ខេត្តបន្ទាយមានជ័យ ៖ ប្រជាពលរដ្ឋជាង៥០នាក់បាននាំគ្នាមកតវ៉ាមុខផ្ទះរបស់លោកស្រីមេភូមិព្រៃព្រិច ដែលនាំបុគ្គល២ទៅ៣នាក់មករៃលុយរត់ការធ្វើប្លង់ដីក្រោយស្ងាត់ឈឹង ដោយនាំគ្នាធ្វើការតវ៉ានៅថ្ងៃទី០៤ ខែកុម្ភៈ ឆ្នាំ២០២៤ នៅភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ។
តំណាងប្រជាពលរដ្ឋបានប្រាប់ថា មូលហេតុពួកគាត់នាំគ្នាមកតវ៉ានៅមុខផ្ទះលោកស្រី ហ៊ុក លឿត ដែលជាមេភូមិព្រៃព្រិច មានគ្នាប្រមាណជាង៥០នាក់ តំណាងប្រជាពលរដ្ឋជាច្រើនគ្រួសារ រឿងលោកស្រីមេភូមិបាននាំបុគ្គល២ទៅ៣នាក់ មកដើររៃលុយប្រជាពលរដ្ឋ១គ្រួសារមាន៥,០០០បាត ខ្លះទៀត១០,០០០បាត ថាយកលុយនេះ ទៅរត់ការដើម្បីធ្វើប្លង់ដីជាកម្មសិទ្ធិ ។ ក្រោយរៃយកលុយហើយស្រាប់តែស្ងាត់ឈឹងដូចចោរលួចសេះ ទើបនាំគ្នាតវ៉ាទាមទារលុយវិញ ។
តំណាងប្រជាពលរដ្ឋបានបញ្ជាក់ថា ក្រោយប្រជាពលរដ្ឋតវ៉ាទាំងមានឯកសារស្នាមមេដៃប្រជាពលរដ្ឋសុំឱ្យលោកស្រីមេភូមិព្រៃព្រិច ដែលជាអ្នកនាំបុគ្គល២ទៅ៣នាក់រៃលុយប្រជាពលរដ្ឋថា យកទៅរត់ការ ដើម្បីចុះបញ្ជីដីធ្លីជាកម្មសិទ្ធិជូនប្រជាពលរដ្ឋឱ្យស្របច្បាប់ ព្រោះជាដីដែលរស់នៅអាស្រ័យផលមានទំនាស់ជាច្រើនឆ្នាំមកហើយដែលមិនទាន់ដោះស្រាយបញ្ចប់ទើបលោកស្រីមេភូមិនាំបុគ្គល២ទៅ៣នាក់ទទួលរត់ការដើម្បីបានចុះបញ្ជីដីធ្លីជាកម្មសិទ្ធិស្របច្បាប់ ក្រោយដើររៃលុយពីប្រជាពលរដ្ឋយកទៅអស់ហើយស្ងាត់ឈឹង ទើបប្រជាពលរដ្ឋនាំគ្នាមកតវ៉ាសុំលុយមកវិញ ព្រោះលុយនេះសង្ស័យនៅលើលោកស្រីមេភូមិទាំងស្រុង ។
លោកស្រី ហ៊ុក លឿត មេភូមិព្រៃព្រិចបានប្រាប់តាមទូរស័ព្ទថា៖ ពេលនេះលោកស្រីកំពុងជាប់រវល់ចែកអំណោយជូនប្រជាពលរដ្ឋមិនបានអត្ថាធិប្បាយជូននោះតែលោកស្រីបានប្រាប់ប្រជាពលរដ្ឋនៅពេលទៅតវ៉ាថារឿងលុយដែលរៃយកទៅរត់ការធ្វើប្លង់ដីនោះលោកស្រីមិនពាក់ព័ន្ធឡើយ គឺមានបុគ្គលផ្សេងទៀតដែលបានដើររ៉ៃយកលុយទៅរត់ការដើម្បីចុះធ្វើប្លង់ដីគឺលោកស្រីមិនពាក់ព័ន្ធឡើយ ។
ឱ! លោកស្រីប្រធានភូមិអើយ…ពេលនេះវ័ណ្ឌ.កមែនទែនហើយ… តើលោកស្រីរៃលុយពីពលរដ្ឋយកទៅណា?… ល្មមសងវិញហើយ ប្រាក់ដែលរៃបានមានរាប់សែនបាត…ទំនងរាប់លានបាតផង… ចៀសមិនរួចពីចង.កខ្លួនឯងឡើយ…ហេ! ហេ!
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ