ខេត្តបន្ទាយមានជ័យ ៖ ជនសង្ស័យម្នាក់ត្រូវចាប់ខ្លួនបញ្ជូនទៅសាលាដំបូងខេត្តបន្ទាយមានជ័យ កាលពីថ្ងៃទី០៩ ខែកុម្ភៈ ឆ្នាំ២០២៤ ក្រោយពីរើសទួរស័ព្ទរបស់២នាក់ប្តីប្រពន្ធដែលមានមុខរបររើសអេតចាយ និងប៉ះកង់-ម៉ូតូ ក៏បើកលុយអស់ចំនួនជាង៨ពាន់ដុល្លារ ។…
ខេត្តបន្ទាយមានជ័យ ៖ ជនសង្ស័យម្នាក់ត្រូវចាប់ខ្លួនបញ្ជូនទៅសាលាដំបូងខេត្តបន្ទាយមានជ័យ កាលពីថ្ងៃទី០៩ ខែកុម្ភៈ ឆ្នាំ២០២៤ ក្រោយពីរើសទួរស័ព្ទរបស់២នាក់ប្តីប្រពន្ធដែលមានមុខរបររើសអេតចាយ និងប៉ះកង់-ម៉ូតូ ក៏បើកលុយអស់ចំនួនជាង៨ពាន់ដុល្លារ ។
តាមប្រភពពីការិល័យនគរបាលប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្តបន្ទាយមានជ័យបានប្រាប់ថា ជនសង្ស័យមានឈ្មោះ គឹម វិបុល ហៅមិញ ភេទប្រុស អាយុ៤០ឆ្នាំ
(មុខរបបរត់ម៉ូតូកង់៣ឥណ្ឌា) រស់នៅភូមិប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត។
លោកបានបញ្ជាក់ថា ក្រោយទទួលពាក្យបណ្តឹងពីឈ្មោះ សៀក ស្រីនាង ភេទស្រី អាយុ៤២ឆ្នាំ
ដែលមានមុខរបរដើររើសអេតចាយ និងប៉ះកង-ម៉ូតូ) រស់នៅសង្កាត់.ក្រុងប៉ោយប៉ែត បានបាត់ទូរស័ព្ទដៃម៉ាកOPPO១គ្រឿង ដែលមានគណនេយ្យធនាគារដែលមានទឹកប្រាក់ចំនួន៨,១៤០ដុល្លារ ។
ក្រោយពីបាត់ទូរស័ព្ទក៏បានទៅជួបបុគ្គលិកធនាគារមួយនៅសាខាក្រុងប៉ោយប៉ែតប្រាប់ថា បើគ្មានអ្នកដឹងលេខសម្ងាត់គណនីទេ គ្មានអ្នកណាបើកលុយបានឡើយ ហើយគាត់សម្រេចដាក់លុយចំនួន១,៨០០ដុល្លារបន្ថែមទៀត លុះដល់ថ្ងៃទី១១ ខែកញ្ញា ឆ្នាំ២០១៣ បម្រុងយកលុយទៅដាក់ចំនួន៤,០០០ដុល្លារទៀតបន្ថែម តែសួរបុគ្គលិកធនាគារជួយឆែកគណនីមើលលុយស្រាប់តែបាត់អស់រលីងគ្មានសល់ ។
លោកវរសេនីយ៍ទោ សោម សារុន បានបញ្ជាក់ថា ក្រោយទទួលពាក្យបណ្តឹងពីស្ត្រីរងគ្រោះឈ្មោះ សៀក ស្រីនាង កម្លាំងការិយាល័យនគរបាលប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្តបន្ទាយមានជ័យបានធ្វើការស្រាវជ្រាវតាមប្រព័ន្ធបច្ចេកវិទ្យារហូតឈានដល់ចាប់ខ្លួនជនសង្ស័យ នៅថ្ងៃទី០៧ ខែកុម្ភៈ ឆ្នាំ២០២៤ នៅភូមិប៉ាលិលេយ្យមួយ សង្កាត់.ក្រុងប៉ោយប៉ែត។
ជនសង្ស័យឈ្មោះ គឹម វិបុល ហៅមិញ បានសារភាពថា ខ្លួនពិតជាបានបើកយកលុយចំនួន៨,១៤០ដុល្លារពិតមែន ដោយមូលហេតុបានទិញទូរស័ព្ទម៉ាកOPPO១គ្រឿងតំលៃ១២ម៉ឺនរៀល
ពីបុរសម្នាក់មិនស្គាល់ឈ្មោះបានយកមកលក់អោយ ហើយទិញស៊ីមដាក់ឃើញគណនីបានចុចរាវលេខសម្ងាត់ពី១ដល់៦ចេញហើយទៅបើកលុយទាំងអស់យកទៅទិញម៉ូតូ២គ្រឿង និងមាសទុក រួចហើយសម្រេចចិត្តលក់ម៉ូតូ២គ្រឿងយកទៅទិញផាសអាប់១គ្រឿងធ្វើជាមុខរបររត់ តែត្រូវបានសមត្ថកិច្ចចាប់តែម្តតង ។
ចែករំលែកព័តមាននេះ