របបរបស់លោកប្រធានាធិបតីបាចារ អែល អាសាដ បានបន្តបង្ក្រាបដោយការបង្ហូរឈាមនូវការតវ៉ា ។ ទីក្រុងជាច្រើនត្រូវឡោមព័ទ្ធដោយរថក្រោះរបស់កងទ័ព ។
កាលពីថ្ងៃទី២៩ ឧសភា ជនស៊ីវិល៧នាក់ ក្នុងនោះមានក្មេងស្រីម្នាក់បានត្រូវស្លា.ប់ហើយ១០០នាក់ទៀតត្រូវរបួស ដោយសារការបា.ញ់ប្រហាររបស់កងកម្លាំងសន្តិសុខ ក្នុងតំបន់ HOMS ភាគកណ្តាលប្រទេសដែលនៅទីនោះទីក្រុងជាច្រើនត្រូវឡោមព័ទ្ធដោយកង ទ័ព ។
របបរបស់លោកប្រធានាធិបតីបាចារ អែល អាសាដ បានបន្តបង្ក្រាបដោយការបង្ហូរឈាមនូវការតវ៉ា ។ ទីក្រុងជាច្រើនត្រូវឡោមព័ទ្ធដោយរថក្រោះរបស់កងទ័ព ។
កាលពីថ្ងៃទី២៩ ឧសភា ជនស៊ីវិល៧នាក់ ក្នុងនោះមានក្មេងស្រីម្នាក់បានត្រូវស្លាប់ហើយ១០០នាក់ទៀតត្រូវរបួសដោយសារការបាញ់ប្រហាររបស់កងកម្លាំងសន្តិសុខ ក្នុងតំបន់ HOMS ភាគកណ្តាលប្រទេសដែលនៅទីនោះទីក្រុងជាច្រើនត្រូវឡោមព័ទ្ធដោយកងទ័ព ។ ប្រឈមមុខនឹងចលនាតវ៉ាយ៉ាងខ្លាំងពុំធ្លាប់មានពីមុនមកប្រឆាំងរបបលោកបាចារ អែលអាសាដ រដ្ឋអំណាចរយៈពេលប៉ុន្មានសបា្តហ៍ចុងក្រោយនេះបានបញ្ជូនរថក្រោះទៅកាន់ទីក្រុងទាំងឡាយរបស់ប្រទេសពិសេសទីក្រុង TALL KALAKH (១៥០គ.មភាគពាយ័ព្យក្រុងដាម៉ាស់) ទីក្រុង HOMS (ភាគកណ្តាល) ក្រុង BANIAS (ភាគពាយ័ព្យ) និងក្រុង DERAA (ភាគខាងត្បូង) ដែលជាកន្លែងប្រភពនៃការបះបោរ ។
កាលពីព្រឹកព្រលឹមថ្ងៃទី២៩ ឧសភា រថក្រោះជាច្រើនសិបគ្រឿងបានឡោមព័ទ្ធភូមិ RASTAN និងភូមិ TALBISSEH ព្រមទាំង ភូមិ TEIR MAALEH ស្ថិតនៅចន្លោះទីក្រុង HOMS និងហាម៉ា ។ យោងតាមសកម្មជនសិទ្ធិមនុស្សថា ជនស៊ីវិល៧នាក់បានត្រូវស្លាប់ដោយសារការបាញ់ប្រហាររបស់កងកម្លាំងសន្តិសុខគឺ ២នាក់ នៅភូមិ RASTAN ៤នាក់នៅភូមិ TALBISSEH និងម្នាក់នៅភូមិជិតខាងមួយ ។ អ្នករបួសជាង១០០នាក់ត្រូវបានបញ្ជូនទៅបណ្តាមន្ទីរពេទ្យជាតិ និងយោធានៅទីក្រុង HOMS ជាទីក្រុងធំទី៣របស់ស៊ីរី ស្ថិតនៅចម្ងាយ ១៦០ គ.មខាងជើងក្រុងដាម៉ាស់ ៕
ចែករំលែកព័តមាននេះ