ខេត្តសៀមរាប ៖ មន្ត្រីមន្ទីរទេសចរណ៍ខេត្តសៀមរាប បានឱ្យដឹងនៅថ្ងៃទី១២ ខែកុម្ភៈ ឆ្នាំ២០២៤ នេះថា ចំនួនភ្ញៀវទេស​ចរ និង​បងប្អូនប្រជាពលរដ្ឋ​មកដើរលេង​កម្សាន្តតាមរមណីយ​ដ្ឋាននានា ក្នុងខេត្តសៀមរាប នាឱកាសពិធីបុណ្យចូលឆ្នាំចិន-វៀតណាម ចាប់ពីថ្ងៃទី៩ ដល់​១១ ខែកុម្ភៈឆ្នាំ២០២៤ មានចំនួនប្រមាណ​១១៧,៦៧៧​នាក់ កើន ១១.៥៦% បើប្រៀប ធៀបនឹងឆ្នាំ២០២៣ ចំនួនប្រមាណ ១០៥,៤៨១ នាក់។

មន្ត្រីមន្ទីរទេសចរណ៍ខេត្តសៀមរាប បានឱ្យដឹងបន្តថា ក្នុងនោះ ​ភ្ញៀវ​ទេសចរជាតិ និងបងប្អូនប្រជាពលរដ្ឋ ក្នុងខេត្ត មានចំនួនប្រមាណ​៩៩,៦០០នាក់ កើន​១០.៦៧% បើប្រៀបធៀបនឹងរយៈពេលដូចគ្នា កាលពី​ឆ្នាំ២០២៣ មាន​ចំនួនប្រមាណ​៩០,០០០នាក់ ។ ភ្ញៀវទេសចរ​អន្តរជាតិ មានចំនួន ១៨,០៧៧នាក់ កើនឡើងចំនួន​១៦.៧៧% បើប្រៀបធៀបនឹងរយៈពេលដូចគ្នាកាលពី​ឆ្នាំ២០២៣ ចំនួន ១៥,៤៨១នាក់ ៕