ខេត្តកណ្តាល ៖ ជនសង្ស័យជាមុខសញ្ញាចែកចាយនិងប្រើប្រាស់គ្រឿងញៀ.នបានត្រូវកម្លាំងប៉ូលិសព្រហ្មទណ្ឌស្រុកអង្គស្នួល និងប៉ូលិសប៉ុស្តិ៍បែកចាន ឃាត់ខ្លួនបាន៤នាក់ ឯបក្សពួក២នាក់ទៀតដឹងខ្លួនមុនរត់គេចខ្លួនបាត់ស្រមោល ។ ការចាប់ខ្លួនជនសង្ស័យនេះធ្វើឡើងកាលពីវេលាម៉ោង១០និង៣០នាទីយប់ថ្ងៃទី២៩ ខែឧសភា ឆ្នាំ២០១១
ខេត្តកណ្តាល ៖ ជនសង្ស័យជាមុខសញ្ញាចែកចាយនិងប្រើប្រាស់គ្រឿងញៀនបានត្រូវកម្លាំងប៉ូលិសព្រហ្មទណ្ឌស្រុកអង្គស្នួល និងប៉ូលិសប៉ុស្តិ៍បែកចាន ឃាត់ខ្លួនបាន៤នាក់ ឯបក្សពួក២នាក់ទៀតដឹងខ្លួនមុនរត់គេចខ្លួនបាត់ស្រមោល ។ ការចាប់ខ្លួនជនសង្ស័យនេះធ្វើឡើងកាលពីវេលាម៉ោង១០និង៣០នាទីយប់ថ្ងៃទី២៩ ខែឧសភា ឆ្នាំ២០១១ នៅក្នុងភូមិមនោរម្យ ឃុំបែកចាន ស្រុកអង្គស្នួល ។
ជនសង្ស័យទាំង៤នាក់នេះ មាន១-ឈ្មោះសំ ចាន់ធ់ឿន ភេទប្រុស អាយុ២៩ឆ្នាំ ពិការជើងទាំងពីរ មានទីលំនៅភូមិជ្រោយចង្វា សង្កាត់ជ្រោយចង្វា ខណ្ឌឫស្សីកែវ រាជធានីភ្នំពេញ ជាមុខសញ្ញាចែកចាយនិងប្រើប្រាស់ ២-ឈ្មោះឃ្លោក សុវណ្ណារ៉ា ភេទប្រុស អាយុ២៣ឆ្នាំ ជាសន្តិសុខឯកជន និងជាអ្នកប្រើប្រាស់ ៣-ឈ្មោះណូស ហ្វារិត ភេទប្រុស អាយុ៣០ឆ្នាំ ជាសន្តិសុខឯកជនដែរ និងជាមុខសញ្ញាប្រើប្រាស់ដូចគ្នា ពួកគេទាំងពីរនាក់មានទីលំនៅភូមិ១ សង្កាត់ជ្រោយចង្វា និង៤-ឈ្មោះឈឹម ស្រីណាក់ ភេទស្រី អាយុ២២ឆ្នាំ មានផ្ទៃពោះ៨ខែ ជាកម្មកររោងចក្រកាត់ដេរ ជាមុខសញ្ញាចែកចាយផងប្រើប្រាស់ផង និងផ្តល់ទីតាំងសម្រាប់ចែកចាយប្រើប្រាស់ដល់បក្សពួកផង មានទីលំនៅភូមិមនោរម្យ ឃុំបែកចាន ។ ដោយឡែកបក្សពួក២នាក់ទៀតដែលគេចខ្លួន ម្នាក់ឈ្មោះយឹម ស្រស់ ភេទប្រុស អាយុ៣៧ឆ្នាំ ជាជាងកាត់ដេរ និងជាមុខសញ្ញាចែកចាយ ប្រើប្រាស់ និងផ្តល់ទីតាំងសម្រាប់បក្សពួកនិងម្នាក់ទៀតឈ្មោះឡាច វណ្ណៈ ភេទប្រុស អាយុ២៣ឆ្នាំ ជាជាងកាត់ដេរ ហើយជាមុខសញ្ញាប្រើប្រាស់ ពួកគេមានទីលំនៅក្នុងភូមិមនោរម្យ ឃុំបែក ចាន ។
មន្ត្រីប៉ូលិសនិយាយថា ការចាប់ខ្លួនជនសង្ស័យខាងលើគឺធ្វើឡើងតាមការណែនាំរបស់គណៈស្នងការប៉ូលិសខេត្ត និងមានការឯកភាពពីលោកព្រះរាជអាជ្ញាអមសាលាដំបូងខេត្ត ហើយកងកម្លាំងដកហូតបានឧបករណ៍សម្រាប់ជក់ថ្នាំញៀន១សម្រាប់ និងម៉ូតូម៉ាកអ៊ែរប្លែ៊ក ពណ៌ក្រហមលាយខ្មៅ១គ្រឿង ។ មុនពេលចាប់ខ្លួន កងកម្លាំងបានធ្វើការស្រាវជ្រាវនិងស៊ើបអង្កេតតាមរយៈការរាយការណ៍និងផ្តល់ព័ត៌មានពីសំណាក់ប្រជាពលរដ្ឋយូរមកហើយ បន្ទាប់ពីពួកគាត់បានដឹងថា ជនសង្ស័យ១ក្រុមខាងលើតែងតែធ្វើសកម្មភាពចែកចាយនិងប្រើប្រាស់គ្រឿងញៀន ។ ប្រភពដដែលបានបន្តថា ក្រោយពេលទទួលបានព័ត៌មាននោះហើយកងកម្លាំងក៏ធ្វើការតាមជំនាញរហូតកំណត់បានមុខសញ្ញាច្បាស់លាស់ទើបចេញអន្តរាគមន៍ចាប់នៅក្នុងខណៈពេលដែលពួកនោះកំពុងជួបជុំគ្នាប្រើប្រាស់គ្រឿងញៀន ប៉ុន្តែគួរឱ្យសោកស្តាយចាប់បានតែ៤នាក់ប៉ុណ្ណោះ ឯ២នាក់ទៀតរត់គេចខ្លួនរួច ។
មន្ត្រីប៉ូលិសបានបន្តទៀតថា មុខសញ្ញាដែលត្រូវចាប់ខ្លួននោះមាន៣នាក់នៅក្រៅមូលដ្ឋានស្រុកអង្គស្នួល គឺពួកគេមកពីភ្នំពេញហើយរាល់លើកពួកគេតែងតែយកថ្នាំញៀនទៅចែកចាយនិងប្រើប្រាស់នៅក្នុងភូមិមនោរម្យនោះ។ ពេលនេះបន្ទាប់ពីចាប់ខ្លួន ប៉ូលិសបានធ្វើការសាកសួរនិងកសាងសុំណុំរឿងបញ្ជូនពួកគេរួមទាំងវត្ថុតាងទៅតុលាការ ៕
ចែករំលែកព័តមាននេះ