ខេត្តពោធិ៍សាត់៖ ក្រុមយុវជន ៦នាក់ បាន​បញ្ច្រាកស្រាក្មេងស្រីរងគ្រោះម្នាក់ អោយស្រវឹង រួច អូស​ចូលក្នុងបន្ទប់ រំលោ.ភបានសម្រេច។ ហេតុការណ៍នេះ បានកើតឡើង កាលពីថ្ងៃសៅរ៍ ទី០៣ ខែកុម្ភៈ ឆ្នាំ២០២៤ វេលាម៉ោង ១៥រសៀល នៅភូមិសំរោង២ ឃុំសំរោង ស្រុកភ្នំក្រវាញ ខេត្តពោធិសាត់។

ប៉ូលិសបាន​ឱ្យដឹងថា បន្ទាប់ពីរំលោ.ភក្មេងស្រីរងគ្រោះរួចហើយ ក្រុម​ជនសង្ស័យ ក៏​បានដឹកជន​រងគ្រោះ បន្តទៅភ្នំពេញទៀត។

ក្រោយពេលកើតហេតុ កម្លាំងអធិការដ្ឋាននគរបាលស្រុកភ្នំក្រវាញ សហការជាមួយកម្លាំងជំនាញ នៃស្នងការដ្ឋាននគរបាលរាជធានីភ្នំពេញ បាន​ស្រាវជ្រាវ ​ឃាត់ខ្លួន​បានជនសង្ស័យចំនួន ០៧នាក់ និងក្មេងស្រីរងគ្រោះ ហើយបានកសាង​សំណុំរឿង បញ្ជូនទៅសាលាដំបូងខេត្តពោធិ៍សាត់ ចាត់ការបន្ត តាមនីតិវិធីច្បាប់៕ សែម សុគន្ធ