ប្រពន្ធយំរហូតសន្ល.ប់ ក្រោយឡិចស៊ីស ៥៧០ បុ.កម៉ូតូលាន់ដូចរន្ទះ ស្លា.ប់ប្តី និងកូនៗ
- ស្វាយរៀង
ខេត្តស្វាយរៀង ៖ គ្រោះថ្នាក់ចរាចរណ៍រវាងរថយន្តស៊េរីទំនើបមួយគ្រឿងម៉ាកឡិចស៊ីស ៥៧០ បុ.ក
ខេត្តស្វាយរៀង ៖ គ្រោះថ្នាក់ចរាចរណ៍រវាងរថយន្តស៊េរីទំនើបមួយគ្រឿងម៉ាកឡិចស៊ីស ៥៧០ បុ.កជាមួយម៉ូតូមួយគ្រឿងជិះគ្នា៣នាក់ឪពុកនិងកូន បណ្តាលឱ្យភាគីខាងម៉ូតូដែលជិះគ្នា៣នាក់ឪពុកនិងកូន ស្លាប់បាត់បង់ជីវិតភ្លាមៗទាំង៣នាក់នៅនឹងកន្លែងកើតហេតុ ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៥ល្ងាចថ្ងៃទី៣ កុម្ភៈ ឆ្នាំ២០២៤ នៅលើកំណាត់ផ្លូវជាតិ ខាងមុខខ្លោងទ្វាវត្តថ្នាញ ភូមិថ្នាញ សង្កាត់បាទី ក្រុងបាវិត ខេត្តស្វាយរៀង ។
តាមប្រភពពីប្រជាពលរដ្ឋនៅកន្លឺងកើតហេតុបានឲ្យដឹងថា មុនពេលកើតហេតុ គេឃើញបុរសជាឪពុកបានជិះម៉ូតូមួយគ្រឿង ម៉ាកហុងដា ធុនសេ១២៥ ពណ៌ខ្មៅ មានដឹកកូនប្រុសចំនួន២នាក់(កូនបងអាយុ១០ឆ្នាំ និងកូនប្អូនអាយុ២ឆ្នាំ) ធ្វើដំណើរពីទិសខាងត្បូងទៅទិសជើង ក្នុងគោលបំណងទៅទទួលប្រពន្ធចេញពីធ្វើការរោងចក្រនៅក្រុងបាវិត លុះមកដល់ចំណុចខាងមុខខ្លោងងទ្វារវត្តថ្នាញ ក៏ត្រូវរថយន្តស៊េរីទំនើបមួយគ្រឿងម៉ាកឡិចស៊ីស LX៥៧០ បុ.កចំពីមុខពេញទំហឹងលាន់ដូចរន្ទះ បណ្តាលឲ្យជនរងគ្រោះទាំង៣នាក់ឪពុកនិងកូនស្លា.ប់ភ្លាមៗនៅកន្លែងកើតហេតុ រីឯម៉ូតូបាក់ខ្ទេច១កំណាត់ រងការខូចខាតទាំងស្រុង។ ចំណែករថយន្តរងការខូចខាតផ្នែកខាងមុខធ្ងន់ធ្ងរ ។
តាមប្រភពដដែលបានបន្តថា រថយន្តម៉ាកឡិចស៊ីស LX570 ពណ៌ខ្មៅ ពាក់ស្លាកលេខ ភ្នំពេញ 2AQ-5833 បើកបញ្ច្រាសទិសគ្នាពីទិសខាងជើងទៅត្បូងយ៉ាងលឿន គេមិនដឹងថាយ៉ាងម៉េចក៏បានរេចង្កូតទៅបុ.កចំម៉ូតូជនរងគ្រោះបែបនេះ ។ រីឯអ្នកបើកបររថយន្តបានបើកទ្វារថយន្តរត់គេចខ្លួនបាត់ភ្លាមៗពីកន្លែងកើតហេតុបន្សល់ទុកតែរថយន្តនៅកន្លែងកើតហេតុ កន្លះម៉ោងក្រោយមក គេឃើញសមត្ថកិច្ចយករថយន្តស្ទូចមកស្ទូចយកទៅរក្សាទុកនៅអធិការដ្ឋាននគបាលក្រុងបាវិត ។ រីឯស.ពជនរងគ្រោះ៣នាក់ឪពុកនិងកូន ត្រូវសមត្ថកិច្ចធ្វើការវាស់វែងនិងធ្វើកោសល្យវិច្ច័យរួចបានប្រគល់ឲ្យក្រុមគ្រួសារធ្វើបុណ្យតាមប្រពៃណី ។
អ្វីដែលគួរឲ្យសង្វេគនោះគឺស្ត្រីជាប្រពន្ធធ្លាប់តែប្តីទៅទទួលពីរោងចក្ររាល់ថ្ងៃ ស្រាប់តែអ្នកជិតខាងទៅទទួលមកដល់ឃើញហេតុការណ៍ប្តីនិងកូនដេកស្លា.ប់រដូករណែលលើផ្លូវជាតិ ក៏ស្រែកយំយ៉ាងរន្ធ.ត់រហូតសន្ល.ប់ ព្រោះនាងមានប្តី និងមានតែកូន២នាក់នេះ តើឱ្យនាងសង្ឃឹមអីទៀត នណាមិនស្លុ.ត តែមួយប៉ព្រិចភ្នែកបាត់បង់ប្តីនិងកូនៗរហូតដល់ទៅ៣នាក់ តើនណាទប់ចិត្ត ទប់អារម្មណ៍បាន សូម្បីតែសាច់ញាតិនិងអ្នកភូមិដែលទៅមើលហេតុការណ៍ក៏មិនអាចទប់ទឹកភ្នែកបានដែរ ។
ជុំវិញករណីខាងលើនេះ មហាជនលើកឡើងថា សូមឲ្យសមត្ថកិច្ចជួយរកយុត្តិធម៌ជូនស្ត្រីជាប្រពន្ធរបស់ជនរងគ្រោះផង ៕
ចែករំលែកព័តមាននេះ