កូរ៉េខាងជើងសាកល្បងដ្រូនក្នុងទឹកថ្មីវា.យប្រហារនុយក្លេអ៊ែរ
ប្រទេសកូរ៉េខាងជើង ៖ កូរ៉េខាងជើងកាន់តែបង្ហាញសាច់ដុំដោយប្រកាសថា បានធ្វើការសាកល្បងដ៏
ប្រទេសកូរ៉េខាងជើង ៖ កូរ៉េខាងជើងកាន់តែបង្ហាញសាច់ដុំដោយប្រកាសថា បានធ្វើការសាកល្បងដ៏សំខាន់មួយប្រព័ន្ធគ្រឿងសព្វាវុធនុយក្លេអ៊ែរក្រោមទឹកHALEIL-5-23 ដែលកំពុងពង្រីកក្នុងសមុទ្រខាងកើតរបស់កូរ៉េ។នេះជាសេចក្ដីរាយការណ៍នាថ្ងៃទី១៩មករារបស់ទីភ្នាក់ងារព័ត៌មានកូរ៉េខាងជើងKCNA។
ក្រសួងការពារប្រទេសកូរ៉េខាងជើងថ្លែងថា ការសាកល្បងនោះធ្វើឡើងជាការឆ្លើយតប ចំពោះសមយុទ្ធយោធាជើងទឹករួម រវាងសហរដ្ឋអាមេរិក កូរ៉េខាងត្បូងនិងជប៉ុន។ សមយុទ្ធនោះកូរ៉េខាងជើងចាត់ទុកថា ជាការគំរាមកំហែងធ្ងន់ធ្ងរដល់សន្តិសុខរបស់ខ្លួន។ ដ្រូនវាយប្រហារនុយក្លេអ៊ែរក្នុងទឹកនោះ អាចបង្កើតស៊ូណាមីវិទ្យុសកម្មទំហំធំមួយ តែពួកអ្នកវិភាគនៅមានការសង្ស័យលើការអះអាងរបស់ក្រុងព្យុងយ៉ាង។
តាមKCNAថាដ្រូនវាយប្រហារនុយក្លេអ៊េរក្នុងទឹកនោះ អាចដាក់ពង្រាយតាមគ្រប់តំបន់ឆ្នេរសមុទ្រនិងកំពង់ផែឬសណ្ដោងដោយនាវាលើផ្ទៃទឹក។ គោលដៅរបស់អាវុធនោះគឺដ្រូននេះអាចជ្រៀតចូលដោយបំបាំងខ្លួន ដល់ក្នុងដែនទឹកប្រតិបត្តិការហើយអាចបង្កើតស៊ូណាមីវិទ្យុសកម្មក្នុងទ្រង់ទ្រាយធំ ដើម្បីកម្ទេចបណ្ដាកងវាយប្រហារតាមជើងទឹករបស់សត្រូវនិងកម្ទេចបណ្ដាកំពង់ផែយោធារបស់សត្រូវ។
មេដឹកនាំកូរ៉េខាងជើងលោកគីមជុងអ៊ុនបានទៅត្រួតពិនិត្យមើលដោយផ្ទាល់ការសាកល្បងនោះ។ បណ្ដារូបភាពផ្សាយដោយកាសែតRODONG SINMUN បង្ហាញលោកគីមជុងអ៊ុនសើចរីករាយ ចំពោះការផ្ទុះក្នុងសមុទ្រពេលសាកល្បងដ្រូនពិសេសនោះ៕
ចែករំលែកព័តមាននេះ