ពលរដ្ឋអ៊ីស្រាអែលច្រើនពាន់នាក់ ទាមទារឱ្យនាយករដ្ឋមន្ត្រីលាលែង
ប្រទេសអីុស្រាអែល ៖ ពលរដ្ឋអីុស្រាអែលច្រើនពាន់នាក់ កាលពីថ្ងៃទី២០ មករា បាននាំគ្នាធ្វើ
ប្រទេសអីុស្រាអែល ៖ ពលរដ្ឋអីុស្រាអែលច្រើនពាន់នាក់ កាលពីថ្ងៃទី២០ មករា បាននាំគ្នាធ្វើ
ប្រទេសអីុស្រាអែល ៖ ពលរដ្ឋអីុស្រាអែលច្រើនពាន់នាក់ កាលពីថ្ងៃទី២០ មករា បាននាំគ្នាធ្វើបាតុកម្មនៅក្រុងតែលអាវីវ ទាមទារឲ្យមានការវិលត្រឡប់វិញនៃចំណាប់ខ្មាំងដែលពួកហាម៉ាស់ចាប់តាំងពីថ្ងៃទី៧តុលាមក និងទាមទាឲ្យនាយករដ្ឋមន្ត្រីលោកបេនចាមីននេតាន់យ៉ាហ៊ូចាកចេញពីតំណែង ដោយចោទប្រកាន់ជាពិសេសថា កំពុងបន្តសង្គ្រាមដើម្បីអាចកាន់អំណាចបន្តទៀត។
ពួកបាតុករបានលើកគ្នាហែក្បួននៅទីលានហាប៊ីម៉ា ដោយមួយចំនួនលើកប៉ង់កាតដែលបរិហារលោកនេតាន់យ៉ាហ៊ូជាមួយការសរសេរពាក្យថាមនុស្សអាក្រក់ និងទាមទារឲ្យមានការបោះឆ្នោតនាពេលនេះ។
លោកនេតាន់យ៉ាហ៊ូកំពុងរងការគាបសង្កត់ ដើម្បីឲ្យទទួលបានការវិល្រឡប់របស់ចំណាប់ខ្មាំង ដែលកំពុងជាប់នៅជ្រោយហ្គាហ្សាកន្លែងដែលអីុស្រាអែលកំពុងធ្វើសង្ក្រាមយ៉ាងសាហាវបំផុតជាមួយពួកហាម៉ាស់ប៉ាឡេស្ទីន។
ក្នុងចំណោមចំណាប់ខ្មាំងទាំងប្រមាណជា២៥០នាក់ ១០០នាក់ត្រូវបានដោះលែងពេលមានបទឈប់បាញ់គ្នាមួយ កាលពីដំណាច់ខែវិច្ឆិកា ហើយចំណាប់ខ្មាំង១៣២នាក់ទៀតកំពុងជាប់នៅហ្គាហ្សា។ ក្នុងចំណោមអ្នកទាំងនេះ២៧នាក់ស្លាប់ ដោយពុំមានការប្រគល់សាកសពឡើយ។ ការវាយប្រហាររបស់ពួកហាម៉ាស់ថ្ងៃទី៧តុលាលើដែនដីអីុស្រាអែលបណ្ដាលឲ្យមនុ្សស្លាប់នៅទីនោះ១១៤០នាក់។ ចំណែកក្រសួងសុខាភិបាលហាម៉ាស់និយាយថា មកដល់ពេលនេះការវាយលុករបស់អីុស្រាអែលលើជ្រោយហ្គាហ្សាបណ្ដាលឲ្យជនប៉ាឡេស្ទីនស្លាប់ ឡើងដល់ជិត២៥.០០០នាក់ហើយ៕
ចែករំលែកព័តមាននេះ