ភ្លៀងធ្លាក់ខ្លាំងរដូវរងា និងព្យុះព្រិលនៅអាមេរិកស្លា.ប់យ៉ាងតិច៥០នាក់
សហរដ្ឋអាមេរិក ៖ អាជ្ញាធរមូលដ្នាននិងបណ្ដាកាសែតក្នុងស្រុករាយការណ៍កាលពីថ្ងៃទី១៩មករាថា
សហរដ្ឋអាមេរិក ៖ អាជ្ញាធរមូលដ្នាននិងបណ្ដាកាសែតក្នុងស្រុករាយការណ៍កាលពីថ្ងៃទី១៩មករាថា មនុស្សយ៉ាងតិច៥០នាក់បានត្រូវស្លាប់ កាលពីសប្ដាហ៍កន្លងទៅដោយសារភ្លៀងធ្លាក់ខ្លាំងនារដូវរងានៅសហរដ្ឋអាមេរិក។
ភ្លៀងធ្លាក់ខ្លាំងរួមជាមួយព្រិលនិងព្យុះព្រិលធ្វើឲ្យផ្លូវថ្នល់នានារអិលគ្រោះថ្នាក់ខ្លាំងបំផុត។ ការដឹកជញ្ជូនតាមអាកាសត្រូវស្ទះ បណ្ដាសាលារៀនត្រូវបិទទ្វារហើយមនុស្សច្រើនគ្រួសារគ្មានភ្លើងអគ្គិសនីប្រើ។ ពលរដ្ឋអាមេរិកច្រើនលាននាក់រងការប៉ះពាល់ ដោយសារការប្រកាសអាសន្នឧតុនិយម។ ក្នុងរដ្ឋតេននេសីុក្រសួងសុខាភិបាលរៀបរាប់ពីមនុស្សស្លាប់១៤នាក់ មកពីលក្ខខណ្ឌឧតុនិយមអាក្រក់។
នៅរដ្ឋផេនសីុលវេនៀនារី៥នាក់ស្លាប់ ដោយសារគ្រោះថ្នាក់ចរាចរណ៍តាមផ្លូវរអិលមួយ។ នៅរដ្ឋកេនទុកគីមានអ្នកស្លាប់៥នាក់ដោយធាតុអាកាសអាក្រក់ខ្លាំង ។ នៅរដ្ឋអូរីហ្គោនមានមនុស្សស្លាប់៣នាក់ ដោយសារភ្លើងឆក់មកពីខ្សែភ្លើងដាច់ធ្លាក់លើរថយន្តពួកគេ ពេលកំពុងមានព្យុះព្រិល។ បណ្ដាមនុស្សស្លាប់ក៏ត្រូវបានរាយការណ៍នៅរដ្ឋអីុលីណយ កាន់សាស់ រដ្ឋញូវហាមភៀ វីស្កុនសីុននិងញូវយ៉ក៕
ចែករំលែកព័តមាននេះ