រាជធានីភ្នំពេញ ៖ ក្រោយពីភោជនីយដ្ឋានមួយកន្លែង បានបង្កការរំខានដល់អ្នកជិតខាង ក៏ត្រូវបានកម្លាំងប៉ុស្តិ៍ សហការជាមួយគណៈបញ្ជាការឯកភាពសង្កាត់នាំគ្នាចុះត្រួតពិនិត្យ និងណែនាំឱ្យត្រូវចេះរក្សាសណ្តាប់ធ្នាប់ និងមានរបៀបរៀបរៀប ។ ជាក់ស្តែង…
រាជធានីភ្នំពេញ ៖ ក្រោយពីភោជនីយដ្ឋានមួយកន្លែង បានបង្កការរំខានដល់អ្នកជិតខាង ក៏ត្រូវបានកម្លាំងប៉ុស្តិ៍ សហការជាមួយគណៈបញ្ជាការឯកភាពសង្កាត់នាំគ្នាចុះត្រួតពិនិត្យ និងណែនាំឱ្យត្រូវចេះរក្សាសណ្តាប់ធ្នាប់ និងមានរបៀបរៀបរៀប ។
ជាក់ស្តែង យោងតាមផេកស្នងការដ្ឋាននគរបាលរាជធានីភ្នំពេញបានឱ្យដឹងថា កាលពីយប់ថ្ងៃទី២៨ ខែមករា ឆ្នាំ២០២៤ កម្លាំងប៉ុស្តិ៍នគរបាលរដ្ឋបាលបឹងកក់ទី១ សហការជាមួយគណៈបញ្ជាការឯកភាពសង្កាត់ បានចុះត្រួតពិនិត្យរដ្ឋបាលនៅភោជនីយដ្ឋានមួយកន្លែងឈ្មោះ «កៅលុន» មានផ្ទះលេខ១៤ ផ្លូវលេខ៣១៥ ភូមិ៩ សង្កាត់បឹងកក់ទី១ ខណ្ឌទួលគោក ដែលបានចាក់ភ្លេងតន្ត្រីបង្កសម្លេងរំខាន ។
ជាមួយគ្នានេះដែរ កម្លាំងចំរុះបានធ្វើការណែនាំម្ចាស់ភោជនីយដ្ឋានឱ្យបញ្ឈប់ការបង្ករសំឡេង
រំខានដល់អ្នកជិតខាង និងរក្សាសណ្តាប់ធ្នាប់ មិនត្រូវចតរថយន្តគ្រប់ប្រភេទនៅលើចិញ្ចើមផ្លូវ ដែលធ្វើឱ្យបាត់បង់សណ្តាប់ធ្នាប់សាធារណៈ និងកកស្ទះចរាចរណ៍ផងដែរ ។
ចែករំលែកព័តមាននេះ