លោកពូទីន ថាចង់មកកាន់កូរ៉េខាងជើងនាពេលខាងមុខនេះ
ប្រទេសរុស្សុី-កូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើងKCNA រាយការណ៍នាថ្ងៃទី២១
ប្រទេសរុស្សុី-កូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើងKCNA រាយការណ៍នាថ្ងៃទី២១
ប្រទេសរុស្សុី-កូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើងKCNA រាយការណ៍នាថ្ងៃទី២១មករាថា ប្រធានាធិបតីរុស្សុីលោកវ្ល៉ាឌីមៀរពូទីន សម្ដែងពីបំណងមកកាន់ក្រុងព្យុងយ៉ាងនាពេលខាងមុខនេះ។
KCNA គូសបញ្ជាក់ថា លោកពូទីនបានថ្លែងអំណរគុណដល់មេដឹកនាំកូរ៉េខាងជើងលោកគីមជុងអ៊ុន ចំពោះការអញ្ជីញលោកក្នុងឱកាសកិច្ចសន្ទនារបស់លោកជាមួយរដ្ឋមន្ត្រីការបរទេសកូរ៉េខាងជើង លោកCHOE SON HUI ដែលមកកាន់រុស្សុីកាលពីសប្ដាហ៍មុន។ រុស្សុីក៏ថ្លែងអំណរគុណផងដែរដល់កូរ៉េខាងជើងដែលបានគាំទ្រនិងសម្ដែងសាមគ្គីភាពជាមួយខ្លួនក្នុងការធ្វើសង្គ្រាមជាមួយអ៊ុយក្រែន។ ម្យ៉ាងវិញទៀតប្រទេសទាំង២ សម្ដែងការព្រួយបារម្ភយ៉ាងខ្លាំង ចំពោះការបង្កហេតុរបស់សហរដ្ឋអាមេរិកនិងសម្ព័ន្ធមិត្ត ប្រឆាំងសិទ្ធិអធិបតេយ្យកូរ៉េខាងជើង និងបានព្រមព្រៀងគ្នារួមសហការក្នុងបណ្ដាកិច្ចការតំបន់។
ចំណែករដ្ឋមន្ត្រីការបរទេសកូរ៉េខាងជើងអះអាងថា ប្រទេសលោកត្រៀមទទួលប្រធានាធិបតីរុស្សុី។ បណ្ដាអ្នកទទួលខុសត្រូវជាន់ខ្ព្ស់រុស្សុី ក្នុងនោះមានរដ្ឋមន្ត្រីការពារប្រទេសលោកស័រហ្គេយឆយហ្គូ និងរដ្ឋមន្ត្រីការបរទេសរុស្សុីលោកស័រហ្គេយឡាវរ៉ូវ បានមកបំពេញទស្សនកិច្ចរួចហើយនៅកូរ៉េខាងជើងក្នុងឆ្នាំ២០២៣ ដែលនាំឲ្យពួកលោកខាងលិចភ័យខ្លាចចំពោះកិច្ចព្រមព្រៀងគ្រឿងសព្វាវុធមួយ រវាងប្រទេសទាំង២៕
ចែករំលែកព័តមាននេះ