ខេត្តព្រះវិហារ ៖ រថយន្តចំនួនពីរគ្រឿងដឹកជញ្ជូនឈើត្រូវកម្លាំងសហការបង្ក្រាបរឹបអូសប្រគល់ឲ្យជំនាញរដ្ឋបាលព្រៃឈើចាត់ការបន្ត ។ការចុះបង្ក្រាបរថយន្តទាំងពីរគ្រឿងដឹកឈើនោះកម្លាំងសមត្ថកិច្ចបានធ្វើឡើងនៅវេលាម៉ោង០០នាទីយប់ ថ្ងៃទី៣ ខែកុម្ភៈ ឆ្នាំ២០២៤នៅត្រង់ចំណុចទីរួមស្រុកសង្គមថ្មី ខេត្តព្រះវិហារ ។ រថយន្តដែលបង្ក្រាបបានទី១.ម៉ាក់ហ្វត…
ខេត្តព្រះវិហារ ៖ រថយន្តចំនួនពីរគ្រឿងដឹកជញ្ជូនឈើត្រូវកម្លាំងសហការបង្ក្រាបរឹបអូសប្រគល់ឲ្យជំនាញរដ្ឋបាលព្រៃឈើចាត់ការបន្ត ។ការចុះបង្ក្រាបរថយន្តទាំងពីរគ្រឿងដឹកឈើនោះកម្លាំងសមត្ថកិច្ចបានធ្វើឡើងនៅវេលាម៉ោង០០នាទីយប់ ថ្ងៃទី៣ ខែកុម្ភៈ ឆ្នាំ២០២៤នៅត្រង់ចំណុចទីរួមស្រុកសង្គមថ្មី ខេត្តព្រះវិហារ ។
រថយន្តដែលបង្ក្រាបបានទី១.ម៉ាក់ហ្វត ចង្កូតស្តាំមួយគ្រឿងដឹកឈើលេខមួយប្រភេទឈើឈ្លីក និងទី២រថយន្តម៉ាកស៊ីណាដែលបើកបិទគូទដេញតាមក្រោយ ។
សមត្ថកិច្ចបង្ក្រាបបានឃើញមានដឹកឈើឈ្លីកចំនួន១៣ដុំ ស្មើជិត២ម៉ែត្រគូបបែលបើកបរឆ្លងកាត់ប៉ុស្តិ៍ត្រួតពិនិត្យហើយបានបុកបារ៉ាសដើម្បីគេចពីសមត្ថកិច្ច តែគេចមិនរួចក៏ត្រូវកម្លាំងចាប់បាន ។
សមត្ថកិច្ចបានសហការជំនាញជុំវិញខេត្តយកចិត្តទុកដាក់បង្ក្រាបរថយន្តដឹកឈើខុសច្បាប់ចេញពីស្រុកឆែបឆ្លងកាត់ស្រុកជ័យសែនស្រុករៀង ហើយក៏ត្រូវកម្លាំងដេញតាមប្រផាត់ប្រភីងដល់ស្រុកសង្គមថ្មីទើបស្ទាក់ចាប់បានតែម្តង ។
ក្រោយមកសមត្ថកិច្ចឃាត់ខ្លួនបាន៣នាក់ ទី១.ឈ្មោះ ឱន ទែ ភេទប្រុស អាយុ៣៣ឆ្នាំ រស់នៅឃុំក្រយា ។ ទី២.ឈ្មោះ នី ណាក់ ភេទប្រុស អាយុ៣៧ឆ្នាំ រស់នៅភូមិសាក្រៀម ស្រុកប្រាសាទបាល័ង្គ ខេត្តកំពង់ធំ និងទី៣ ឈ្មោះ ស៊ុន សុផល ភេទស្រី អាយុ៣៧ឆ្នាំ រស់នៅភូមិស្វាយដង្គុំ ខេត្តសៀមរាប ។
ជនសង្ស័យទាំង៣នាក់ត្រូវសមត្ថកិច្ចឃាត់ខ្លួនសាងសុំណុំរឿងបញ្ជូនទៅសាលាដំបូងខេត្ត ឯវត្ថុតាងមានរថយន្តចំនួន២គ្រឿងរួមទាំងឈើលេខ១ចំនួន១៣ដុំត្រូវប្រគល់ឲ្យផ្នែកសង្កាត់រដ្ឋបាលព្រៃឈើត្បែងមានជ័យចាត់ការបន្តតាមនីតិវិធីស្តីពីច្បាប់ព្រៃឈើ ៕
ចែករំលែកព័តមាននេះ