ខេត្តស្វាយរៀង ៖ សមត្ថកិច្ចចុះបង្ក្រាបក្រុមចោរឆ.ក់ទូរស័ព្ទដៃ និងក្រុមចោរលួចកាច់សោម៉ូតូនៅក្រុងបាវិត ដោយឃាត់ខ្លួនបាន០៩នាក់រួមទាំងវត្ថុតាងមួយចំនួន ។ បើតាមសមត្ថកិច្ចនគរបាលក្រុងបាវិត បានឲ្យដឹងថា កាលពីថ្ងៃទី២១ និង២២…
ខេត្តស្វាយរៀង ៖ សមត្ថកិច្ចចុះបង្ក្រាបក្រុមចោរឆ.ក់ទូរស័ព្ទដៃ និងក្រុមចោរលួចកាច់សោម៉ូតូនៅក្រុងបាវិត ដោយឃាត់ខ្លួនបាន០៩នាក់រួមទាំងវត្ថុតាងមួយចំនួន ។
បើតាមសមត្ថកិច្ចនគរបាលក្រុងបាវិត បានឲ្យដឹងថា កាលពីថ្ងៃទី២១ និង២២ ខែមករា ឆ្នាំ ២០២៤ កម្លាំងជំនាញអធិការដ្ឋាននគរបាលក្រុងបាវិតសហការជាមួយកម្លាំងប៉ុស្តិ៍នគរបាលសង្កាត់បាវិតបានបង្ក្រាបករណីមុខសញ្ញាចោរឆក់ និងមុខសញ្ញាចោរកាច់សោម៉ូតូ យ៉ាងសកម្មនៅក្រុងបាវិតចំនួន០៩នាក់ រួមទាំងវត្ថុតាងមួយចំនួន។
ប្រភពបន្តថា ជនសង្ស័យទាំងពីក្រុមនេះតែងតែធ្វើសកម្មភាពឆក់ និងលួចកាច់សោម៉ូតូយ៉ាងសកម្មដែលសមត្ថកិច្ចយើងតាមប្រម៉ាញ់រហូតស្គាល់មុខសញ្ញាចុះបង្ក្រាបតែម្តង ។
ប្រភពបញ្ជាក់ទៀតថា ជនសង្ស័យ១ក្រុមមានគ្នាបួននាក់ គឺធ្វើសកម្មភាពឆក់ទូរស័ព្ទដៃ និងឆក់កាបូបលុយភ្ញៀវយ៉ាងសកម្មនៅក្រុងបាវិត ហើយត្រូវសមត្ថកិច្ចតាមប្រម៉ាញ់ស្រាវជ្រាវរហូតបង្ក្រាប និងឃាត់ខ្លួនបាន រួមទាំងវត្ថតាងមួយចំនួន ។
រីឯក្រុមជនសង្ស័យមួយក្រុមទៀត ធ្វើសកម្មភាពលួចកាច់សោម៉ូតូប្រជាពលរដ្ឋបានសម្រេចជាច្រើនលើកក៏សមត្ថកិច្ចតាមប្រមាញ់ស្រាវជ្រាវរហូតចាប់ឃាត់ខ្លួនបាន០៥នាក់ រួមទាំងវត្ថុតាងសម្ភារៈ កាច់សោ.ក ម៉ូតូមួយចំនួនផងដែរ ។
នៅមុខសមត្ថកិច្ចជនសង្ស័យបានឆ្លើយសារភាពថា ពួកខ្លួនពិតជាបានប្រព្រឹទ្ធដូចការចោទប្រកាន់របស់សមត្ថកិច្ចពិតប្រាកដមែន ។ បច្ចុប្បន្នជនសង្ស័យទាំង០៩ នាក់ ត្រូវបានសមត្ថកិច្ចយើងកសាងសំណុំរឿងបញ្ជូនទៅការិយាល័យជំនាញខេត្តចាត់ការបន្តតាមនីតិវិធី ។
បើតាមមន្ត្រីនគបាលការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្តស្វាយរៀង បានបញ្ជូនបន្តទៅសាលាដំបូងខេត្តចាត់ការតាមនីតិវិធីច្បាប់រួចហើយ ៕
ចែករំលែកព័តមាននេះ