ខេត្តកណ្តាល ៖ បុរសម្នាក់ត្រូវកងរាជអាវុធហត្ថស្រុកស្អាងចាប់ខ្លួនកាលពីព្រឹកថ្ងៃទី២៨ ខែឧសភា ពីបទយកកាំបិតផ្គាក់ទៅលបកា.ប់បុរសម្នាក់ចំនួនពីរកាំបិតបណ្តាលឱ្យរងរបួសធ្ងន់កាលពីម៉ោង៩យប់ ថ្ងៃទី២៧ ឧសភា នៅក្បែរផ្ទះជនរងគ្រោះស្ថិតនៅភូមិចុងកោះ ឃុំកោះអន្លង់ចិន ស្រុកស្អាង។ លោកអ៊ូ ផល្លី មេបញ្ជាការកងរាជអាវុធហត្ថស្រុកស្អាងឱ្យដឹងថា
ខេត្តកណ្តាល ៖ បុរសម្នាក់ត្រូវកងរាជអាវុធហត្ថស្រុកស្អាងចាប់ខ្លួនកាលពីព្រឹកថ្ងៃទី២៨ ខែឧសភា ពីបទយកកាំបិតផ្គាក់ទៅលបកាប់បុរសម្នាក់ចំនួនពីរកាំបិតបណ្តាលឱ្យរងរបួសធ្ងន់កាលពីម៉ោង៩យប់ ថ្ងៃទី២៧ ឧសភា នៅក្បែរផ្ទះជនរងគ្រោះស្ថិតនៅភូមិចុងកោះ ឃុំកោះអន្លង់ចិន ស្រុកស្អាង។
លោកអ៊ូ ផល្លី មេបញ្ជាការកងរាជអាវុធហត្ថស្រុកស្អាងឱ្យដឹងថា ជនសង្ស័យឈ្មោះចាប វុទ្ធី អាយុ២៩ឆ្នាំ ចំណែកជនរងគ្រោះឈ្មោះភាព សុភ័ក្រ អាយុ២៦ឆ្នាំ រស់នៅភូមិចុងកោះជាមួយគ្នា។ កាលពីយប់ថ្ងៃទី២៧ ខែឧសភា ឈ្មោះចាប វុទ្ធី យកកាំបិតផ្គាក់ទៅពួនសំងំនៅក្បែរផ្ទះរបស់ភាព សុភ័ក្រ លុះពេលឃើញដើរចេញពីក្នុងផ្ទះក៏កាប់ត្រង់ថ្ងាសមួយកាំបិត និងចំម្រាមដៃមួយ កាំបិតបណ្តាលឱ្យរងរបួសធ្ងន់ធ្ងរ។ ជនរងគ្រោះត្រូវគេបញ្ជូនទៅសង្គ្រោះនៅមន្ទីរពេទ្យ ។
ប្រភពដដែលបន្តថា ព្រឹកថ្ងៃទី២៨ ខែឧសភា កងរាជអាវុធហត្ថស្រុកស្អាងបានចាប់ខ្លួនឈ្មោះចាប វុទ្ធី តាមពាក្យបណ្តឹងរបស់ជនរងគ្រោះ។ ជនជាប់ចោទសារភាពថា គេលួចកាប់ឈ្មោះភាព សុភ័ក្រ ព្រោះតែខឹងលួចម៉ូតូគុបរបស់គេយកទៅលក់ កាលពី៥ទៅ៦ខែមុន។ រឿងនេះគេបានដាក់ពាក្យបណ្តឹងទៅប៉ូលិសស្រុកស្អាង ហើយប៉ូលិសបញ្ជូនសំណុំរឿងដល់ដៃ តុលាការ ។
ក្រោយមកតុលាការបានកោះហៅរូបគេឱ្យចូលបំភ្លឺ និងទារប្រាក់ចំនួន៣០០ដុល្លារដើម្បីដោះស្រាយពាក្យបណ្តឹងនេះ។ ដោយសារតែរូបគេខឹងតុលាការមិនព្រមរកយុត្តិធម៌ឱ្យ ទុកឱ្យឈ្មោះភាព សុភ័ក្រ ជាអ្នកលួចម៉ូតូរបស់គេរួចខ្លួននោះ ទើបរូបគេលួចកាប់តែម្តង។ រឿងតុលាការទារលុយដើម្បីដោះស្រាយរឿងក្តីនោះគ្រាន់តែជាការចោទប្រកាន់របស់ឈ្មោះចាប វុទ្ធី ប៉ុណ្ណោះយើងមិនហ៊ានអះអាងថា ជាការពិត ឬយ៉ាងណាទេ៕
ចែករំលែកព័តមាននេះ