ល្បែ.ងស៊ីសងតាមប្រព័ន្ធ Online គ្រប់ប្រភេទ ដែលសមត្ថកិច្ច និងអាជ្ញាធរមូលដ្ឋាន កំពុងអនុញ្ញាតឱ្យបើកលេងនៅតាមបណ្តាស្រុក ក្នុងខេត្តព្រះវិហារ យ៉ាងអនាធិបតេយ្យខ្លាំងណាស់
ខេត្តព្រះវិហារ ៖ ល្បែ.ងស៊ីសងតាមប្រព័ន្ធ Online គ្រប់ប្រភេទ ដែលសមត្ថកិច្ច និងអាជ្ញាធរមូលដ្ឋាន កំពុងអនុញ្ញាតឱ្យបើកលេងនៅតាមបណ្តាស្រុក ក្នុងខេត្តព្រះវិហារ យ៉ាងអនាធិបតេយ្យខ្លាំងណាស់។
ការបើកល្បែ.ងស៊ីសងតាមប្រព័ន្ធ Online គ្រប់ប្រភេទទាំងនេះហើយ ដែលនាំឱ្យប្រជាពលរដ្ឋមានការព្រួយបារម្ភអំពីករណីចោ.រក.ម្ម និងអំពើហិ.ង្សាក្នុងគ្រួសារ ព្រមទាំងបទល្មើសផ្សេងៗទៀត ដែលកើតមានឡើង។
ប្រជាពលរដ្ឋ នាំគ្នាលើកឡើងថា «ស្ទើរគ្រប់ទីតាំងទៅហើយ ដែលមានល្បែ.ងស៊ីសងតាមប្រព័ន្ធ Online នោះ ប្រហែលជាមានខ្សែខ្នងបង្អែកមានបុណ្យស័ក្តិធំនៅចាំកាងពីក្រោយហើយ ទើបគេហ៊ានឱ្យបើកលេងពេញទូទាំងខេត្តបែបនេះ»។
ប្រភពដដែលបន្តទៀតថា «នៅតាមទីតាំងមួយចំនួន ដែលកំពុងតែប្រមូលផ្តុំគ្នាលេងហ៊ោកញ្ជ្រៀវយ៉ាងអ៊ូអរបំផុត ដូចជានៅទីប្រជុំជន, ចំណតរថយន្តក្រុងព្រះវិហារ, ទីតាំងហាងកាហ្វេ ស្ថិតនៅភូមិពោធិ៍ ស្រុកត្បែងមានជ័យ, ផ្សារស្រុកគូលែន និងផ្សារស្រយ៉ង់កោះកេរ្ដិ៍ ភូមិបេងកោង ឃុំព្រះឃ្លាំង ជាដើម។ល។»
បើតាមអ្នកលេងល្បែ.ងតាមប្រព័ន្ធ Online ទាំងនោះ បានបង្ហើបឱ្យដឹងថា «នៅតាមទីតាំងនីមួយៗដូចជា ក្នុងក្រុងព្រះវិហារគ្រប់គ្រងដោះស្រាយដោយលោក (រស្មី) ផងដែរ»។
បើតាមប្រភពពីប្រជាពលរដ្ឋរស់នៅក្បែរទីតាំងលេងល្បែ.ង Online ទាំងនោះ បានប្រាប់ឱ្យដឹងទៀតថា «តាមភូមិ-ស្រុកនានា នៅក្នុងខេត្តព្រះវិហារទាំងមូល កើតមានការបើកឱ្យលេងស្ទើរតែគ្រប់ភូមិទៅហើយ តាមភូមិសាស្ត្រទាំងនេះ»។
ចំណែកប្រភពពីសមត្ថកិច្ច ក៏បានបង្ហើបឱ្យដឹងដែរថា «ការបើកឱ្យលេងល្បែ.ងស៊ីសងតាម Online គ្រប់ប្រភេទទាំងអស់នោះ ក៏ធ្លាប់មានប្រជាពលរដ្ឋមកប្តឹងជាញឹកញាប់ផងដែរ ដើម្បីឱ្យជួយចុះបង្ក្រាប និងទប់ស្កាត់ ព្រោះសមាជិកគ្រួសារខ្លួនរងគ្រោះ ដោយសារចា.ញ់ល្បែ.ង ខាតបង់ការងារ រហូតកើតមានទំនាស់ក្នុងគ្រួសារ និងអំពើហិ.ង្សាជាដើម។ តែទោះបីជាយ៉ាងណា ក៏នៅតែមិនដែលឃើញមានសមត្ថកិច្ចចុះបង្ក្រាបទប់ស្កាត់នោះទេ»។
ការបើកលេងល្បែ.ងស៊ីសងតាមប្រព័ន្ធ Online នេះ មិនមានការចុះបង្ក្រាបពីសមត្ថកិច្ចឡើយ ពេលខ្លះពួកគាត់ក៏បានទូរស័ព្ទប្រាប់ទាំងមេប៉ុស្តិ៍ទៀតផង ក៏នៅតែគ្មានការទប់ស្កាត់ និងចុះបង្ក្រាបដដែល។ បើលោកស្នងការ និងលោកអធិការ មិនបង្ក្រាបបែបនេះ សង្ស័យផលប្រយោជន៍យ៉ាងពេញចិត្តទេដឹង… ហេ! ហេ!
បងប្អូនប្រជាពលរដ្ឋបង្ហាញការព្រួយបារម្ភយ៉ាងខ្លាំង នៅពេលដែលកើតមានការបើកឱ្យល្បែ.ងស៊ីសង និងជ.ល់មាន់តាមទូរទស្សន៍អនឡាញទាំងនេះ ដែលបង្កឱ្យមានអំពើហិ.ង្សាកើតឡើងក្នុងគ្រួសារ ក៏ដូចជាចោ.រក.ម្មផ្សេងៗ រួមមាន ៖ ចោ.រលួ.ច និងចោ.រប្ល.ន់ជាដើម។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ