ខេត្តបន្ទាយមានជ័យ ៖ ប្រធានមន្ទីររៀបចំដែនដីខេត្តបន្ទាយមានជ័យក្រសួងបានទុកពេលឱ្យ៥ថ្ងៃបន្តបំពេញបញ្ចប់កិច្ចការ ចំណែកអនុប្រធានមន្ទីរនិងប្រធានការិយាល័យសរុប៧រូប ត្រូវបានផ្លាស់ប្តូរភារកិច្ចនៅក្រសួងរួចរាល់ហើយ ។ ក្រោយមានការស្នើសុំដកប្រធានមន្ទីរក៏លិចឮថា នឹងត្រូវដកមន្ត្រីចំនួន៨នាក់ចេញ
គួររំលឹកថា កាលពីពេលកន្លងទៅ មន្ត្រីរាជការនៃមន្ទីររៀបចំដែនដី នគរូបនីយកម្មសំណង់ និងសុរិយោដីខេត្តបន្ទាយមានជ័យ បានផ្តិតមេដៃ និងធ្វើពាក្យស្នើសុំទៅក្រសួងជំនាញរឿងការងារក្នុងអង្គភាព ហើយក្រសួងបានអោយមន្ត្រីជំនាញចុះធ្វើអធិការកិច្ចចុះលើកទី១ និងស្រង់ព័ត៌មានត្រឡប់ទៅវិញ ។
ចំណែកឯការចុះលើកទី២ អន្តរក្រសួងបានជួបប្រជុំផ្ទៃក្នុងសម្រេចផ្លាស់ប្តូរភារកិច្ចថ្នាក់ដឹកនាំមន្ទីរចំនួន៨រូប ក្នុងមានប្រធាន១រូប, អនុប្រធានមន្ទី៥រូប និងប្រធានការិយាល័យ២រូបទៅក្រសួងដែនដី ។ ក្រសួងដែនដីបានបង្គាប់អោយលោក អាង ណារិទ្ធ ប្រធានមន្ទីររៀបចំដែនដី នគរូបនីយកម្មសំណង់ និងសុរិយោដីខេត្តបន្ទាយមានជ័យ ត្រូវបានផ្លាស់ប្តូរបម្រើការងារនៅក្រសួងដែនដី ដោយទុករយៈពេល៥ថ្ងៃគិតចាប់ពីថ្ងៃទី២២ ដល់២៦ មករា ឆ្នាំ២០២៤ បន្តបំពេញបញ្ចប់កិច្ចការនៅសេសសល់នៅមន្ទីរ ។
ចំពោះអនុប្រធានមន្ទីរ៥រូប និងប្រធានការិយាល័យ២រូប ត្រូវបានសម្រេចផ្លាស់ប្តូរកន្លែងបម្រើការងារនៅក្រសួងដែនដីមាន ១-លោក អឿ សុភ័ណ អនុប្រធានមន្ទីរមកបម្រើការងារនៅនាយកដ្ឋានកិច្ចការរដ្ឋបាល និងផែនការហិរញ្ញវត្ថុនៃមន្ទីរពិសោធន៍ជាតិសំណង់ ២-លោកឡុង វុធ អនុប្រធានមន្ទីរមកបម្រើការងារនៅនាយកដ្ឋានសំណង់នៃអគ្គនាយដ្ឋានសំណង់ ៣-លោកមួង វិបុល អនុប្រធានមន្ទីរមកបម្រើការងារនាយកដ្ឋានគ្រប់គ្រងដីធ្លីនៃអគ្គនាយកដ្ឋានសុរិយោដី និងភូមិសាស្គ្រ ៤.-លោក រ៉ូ បូរ៉ា អនុប្រធានមន្ទី មកបម្រើការងារនាយកដ្ឋានបច្ចេកទេសនៃនាយកដ្ឋានសុរិយោដីនិងភូមិសាស្គ្រ
៥-លោកស្រីជាធូ វឌ្ឍនា អនុប្រធានមន្ទីមកបម្រើការងារនាយកដ្ឋានអភិរក្សសុរិយោដីនៃអគ្គនាយកដ្ឋានសុរិយោដីនិងភូមិសាស្គ្រ ៦-លោក ហង្ស រិនឌី ប្រធានការិយាល័យនៃមន្ទីមកបម្រើនៅនាយកដ្ឋានកិច្ចការរដ្ឋបាលនិងផែនការហិរញ្ញវត្ថុនៃមន្ទីពិសោធន៍ជាតិសំណង់ ៧-លោកឡេង ម៉ារី ប្រធានការិយាល័យនៃមន្ទី មកបម្រើការងារនៅនាយកដ្ឋានកិច្ចការវិវាទដីធ្លីនៃនាយកដ្ឋានសុរិយោដីនិងភូមិសាស្ត្រ ។ សូមបញ្ជាក់ថា៖ រឿងរ៉ាវដែលមន្ត្រីនាំគ្នាផ្តិតមេដៃស្នើសុំក្រសួងឱ្យផ្លាស់ប្តូរប្រធានមន្ទីរចេញ
ចែករំលែកព័តមាននេះ