នីហ្សេប្រកាសបង្កើនកិច្ចសហប្រតិបត្តិការយោធាជាមួយរុស្ស៊ី
ប្រទេសនីហ្សេ ៖ នាយករដ្ឋមន្ត្រីនីហ្សេលោកឡាមីនហ្សេអីុន បានចេញធ្វើដំណើរការទូតមួយចាប់
ប្រទេសនីហ្សេ ៖ នាយករដ្ឋមន្ត្រីនីហ្សេលោកឡាមីនហ្សេអីុន បានចេញធ្វើដំណើរការទូតមួយចាប់តាំងពីថ្ងៃទី១៦មករាមក ។ ពេលនីហ្សេជួបប្រទះការលំបាកខាងហិរញ្ញវត្ថុ ប្រមុខរដ្ឋាភិបាលនីហ្សេរូបនោះ បច្ចុប្បន្នកំពុងស្វែងរកបណ្ដាដៃគូថ្មីៗ។ នាយប់ថ្ងៃទី១៨ មករា លោកបានមកដល់ក្រុងតេហេរ៉ង់ រដ្ឋធានីអីុរ៉ង់ ។ មុននេះលោកបានទៅកាន់តួកគីនិងស៊ែរប៊ីខណៈនាថ្ងៃទី១៦មករា លោកបានទៅកាន់រុស្សុីអមដោយគណៈប្រតិភូសំខាន់មួយ ដែលរួមមានជាពិសេសរដ្ឋមន្ត្រីការពារប្រទេស រដ្ឋមន្ត្រីពាណិជ្ចកម្មនិងរដ្ឋមន្ត្រីថាមពលនិងរ៉ែ។
នាឱកាសបំពេញទស្សនកិច្ចនៅរុស្សុីលោកឡាមីនហ្សេអីុនថ្លែងថា ប្រទេសទាំង២ប្រកាសពីការបង្កើនកិច្ជសហប្រតិបត្តិការយោធា។ លោកថាអ្វីៗនឹងបោះដំណើរយ៉ាងលឿន។ក្នុងពេលដ៏ឆាប់ខាងមុខយើងអាចពង្រឹងសមត្ថភាពរបស់កងទ័ពយើង។ ការពិភាក្សាគ្នានៅក្រុងមូស្គូផ្ដោតជាពិសេសលើការផ្ដល់បណ្ដាឧបករណ៍យោធារុស្សុីដល់នីហ្សេនិងការជួយបណ្ដុះបណ្ដាលកងទាហាននីហ្សេពិសេសនៅរុស្សុី៕
ចែករំលែកព័តមាននេះ