រាជធានីភ្នំពេញ ៖ មានភាពខុសប្លែកគ្នាយ៉ាងខ្លាំងរវាងការគិតតែពីខ្លួនឯង និងអារម្មណ៍ស្រឡាញ់ខ្លួនឯង ។ ខណៈពេលដែលកុមារទាំងអស់កើតមកប្រកបដោយភាពអត្មានិយម ពួកគេត្រូវបង្រៀនពីអត្ថន័យនៃការថែរក្សាខ្លួនឯង ការគោរពខ្លួនឯង និងតម្រូវការរបស់ពួកគេ ។…
រាជធានីភ្នំពេញ ៖ មានភាពខុសប្លែកគ្នាយ៉ាងខ្លាំងរវាងការគិតតែពីខ្លួនឯង និងអារម្មណ៍ស្រឡាញ់ខ្លួនឯង ។ ខណៈពេលដែលកុមារទាំងអស់កើតមកប្រកបដោយភាពអត្មានិយម ពួកគេត្រូវបង្រៀនពីអត្ថន័យនៃការថែរក្សាខ្លួនឯង ការគោរពខ្លួនឯង និងតម្រូវការរបស់ពួកគេ ។
តើការស្រលាញ់ខ្លួនឯងជាអ្វី ? ការស្រលាញ់ខ្លួនឯងអាចមានន័យខុសគ្នាសម្រាប់មនុស្សគ្រប់គ្នា ។ នោះក៏ព្រោះតែក្មេងម្នាក់ៗ និងមនុស្សពេញវ័យម្នាក់ៗមានលក្ខណៈប្លែកពីគេ អាស្រ័យលើវិធីជាច្រើនដែលយើងមើលថែខ្លួនយើង ។ ខាងក្រោមនេះជាសកម្មភាពមួយចំនួនដែលអាចបកប្រែជាការស្រលាញ់ខ្លួនឯងចំពោះអ្នក និងកូនរបស់អ្នក ៖ ធ្វើល្អដាក់ខ្លួនឯង, និយាយអំពីខ្លួនឯងដោយក្តីស្រឡាញ់, ការអត់ទោសឱ្យខ្លួនឯង, កំណត់ព្រំដែនដែលមានសុខភាពល្អ, មានភាពស្មោះត្រង់ចំពោះខ្លួនឯង, ស្តាប់រាងកាយរបស់ខ្លួនឯង និងភ្ជាប់ទំនាក់ទំនងជាមួយខ្លួនអ្នក និងអ្នកដទៃ ។
ហេតុអ្វីបានជាការបង្រៀនកូនឱ្យចេះស្រឡាញ់ខ្លួនឯងសំខាន់ ? ការស្រឡាញ់ខ្លួនឯងរួមបញ្ចូលនូវតម្លៃសំខាន់ៗ ដូចជាការគោរពខ្លួនឯង និងទំនុកចិត្តលើខ្លួនឯង ដែលមានឥទ្ធិពលពេញមួយជីវិតរបស់កុមារ ។ កុមារដែលមានអារម្មណ៍ល្អចំពោះខ្លួនឯង ពួកគេអាចនឹងមានទំនុកចិត្តក្នុងការសាកល្បងអ្វីដែលថ្មី, ទំនងជាក្រោកឈរឡើងសម្រាប់ខ្លួនឯង និងអ្នកដទៃ, មានមោទនភាពចំពោះអ្វីដែលពួកគេអាចសម្រេចបាន, មានផ្នត់គំនិតរីកចម្រើន, មិនងាយបោះបង់ក្រោយពេលបរាជ័យ, ទំនងជាព្យាយាមអស់ពីសមត្ថភាព និងបន្តការព្យាយាម ទោះបីជាបរាជ័យដំបូងក៏ដោយ ។ វិធីដែលកុមារយល់ដឹងពីខ្លួនឯងបានដើរតួយ៉ាងសំខាន់ក្នុងការលើកទឹកចិត្ត សមិទ្ធិផលនៅក្នុងសាលារៀន ទំនាក់ទំនង និងភាពធន់របស់ពួកគេ ។ លើសពីនេះ ការស្រាវជ្រាវបានបង្ហាញថា ក្មេងដែលស្រលាញ់ខ្លួនឯងខ្លាំងទំនងជាមិនសូវស្ត្រេស មិនសូវថប់បារម្ភ ហើយជួយទប់ស្កាត់ការរិះគន់ខ្លួនឯងផងដែរ ។
តើអ្នកគួរបង្រៀនកូនឱ្យចេះស្រឡាញ់ខ្លួនឯងនៅពេលណា ? ខណៈពេលដែលការស្រលាញ់ខ្លួនឯងមានការវិវឌ្ឍន៍បន្តិចម្តងៗតាមពេលវេលា វាជារឿងសំខាន់ដែលអ្នកចាប់ផ្តើមបង្រៀនការស្រលាញ់ខ្លួនឯងដល់កូនរបស់អ្នកតាំងពីក្មេង ។ យ៉ាងណាមិញ ការស្រលាញ់ខ្លួនឯងចាប់ផ្តើមនៅពេលដែលកុមារមានអារម្មណ៍ថា មានសុវត្ថិភាព មានក្តីស្រលាញ់ ។ លើសពីនេះ ការស្រាវជ្រាវបង្ហាញថា នៅអាយុ ៥ ឆ្នាំ កុមារមានទំនុកចិត្តលើខ្លួនឯងរួចទៅហើយ ។ ដូច្នេះមានន័យថា ពេលវេលា គឺសំខាន់ ! ។
របៀបបង្រៀនការស្រលាញ់ខ្លួនឯងដល់កុមារតូចៗ ៖ ធ្វើជាគំរូនៃការស្រឡាញ់ខ្លួនឯង ពីព្រោះអាកប្បកិរិយារបស់អ្នក គឺជាឥទ្ធិពលដ៏ធំបំផុតមួយលើសមត្ថភាពរបស់កូនអ្នកក្នុងការអភិវឌ្ឍការស្រលាញ់ខ្លួនឯង ទំនុកចិត្តលើខ្លួនឯង និងការគោរពខ្លួនឯង ។ អនុវត្តការនិយាយខ្លួនឯងវិជ្ជមាន ។ កុំនិយាយរឿងអវិជ្ជមានអំពីខ្លួនអ្នក ហើយព្យាយាមឱ្យអស់ពីសមត្ថភាព ដើម្បីចៀសវាងការប្រើឃ្លា និងការនិយាយអវិជ្ជមានផ្សេងទៀតដែលសំដៅលើខ្លួនអ្នក ។ រក្សាទំនាក់ទំនងដែលមានសុខភាពល្អជារឿងសំខាន់សម្រាប់កូនរបស់អ្នកក្នុងការមើលឃើញការគោរព និងស្រឡាញ់គ្នាទៅវិញទៅមក ។
ជំរុញឯករាជ្យភាពដោយផ្តល់ឱកាសឱ្យកូនរបស់អ្នក ដើម្បីកសាងទំនុកចិត្តរបស់ពួកគេ ហើយការស្រឡាញ់ខ្លួនឯងនឹងកើតឡើង ។ ចូរបង្កើតកិច្ចការផ្ទះដែលសមស្របតាមអាយុកូនរបស់អ្នក ដូចជាជូតផ្ទះ លាងចាន រៀបចំបន្ទប់ និងខោអាវជាដើម ។ ចូរអានសៀវភៅដែលនិយាយអំពីសេចក្ដីស្រឡាញ់លើខ្លួនឯង ទំនុកចិត្តលើខ្លួនឯង ភាពអត់ធ្មត់ និងសុទិដ្ឋិនិយមជាមួយគ្នា ៕ ប្រភព ៖ verywellfamily
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមករា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់ បុត្រធីតា និងការការពារសិក្សារហូតដល់ ៥ ឆ្នាំ ។
លើពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ