រាជធានីភ្នំពេញ ៖ លោកអ៊ាង សុផល្លែត ជំនួយការសម្តេចអគ្គមហាសេនាបតីតេជោហ៊ុន សែន បានប្រាប់ឱ្យដឹងថា លោកស្រី RABEA BRAUER តំណាងអង្គការខុនរ៉ាដប្រចាំនៅព្រះរាជាណាចក្រកម្ពុជាមានប្រសាសន៍ថា អង្គការខុនរ៉ាដកំពុងតែប្រឹងប្រែងជួយពង្រឹងសមត្ថភាពដល់យុវជនកម្ពុជា ពិសេសទៅលើវិស័យនយោបាយក៏ដូចជាវិស័យ
រាជធានីភ្នំពេញ ៖ លោកអ៊ាង សុផល្លែត ជំនួយការសម្តេចអគ្គមហាសេនាបតីតេជោហ៊ុន សែន បានប្រាប់ឱ្យដឹងថា លោកស្រី RABEA BRAUER តំណាងអង្គការខុនរ៉ាដប្រចាំនៅព្រះរាជាណាចក្រកម្ពុជាមានប្រសាសន៍ថា អង្គការខុនរ៉ាដកំពុងតែប្រឹងប្រែងជួយពង្រឹងសមត្ថភាពដល់យុវជនកម្ពុជា ពិសេសទៅលើវិស័យនយោបាយក៏ដូចជាវិស័យផ្សេងៗទៀតដើម្បីធ្វើយ៉ាងណាឱ្យយុវជនទាំងនោះអាចចូលរួមចំណែកក្នុងការកសាង និងអភិវឌ្ឍកម្ពុជានៅថ្ងៃអនាគត។
លោកអ៊ាង សុផល្លែត បានប្រាប់ឱ្យដឹងបែបនេះនាព្រឹកថ្ងៃទី៣០ ខែឧសភា ឆ្នាំ២០១១ ក្នុងឱកាសដែលលោកស្រីតំណាងអង្គការខុនរ៉ាដ ចូលជួបសំដែងការគួរសម និងពិភាក្សាការងារជាមួយសម្តេចតេជោនាយករដ្ឋមន្ត្រីហ៊ុន សែន នៅ វិមានសន្តិភាពនៃទីស្តីការនាយករដ្ឋមន្ត្រី។ ជាការឆ្លើយតបសម្តេចតេជោនាយករដ្ឋមន្ត្រីហ៊ុន សែន បានថ្លែងអំណរគុណចំពោះអង្គការខុនរ៉ាដជូនចំពោះ លោកស្រី RABEA ដែលបានរួមចំណែកយ៉ាងសកម្មនៅក្នុងការអភិវឌ្ឍកម្ពុជា។
សម្តេចបានមានប្រសាសន៍ថា អង្គការខុនរ៉ាដបានដើរតួយ៉ាងសំខាន់ក្នុងការពង្រឹងលទ្ធិប្រជាធិបតេយ្យជួយដល់វិមជ្ឈការ សហវិមជ្ឈការក៏ដូចជាជួយក្នុងការបែងចែកការងារថ្នាក់ជាតិ ថ្នាក់ក្រោមជាតិ និងទំនាក់ទំនងរវាងថ្នាក់ដឹកនាំដែលត្រូវបានចាត់តាំង និងអ្នកដែលត្រូវបានបោះឆ្នោតឱ្យ។
លើសពីនោះទៅទៀតអង្គការបានជួយដល់កម្ពុជាពង្រឹងខាងវិស័យព័ត៌មានតាមរយៈការបង្កើតសាលាសារព័ត៌មាននៅក្នុងព្រះរាជាណាចក្រកម្ពុជា។ ជាថ្មីម្តងទៀតសម្តេចបានផ្តោតក្តីសង្ឃឹមថា អង្គការខុនរ៉ាដនឹងបន្តធ្វើជាដៃគូអភិវឌ្ឍកម្ពុជាតទៅទៀត ៕
ចែករំលែកព័តមាននេះ