មេឃុំរហាត់ទឹក ៖ គ្មានទឹកបញ្ចូលស្រូវប្រាំង៣០០ហិកតា និងខូចខាតអស់១០០ហិកតាទាំងស្រុង(វីដេអូ)
- បន្ទាយមានជ័យ
ខេត្តបន្ទាយមានជ័យ ៖ មេឃុំរហាត់ទឹកបានឱ្យដឹងថា គ្មានទឹកបញ្ចូលស្រូវប្រាំង៣០០ហិកតា ក្នុង
ខេត្តបន្ទាយមានជ័យ ៖ មេឃុំរហាត់ទឹកបានឱ្យដឹងថា គ្មានទឹកបញ្ចូលស្រូវប្រាំង៣០០ហិកតា ក្នុង
ខេត្តបន្ទាយមានជ័យ ៖ មេឃុំរហាត់ទឹកបានឱ្យដឹងថា គ្មានទឹកបញ្ចូលស្រូវប្រាំង៣០០ហិកតា ក្នុងនោះមាន២០០ហិកតាអាចទទួលផលបាន៦០ភាគរយ និង១០០ហិកតា ខូចខាតអស់ទាំងស្រុង នៅចំណុចវាលខាងលិចភូមិព្រែកសំរោង ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។
លោក ហោរ៍ សំណាង មេឃុំរហាត់ទឹក បានឱ្យដឹងកាលពីថ្ងៃទី២០ ខែមករា ឆ្នាំ២០២៤ ម្សិលមិញនេះថាក្រោយទទួលព័ត៌មានថា ទឹកដែលបើកទម្លាក់ពីសំណង់បរវេលស្រុកបវេល ខេត្តបាត់ដំបង បើកបាន២ថ្ងៃ ទឹកមិនទាន់ដល់ស្ទឹងរហាត់ទឹកផង ត្រូវបានអ្នកនៅខាងលើមានឃុំសឿ និងឃុំចំណោមបូមយកអស់ ពេលនេះត្រូវបានបិទសំណង់បង្វែរទឹកទៅស្រុកថ្មគោល ខេត្តបាត់ដំបងវិញ ។
លោកបានបញ្ជាក់ថា ក្រោយទទួលព័ត៌មានបានដឹងភ្លាម ពិតជាខកចិត្តយ៉ាងខ្លាំង ទាំងលោក និងប្រជាកសិករដែលបង្កបង្កើផលស្រូវប្រាំងលើកទី២ ជាង៣០០ហិកតា នៅវាលខាងលិចភូមិព្រែកសំរោងតែ ត្រូវបានខ្វះទឹកបញ្ចូលស្រូវដែលកំពុងចេញ និងជិតទទួលផលហើយ ត្រូវបានខ្វះទឹកមាន២០០ហិកតា បើគ្មានទឹកបញ្ចូលទេរស់ដោយទឹកសន្សើមអាចទទួលផលបាន៦០ភាគរយ និង១០០ហិកតា ដែលទើបព្រោះនាខែធ្នូ ឆ្នាំ២០២៣ អាចខូចទាំងស្រុង ព្រោះពេលនេះស្រូវក្រៀមស្វិត និងដីប្រេះក្រហែង។
លោក ហោរ៍ សំណាង បានបញ្ជាក់ថា ពេលនេះប្រជាកសិករខ្លះកំពុងយកគោយន្តដឹកទឹកទៅស្រោចជាបណ្តើៗនៅពេលល្ងាចអាចបានទទួលផលខ្លះ និងរស់ដោយធម្មជាតិខ្លះ ទោះជាអាជ្ញាធរខេត្តនិងមន្ទីជំនាញបានចុះមកពិនិត្យនិងរកដំណោះស្រាយយ៉ាងណាក៍ដោយ មូលហេតុខ្វះទឹកនៅវាលស្រែខាងលិចភូមិព្រែកសំរោង គឺបណ្តាលមកពីទឹកជំនន់ឆ្នាំនេះបង្កអោយបាក់ទំនប់ ទើបទឹកទៅអស់គ្មានទឹកបញ្ចូលស្រែបណ្តាលខូច៣០០ហិកតា តែខូចខាតទាំងស្រុង១០០ហិកតា បើគ្មានទឹកសង្គ្រោះ៕
ចែករំលែកព័តមាននេះ