អ៊ុយក្រែនវា.យប្រហារនៅដូណេតស្ក៍ ស្លា.ប់យ៉ាងតិច២៥នាក់
សង្គ្រាមអ៊ុយក្រែន ៖ មនុស្សយ៉ាងតិច២៥នាក់បានត្រូវស្លា.ប់កាលពីថ្ងៃទី២១ មករា ដោយសារការ
សង្គ្រាមអ៊ុយក្រែន ៖ មនុស្សយ៉ាងតិច២៥នាក់បានត្រូវស្លា.ប់កាលពីថ្ងៃទី២១ មករា ដោយសារការវា.យប្រហារមួយរបស់អ៊ុយក្រែន លើផ្សារមួយនៅដូណេតស្ក៍។ នេះបើតាមការអះអាងរបស់អាជ្ញាធររុស្ស៊ី ។ ក្រុងដូណេតស្ក៍ជាទីក្រុងធំមួយនៅភាគខាងកើតអ៊ុយក្រែន ស្ថិតក្នុងតំបន់ដុនបាស់ចម្ងាយប្រមាណជា២០គីឡូម៉ែត្រពីខ្សែរណសិរ្ស និងស្ថិតក្រោមការត្រួតត្រារបស់ពួកបំបែកខ្លួនស្និទ្ធរុស្ស៊ីតាំងពីឆ្នាំ២០១៤មក រួចជាគោលដៅបាញ់ផ្លោងជាទៀងទាត់ពីសំណាក់កងទ័ពអ៊ុយក្រែន។
បណ្ដារូបភាពផ្សាយតាមបណ្ដាញសង្គមបង្ហាញសាកសពមនុស្សច្រើននាក់ តម្រៀបនៅលើដីនិងអំបែងកញ្ចក់រាយប៉ាយ។ អ្នកទទួលខុសត្រូវតំបន់នោះលោកដឺនីសពូជីលីនប្រកាសថា មនុស្សយ៉ាងតិច២៥នាក់ស្លាប់និង២០នាក់រងរបួស ក្នុងការវាយប្រហារដ៏សាហាវមកលើផ្សារនេះកាលពីថ្ងៃទី២១មករាពេលកំពុងមានមនុស្សច្រើនកុះករ ។ ក្នុងសេចក្ដីប្រកាសមួយក្រសួងការបរទេសរុស្សុីបានបរិហារចំពោះអំពើដឺសាហាវនោះរបស់របបណាហ្សុីអ៊ុយក្រែន គាំទ្រដោយអាមេរិកនិងបណ្ដាអាយ៉ង។
ដោយឡែកកងទ័ពរុស្សុីអះអាងកាលពីថ្ងៃទី២១មករាថា វាយយកបានមូលដ្ឋានតូចមួយក្នុងតំបន់ក្រុងខាគៀវភាគខាងកើតអ៊ុយក្រែន។ ចំណែកកងទ័ពអ៊ុយក្រែនវិញអះអាងថាមូលដ្ឋាននោះ ពុំមានសារសំខាន់ចំពោះផ្នែកយោធាឡើយ។
ទោះបីយ៉ាងណាការប្រកាសនោះរបស់កងទ័ពរុស្សុី បង្ហាញពីការបង្កើនការគាបសង្កត់ របស់កងកម្លាំងក្រុងមូស្គូលើខ្សែរណសិរ្សរយៈពេលប៉ុន្មានសប្ដាហ៍ចុងក្រោយនេះ។ កាលពីថ្ងៃទី១៨មករា រុស្សុីប្រកាសរួចហើយពីការវាយយកបានមូលដ្ឋានតូចមួយទៀត គឺមូលដ្ឋានវ៉ាសឺឡូអីុយេក្នុងតំបន់ដូណេតស្ក៍។
ក្រសួងការពារប្រទេសរុស្សុីនិយាយថា ភូមិក្រាក់ម៉ាល់ឡូអីុយេ ក្នុងតំបន់ក្រុងខាគៀវត្រូវបានវាយយកបាន ដោយប្រតិបត្តិការយ៉ាងសកម្មធ្វើឡើងប្រកបដោយជោគជ័យរបស់បណ្ដាកងឯកភាពនៃកងទ័ពភាគខាងលិចក្នុងតំបន់គូពីយ៉ាន់ស្ក៍៕
ចែករំលែកព័តមាននេះ