Ronaldo ថា ពានរង្វាន់កំពូលឯកត្តជនបាល់ទាត់បានបាត់បង់ភាពជឿជាក់ហើយ
អន្តរជាតិ ៖ កីឡាករ Cristiano Ronaldo បាននិយាយថា ពានរង្វាន់ឯកត្តជនរបស់កីឡាបាល់ទាត់
អន្តរជាតិ ៖ កីឡាករ Cristiano Ronaldo បាននិយាយថា ពានរង្វាន់ឯកត្តជនរបស់កីឡាបាល់ទាត់
អន្តរជាតិ ៖ កីឡាករ Cristiano Ronaldo បាននិយាយថា ពានរង្វាន់ឯកត្តជនរបស់កីឡាបាល់ទាត់លែងមានទម្ងន់ដូចមុន និងបាត់បង់ភាពជឿជាក់យ៉ាងខ្លាំងនៅពេលថ្មីៗនេះ។
ការលើកឡើងរបស់កំពូលខ្សែប្រយុទ្ធព័រទុយហ្គាល់ និងក្រុម Al Nassr រូបនេះកើតឡើងប៉ុន្មានថ្ងៃក្រោយពេលកីឡាករ Lionel Messi បានឈ្នះពានរង្វាន់ឯកត្តជនកីឡាករបាល់ទាត់ឆ្នើមប្រចាំឆ្នាំ ២០២៣ ឬ FIFA’s The Best កាលពីសប្តាហ៍មុន ហើយមនុស្សជាច្រើន ជាពិសេសអ្នកសេ្នហាវិស័យបាល់ទាត់មានការភ្ញាក់ផ្អើលដែលកំពូលខ្សែប្រយុទ្ធអាហ្សង់ទីនរូបនេះយកឈ្នះការបោះឆ្នោតលើខ្សែប្រយុទ្ធន័រវែស Erling Haaland ដែលឈ្នះពានរង្វាន់៣ក្នុង១រដូវកាលជាមួយ Manchester City រួមមាន English Premier League, FA Cup និង UEFA Champions League ។
ក្រៅពីឈ្នះ FIFA’s The Best កីឡាករ Lionel Messi ក៏បានឈ្នះពានរង្វាន់ FIFA Ballon d’Or ឆ្នាំ ២០២៣ ផងដែរ បន្ទាប់ពីជួយអាហ្សង់ទីនឈ្នះជើងឯក World Cup ឆ្នាំ ២០២២ ប៉ុន្តែការឈ្នះ FIFA’s The Best 2023 ត្រូវបានផ្តល់ជូនក្នុងរដូវកាលដែលមិនរាប់បញ្ចូលអំពីការឈ្នះ World Cup 2022 ។
Cristiano Ronaldo បានលើកឡើងបន្ទាប់ពីឈ្នះរង្វាន់ចំនួន៣នៅក្នុងកម្មវិធី Globe Soccer Awards កាលពីពេលថ្មីៗនេះ ដោយគេជឿថាក្នុងន័យថា Messi មិនសមឈ្នះពាន FIFA’s The Best 2023 នោះទេ ដោយប្រធានក្រុមជម្រើសជាតិព័រទុយហ្គាល់រូបនេះបាននិយាយថា «ខ្ញុំគិតថា ពានរង្វាន់នេះបាត់បង់ភាពជឿជាក់។ យើងត្រូវតែវិភាគរដូវកាលទាំងមូល។ វាមិនមែនមានន័យថា Messi មិនសមឈ្នះ ឬ Haaland ឬសូម្បីតែ Mbappe។ ប៉ុន្តែសម្រាប់ខ្ញុំគឺលែងជឿលើពាននេះទៀតហើយ។ វាមិនមែនដោយសារខ្ញុំឈ្នះពាននៅ Globe Soccer នោះទេ។ ប៉ុន្តែតួលេខគ្រាប់បាល់គឺមានពិត ហើយមិនបោកបញ្ឆោតនោះទេ។ ពួកគេមិនអាចយកពាននេះទៅណាឆ្ងាយពីខ្ញុំបានទេ ព្រោះវាជាការពិត។ ដូច្នេះវាកាន់តែធ្វើឱ្យខ្ញុំសប្បាយចិត្តជាងនេះទៅទៀត ព្រោះតួលេខគឺជាការពិត»។
Ronaldo បន្ថែមថា គាត់ទំនងជាមិនជាប់ឈ្មោះសម្រាប់ប្រជែងពានរង្វាន់ធំៗ នាពេលអនាគតនោះទេ ដោយសារតែកំពុងលេងនៅប្រទេសអារ៉ាប៊ីសាអូឌីត «ដូចដែលអ្នកបានឃើញហើយ ខ្ញុំបានស៊ុតបញ្ចូលទី៥៤គ្រាប់ក្នុងឆ្នាំ ២០២៣ តែប្រហែលជាមានអ្នកនិយាយថា ងាយស្រួលជាង ព្រោះខ្ញុំលេងនៅអារ៉ាប៊ីសាអូឌីត។ ប៉ុន្តែអ្នកជំនាញបាល់ទាត់ដឹងថា វាពិបាកក្នុងការរកគ្រាប់បាល់មិនថានៅអារ៉ាប៊ីសាអូឌីត ឬនៅអ៊ីតាលី អេស្ប៉ាញ ឬក៏ព័រទុយហ្គាល់។ ម្យ៉ាងវិញទៀត ខ្ញុំមានអារម្មណ៍ថាមានមោទនភាពជាងដែលបានយកឈ្នះចំនួនគ្រាប់បាល់របស់ Haaland, Mbappe និង Harry Kane»៕ (ប្រភព ៖ Daily Mail)
ចែករំលែកព័តមាននេះ