ខេត្តពោធិ៍សាត់ ៖ រថយន្តមួយគ្រឿងម៉ាកកាមរី ស៊េរី៩៣ ពណ៌ស្លែ ពាក់ស្លាកលេខភ្នំពេញ 2E-8172 និងឈើគ្រញូងចំនួន៩១ដុំ ទម្ងន់៣០២គីឡូក្រាម ស្មើនឹង០,២២៣ម៉ែត្រគូប បានប្រគល់ជូនផ្នែករដ្ឋបាលព្រៃឈើក្រគរ ដើម្បីទុកជាសម្បត្តិរដ្ឋ បន្ទាប់ពីសមត្ថកិច្ចនគរបាលប្រឆាំងបទល្មើសសេដ្ឋកិច្ច ស្ទាក់ចាប់បានពីឈ្មួញ ទុច្ចរិត
ខេត្តពោធិ៍សាត់ ៖ រថយន្តមួយគ្រឿងម៉ាកកាមរី ស៊េរី៩៣ ពណ៌ស្លែ ពាក់ស្លាកលេខភ្នំពេញ 2E-8172 និងឈើគ្រញូងចំនួន៩១ដុំ ទម្ងន់៣០២គីឡូក្រាម ស្មើនឹង០,២២៣ម៉ែត្រគូប បានប្រគល់ជូនផ្នែករដ្ឋបាលព្រៃឈើក្រគរ ដើម្បីទុកជាសម្បត្តិរដ្ឋ បន្ទាប់ពីសមត្ថកិច្ចនគរបាលប្រឆាំងបទល្មើសសេដ្ឋកិច្ច ស្ទាក់ចាប់បានពីឈ្មួញ ទុច្ចរិត ។
មន្ត្រីនគរបាលឱ្យដឹងថា កាលពីព្រឹកថ្ងៃទី២៩ ឧសភា បន្ទាប់ពីបណ្តាញផ្តល់ព័ត៌មានមកថា រថយន្តដែលមានភិនភាគខាងលើលួចផ្ទុកឈើគ្រញូងកំពុងធ្វើដំណើរលើផ្លូវជាតិលេខ៥ ពីពោធិ៍សាត់ឆ្ពោះទៅកាន់រាជធានីភ្នំពេញភ្លាម សមត្ថកិច្ចនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្ត សហការជាមួយនគរបាលប្រឆាំងបទល្មើសសេដ្ឋកិច្ចក្រសួង បានតាមឃ្លាំមើលរហូតស្ទាក់ចាប់បាននៅចំណុចភូមិអារ៉ងព្រួច ឃុំអន្សារចំបក់ ស្រុកក្រគរ ។ អ្នកបើកបរមិនស្គាល់ឈ្មោះបានទុករថយន្តចោលរួចរត់គេចខ្លួនបាត់។
ប្រភពព័ត៌មាននិយាយថា រថយន្តដឹកឈើមានគ្រប់រូបភាពចរាចរលើផ្លូវជាតិលេខ៥ ។ ដោយឡែកផ្លូវពីស្រុកភ្នំក្រវាញមកផ្លូវបំបែកលាចដឹកទាំងយប់ទាំងថ្ងៃ សមត្ថកិច្ចដេក
អង្រឹង ធ្វើមិនដឹងចាំតែរាប់ក្បាលឡានប៉ុណ្ណោះ ។ បន្ទាប់មកគេចុចទូរស័ព្ទណាត់ជួបពួកឈ្មួញគ្រប់គ្នានៅតាមហាង ឬផ្ទះសំណាក់ណាមួយ ដើម្បីទូទាត់បញ្ជីម្តង ។ គ្មានការងារណាស្រួលជាងការងារនេះទេ មិនចាំបាច់ចេះភាសាអង់គ្លេស កុំព្យូទ័រ ឬខំរៀនយកបរិញ្ញាបត្រ អនុបណ្ឌិត និងបណ្ឌិតនាំឱ្យខាតពេលវេលាឡើយ ៕
ចែករំលែកព័តមាននេះ