សួនកំណាព្យ
– កើតជាមនុស្ស រស់ក្នុងលោក មានយសមានភោគ មិនដូចគ្នា
មានក្រសុខទុក្ខ រងវេទនា មានពៀរវេរា តាមកម្មខ្លួន ។
-កើតមានសង្ខា ត្រូវប្រឹងគិត ត្រិះរិះពិនិត្យ ឱ្យសមសួន
ចេះពិចារណា បានមាំមួន រក្សាចិត្តស្ងួន ឱ្យប្រពៃ ។
-កើតចិត្តធ្វើល្អ បវរពិត ចូរខំប្រព្រឹត្ត ទាំងយប់ថ្ងៃ
ចិត្តល្អ ធ្វើល្អ កើតសួស្តី ផុតទុក្ខចង្រៃ ក្នុងសន្តាន ។
-កើតធ្វើអាក្រក់ នៅក្នុងចិត្ត គេមិនដឹងពិត តែរំខាន
នាំចិត្តសៅហ្មង ពេញក្នុងប្រាណ ទុក្ខមានប៉ុន្មាន នៅមិនស្ងប់ ។
-ខ្លាចគេដឹងឮ រិតតែព្រួយ ពុំមានអ្វីជួយ ដឹងគេស្អប់
កេរ្តិ៍ឈ្មោះមិនល្អ ទោះកាយកប់ គង់តែត្រឡប់ ក្លិនអាស្រូវ ។
ចែករំលែកព័តមាននេះ