្ចាស់សាឡាងបូមខ្សាច់មានឈ្មោះធី ភេទប្រុស អាយុប្រហែល៤៦ឆ្នាំ បានឃុបឃិតគ្នាជាមួយមន្ត្រីឧស្សាហកម្មរ៉ែ និងថាមពល លួចបូមខ្សាច់ជាច្រើនកន្លែងនៅក្នុងព្រែកតំបន់ច្រាំងក្រហម ស្ថិតក្នុងភូមិតាឡះ ឃុំបិតត្រាំង ស្រុកព្រៃនប់ ខេត្តព្រះសីហនុ ដោយយកច្បាប់អនុញ្ញាតចាស់ (ចំណុចគល់ស្ពានទឹកសាប ស្ថិតក្នុងភូមិស្មាច់ដែង ឃុំរាម ស្រុកព្រៃនប់) មកបិទបាំងក្នុងបទល្មើសនេះ។ អ្វីដែលគួរឱ្យសម្គាល់នោះ គឺនៅប៉ុន្មានថ្ងៃមុននេះគេឃើញលោកប្រាក់ ប្រាកដ អនុប្រធានមន្ទីរទៅពិនិត្យទីតាំងនោះម្តងហើយ ប៉ុន្តែប៉ុន្មានថ្ងៃក្រោយមកក៏មានសំឡេងម៉ាស៊ីនបូមខ្សាច់លាន់ឮពេញព្រៃដដែល។
ប្រជាពលរដ្ឋម្នាក់ដែលមានទីលំនៅតំបន់ច្រាំងក្រហមបានឱ្យដឹងថា ការលួចបូមខ្សាច់របស់ឈ្មោះធីនេះមិនមែនជាលើកទី១ទេ គឺរាប់សិបដងទៅហើយ។ ឈ្មោះធីនេះបានយកខ្សាច់ទាំងនោះមកលក់ឱ្យក្រុមម៉ៅការសំណង់សម្រាប់រៀបរបង និងក្រាលការ៉ូឡាតាមបណ្តោយផ្លូវ និងជុំវិញរោងចក្រកាត់ដេរដែលមានទីតាំងស្ថិតក្នុងតំបន់ឧស្សាហកម្មខេត្តព្រះសីហនុ ដោយពុំបានគិតពីគុណភាពនៃសំណង់ឡើយ ។
ទាក់ទិនទៅនឹងការបូមខ្សាច់ក្នុងព្រែកនេះម្ចាស់សាឡាងឈ្មោះធី បាននិយាយបែបខែងរែងហាក់បីដូចជាអាងអ្វីមួយនៅពីក្រោយខ្នងថា ការបូមនេះគ្រាន់តែជាការសាកល្បង (បូមលេង) ប៉ុណ្ណោះ ហើយបើនិយាយពីច្បាប់វិញ កុំនិយាយ…….។
ដោយឡែកលោកប្រធានមន្ទីរ ប្រាក់ ចាន់រឿន ដែលត្រូវជាឪពុកមាលោកប្រាក់ ប្រាកដ បានឆ្លើយទាំងរដិបរដុបថា ចំពោះការបូមខ្សាច់នេះ គឺលោកបានឱ្យលោកប្រាក់ ប្រាកដទៅពិនិត្យហើយ បើលោកកាសែតចង់ដឹងទៅសួរគេ ទៅនឹងដឹងហើយ ចំពោះរូបលោកពុំបានដឹងទេ ព្រោះលោកទើបងើបពីឈឺ។ ពាក់ព័ន្ធទៅនឹងការចោទប្រកាន់នេះលោកប្រាក់ ប្រាកដ ពុំទទួលទូរស័ព្ទក្នុងការហៅចូលចំនួន៧ដងនៅម៉ោងផ្សេងគ្នា ពីភ្នាក់ងារយកព័ត៌មានរបស់យើងឡើយ ៕
ចែករំលែកព័តមាននេះ