រាជធានីភ្នំពេញ ៖ ក្រុមចោរគាស់ផ្ទះចំនួន៤នាក់ ដែលមានអាវុធ ហើយគាស់តែផ្ទះអ្នកមាន កាលពីព្រឹកថ្ងៃទី២៩ ឧសភា សមត្ថកិច្ចការិយាល័យស៊ើបការណ៍នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃចាប់បញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។ ក្រុមជនសង្ស័យ ជាចោរគាស់ផ្ទះមានអាវុធទាំង៤នាក់នេះ
រាជធានីភ្នំពេញ ៖ ក្រុមចោរគាស់ផ្ទះចំនួន៤នាក់ ដែលមានអាវុធ ហើយគាស់តែផ្ទះអ្នកមាន កាលពីព្រឹកថ្ងៃទី២៩ ឧសភា សមត្ថកិច្ចការិយាល័យស៊ើបការណ៍នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃចាប់បញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។
ក្រុមជនសង្ស័យ ជាចោរគាស់ផ្ទះមានអាវុធទាំង៤នាក់នេះ ១-ឈ្មោះសំ សម្បត្តិ ហៅខ្វែក ភេទប្រុស អាយុ២៨ឆ្នាំ ស្នាក់នៅភូមិត្នោតជ្រុំ៥ សង្កាត់បឹងទំពុន ខណ្ឌមានជ័យ ២-ឈ្មោះសំ សីហា ហៅទ្រីត ភេទប្រុស អាយុ២៩ឆ្នាំ ស្នាក់នៅភូមិត្នោតជ្រុំ៥ សង្កាត់បឹងទំពុន ខណ្ឌមានជ័យ ៣-ឈ្មោះហ៊ួយ ឌី ភេទប្រុស អាយុ២៥ឆ្នាំ ស្រុកកំណើតនៅត្បូងឃ្មុំ ខេត្តកំពង់ចាម ស្នាក់នៅផ្ទះជួល ផ្លូវវេងស្រេង សង្កាត់ស្ទឹងមានជ័យ ខណ្ឌមានជ័យ និង៤-ឈ្មោះជា សម្បត្តិ ហៅជា សុភា ភេទប្រុស អាយុ២៣ឆ្នាំ នៅភូមិខ្វា សង្កាត់ដង្កោ ខណ្ឌដង្កោ ។
តាមព័ត៌មានពីលោកវរសេនីយ៍ឯកង៉េង ជួ អនុប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ បានឱ្យដឹងថា នេះជាករណីបង្ក្រាបបទល្មើសធ្វើឡើងដោយការស្រាវជ្រាវបានជាអះអាងយ៉ាងដូច្នេះ កាលពីថ្ងៃទី២៥ ឧសភា កម្លាំងជំនាញដែលដឹកនាំដោយលោកវរសេនីយ៍ត្រីឡោ សុខា អនុប្រធានការិយាល័យស៊ើបការណ៍ បានស៊ើបអង្កេត និងស្រាវជ្រាវឃាត់ខ្លួន ក្រុមនេះចំនួន៤នាក់ ដែលជាអ្នកប្រព្រឹត្តបទល្មើសគាស់ផ្ទះប្រដាប់ដោយអាវុធ និងអ្នកទទួលទិញផលពីចោរកម្មនោះផង ។
លោកវរសេនីយ៍ឯកង៉េង ជួ បន្តថា លទ្ធផលដែលឈានទៅដល់ការបង្ក្រាបក្រុមគាស់ផ្ទះនេះ ក៏មានការណែនាំពីលោកឧត្តមសេនីយ៍ទោអ៊ិន បូរ៉ា ប្រធាននាយកដ្ឋាននគរបាលព្រហ្មទណ្ឌក្រសួង និងមានការចូលរួមពីសំណាក់ស្ថាប័នអយ្យការផងដែរ ។ ដោយសារកិច្ចការមានភាពរលូនទាំងថ្នាក់នាយកដ្ឋាន ទាំងការិយាល័យ និងមន្ត្រីជំនាញបានជាសម្រេចលទ្ធផលជោគជ័យនេះ ។ លោកង៉េង ជួ បន្តទៀតថា ប៉ុណ្ណេះយើងមិនទាន់គ្រប់គ្រាន់នូវអ្វីហៅថា បទល្មើសដែលត្រូវលុបបំបាត់ទាំងស្រុងនោះទេ ប៉ុន្តែយើងក៏អាចជួយរួមចំណែកកាត់បន្ថយបទល្មើសឧក្រិដ្ឋបានមួយចំនួនដែរ ព្រោះក្រុមនេះនៅសេសសល់បក្សពួកជាច្រើនទៀត ព្រមទាំងអាវុធផងដែលកំពុងលាក់ទុក ។ លោកង៉េង ជួ ចាត់ទុកថា ក្រុមនេះជាចោរគាស់ផ្ទះប្រដាប់ដោយអាវុធ និងគាស់តែផ្ទះអ្នកមានស្តុកស្ថម្ភ ជាពិសេសផ្ទះមន្ត្រីជាន់ខ្ពស់។ ក្រោយពីឃាត់ខ្លួន សមត្ថកិច្ចរបស់លោកដកហូតបានវត្ថុតាងមួយចំនួនរួមមាន ម៉ូតូ១គ្រឿង កុំព្យូទ័រយួរដៃ១គ្រឿង ហ្វ្លាសសម្រាប់ដាក់អត្ថបទ និងរូបភាព១គ្រឿង ហាតឌីស១គ្រឿង ម៉ាស៊ីនថតចម្លង១គ្រឿង ទូរទស្សន៍៤គ្រឿង និងសម្ភារ-ឧបករណ៍មួយចំនួនទៀត ។
វត្ថុតាង និងជនសង្ស័យត្រូវបានរៀបចំកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់។ ដោយយោងទៅលើពាក្យបណ្តឹងរបស់ជនរងគ្រោះ២នាក់ផង ម្នាក់ឈ្មោះសូ សាវឿន និងម្នាក់ឈ្មោះឡុង ស៊ីលេត ដែលទទួលរងនូវសកម្មភាពពីក្រុមខាងលើនោះគាស់ផ្ទះរបស់ពួកគាត់ ៕
ចែករំលែកព័តមាននេះ