តាមតុល្យការថ្មីមួយថា គិតត្រឹមថ្ងៃទី២៩ ឧសភា ចំនួនអ្នកស្លាប់ដោយសារខ្យល់ព្យុះកំបុតត្បូងនៅក្នុងទីក្រុង Joplin រដ្ឋមីស៊ូរី សហរដ្ឋអាមេរិក កើនឡើងដល់១៣៩នាក់ ហើយជាង១៥០នាក់ទៀតនៅបាត់ខ្លួននៅឡើយ ។ ពលរដ្ឋមូលដ្ឋាន និងអ្នកស្ម័គ្រចិត្តកំពុងតស៊ូដើម្បីធ្វើឱ្យទីក្រុងដែលរងការបំផ្លិចបំផ្លាញយ៉ាងធ្ងន់ធ្ងរនេះមានភាពល្អប្រសើរឡើងវិញ ។
មនុស្សជាង៩០០នាក់ទៀតបានរងរបួសដោយសារខ្យល់ព្យុះនេះ ដែលកើតឡើងក្នុងសហរដ្ឋអាមេរិកចាប់តាំងពីឆ្នាំ១៩៤៧មក ។ ខ្យល់ព្យុះកំបុតត្បូងនេះបានវាយបក់បោកលើទីក្រុង Joplin ភាគកណ្តាលអាមេរិក កាលពីសប្តាហ៍មុន ហើយបានបំផ្លាញផ្ទះសម្បែងជាច្រើនខ្នងផងដែរ ។
តាមសេចក្តីរាយការណ៍ថា ចំនួនអ្នកស្លាប់ដោយសារខ្យល់ព្យុះកំបុតត្បូងនេះនឹងកើនឡើងថែមទៀត ដោយសារអ្នករបួសមិនត្រូវបាននាំទៅជួយសង្គ្រោះនៅមន្ទីរពេទ្យទាន់ពេល ។ នៅថ្ងៃទី២៩ ឧសភា លោកប្រធានាធិបតីបារ៉ាក់ អូបាម៉ា បានអញ្ជើញទៅកាន់ទីក្រុង Joplin ដើម្បីពិនិត្យការខូចខាត ៕
ចែករំលែកព័តមាននេះ