ខេត្តបាត់ដំបង ៖ បុរសម្នាក់ត្រូវសមត្ថកិច្ចឃាត់ខ្លួនតាមពាក្យបណ្តឹង ក្រោយធ្វើសកម្មភាពចាប់រំលោភលើកូនស្រីចុងរហូតបានសម្រេចជាច្រើនលើក ប៉ុន្តែទើបតែបែកធ្លាយរឿងនេះទៅដល់ម្តាយបង្កើតនាង ។ ជាក់ស្តែង យោងតាមផេកអគ្គស្នងការនគរបាលជាតិបានឱ្យដឹងថា នៅថ្ងៃទី១០ ខែកុម្ភៈ…
ខេត្តបាត់ដំបង ៖ បុរសម្នាក់ត្រូវសមត្ថកិច្ចឃាត់ខ្លួនតាមពាក្យបណ្តឹង ក្រោយធ្វើសកម្មភាពចាប់រំលោភលើកូនស្រីចុងរហូតបានសម្រេចជាច្រើនលើក ប៉ុន្តែទើបតែបែកធ្លាយរឿងនេះទៅដល់ម្តាយបង្កើតនាង ។
ជាក់ស្តែង យោងតាមផេកអគ្គស្នងការនគរបាលជាតិបានឱ្យដឹងថា នៅថ្ងៃទី១០ ខែកុម្ភៈ ឆ្នាំ២០២៤ វេលាម៉ោង១៦និង១០នាទី នៅចំណុចភូមិតាង៉ែន ក្នុងខេត្តបាត់ដំបង មានករណីរំលោភសេពសេន្ថវៈមួយកើតឡើង ប្រព្រឹត្តដោយជនសង្ស័យម្នាក់ឈ្មោះ ស៊ុន យ៉ុម ភេទប្រុស អាយុ៥២ឆ្នាំ មានទីលំនៅភូមិអូរតាញា ឃុំតាគ្រាម ស្រុកបាណន់ ខេត្តបាតដំបង ។ បច្ចុប្បន្ន ស្នាក់នៅទំនប់អាងកំពីង។
ប្រភពបន្តថា ជនសង្ស័យខាងលើ បានធ្វើសកម្មភាពចាប់រំលោភទៅលើជនរងគ្រោះដែលជាកូនស្រីចុង មានអាយុ១៤ឆ្នាំនៅពេលទៅរកត្រី និងពេលនៅផ្ទះស្ងាត់តែពីរនាក់ រហូតបានសម្រេចជាច្រើនលើក (ដែលបានកើតមានឡើងពីក្នុងកំឡុងដើមឆ្នាំ២០២៣ រហូតដល់ថ្ងៃទី០៩.០២.២០២៤) ដោយបានគំរាមសម្លាប់ និងហាមមិនឲ្យនិយាយប្រាប់អ្នកណាដឹងឡើយ ។
ប្រភពបន្តទៀតថា លុះដល់វេលាម៉ោប្រហែល០១យប់ថ្ងៃទី០៩ ខែកុម្ភៈ ឆ្នាំ២០២៤ ស្រាប់តែឪពុកចុងឈ្មោះ ស៊ុន យ៉ុម បានលួចឡើងតាមបង្អួចចូលក្នុងបន្ទុប់កូនស្រីចុងបម្រុងរំលោភ តែត្រូវកូនស្រីប្រកែកហើយនិយាយរឿងនេះប្រាប់ទៅដល់ម្តាយឈ្មោះ សរ សារុំ អាយុ៤២ឆ្នាំ បានអោយដឹង ។
ក្រោយទទួលបានពាក្យបណ្ដឹងពីជនរងគ្រោះ កម្លាំងផ្នែកជំនាញរួមជាមួយកម្លាំងប៉ុស្តិ៍នគរបាលរដ្ឋបាលតាគ្រាមនៃអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ទោ សំ វីរៈ អធិការនគរបាលស្រុកបាណន់ បានចុះធ្វើការឃាត់ខ្លួនជនសង្ស័យ ឈ្មោះ ស៊ុន យ៉ុម មកកាន់អធិការដ្ឋាននគរបាលស្រុកបាណន់ដើម្បីធ្វើការសាកសួរ ។ ក្រោយពីបានសាកសួរជនសង្ស័យ បានឆ្លើយសារភាពថា «ខ្លួនបានធ្វើសកម្មភាពចាប់រំលោភទៅលើជនរងគ្រោះបានសម្រេចជាច្រើនលើកពិតប្រាកដមែន ។
បច្ចុប្បន្ន កម្លាំងនគរបាលស្រុកបាណន់កំពុងកសាងសំណុំរឿង បញ្ចូនមកការិយាល័យជំនាញខេត្ត ដើម្បីចាត់ការបន្តតាមនីតិវិធី៕
ចែករំលែកព័តមាននេះ